aFilimon 1:1 - Izere New Testament

¹ Mi, aBulus, aya a tin te nitso̱m kamok aYeso Kiristi ne aronyining yir aTimoti ne i ta zibir wan kufumung na aFilimon, agbang aferime̱ yir ne i bun i nye aferime̱ itomong yir.

aFilimon 1:1 Iomraidhean Croise

Itomong Ámanzo 16:1

Ayong aBulus tseng na aDarbe a ta se wesek na aListira. Alimazhiri akak tuse azong riyerek wu tá nye aTimoti. Anyining wu nye abafe aYahuda'me ne a nye afikuus'e, amma atek wu nye aner aHeleni.

1 aKoranti 3:9

Yir nye yir itomong Adakunom mak, ne yin nye yin riko̱ Adakunom be rino̱k wu.

2 aKoranti 1:1

Mi aBulus, aya Adakunom tin kasa nong ta te amanzo aYeso aKiristi, i ta se yir mak be aronyining yir aTimoti, ne i sen ka zibir yin kufumung na, yin áfikuus Adakunom áya a ta se na aKoranti ne ázhe̱l'e áya ta se niben Akaya cice̱r.

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.

Afisa 3:1

Kamok anong, mi aBulus a min te nitso̱m kamok aYeso aKiristi ne kamok yin áya sang yin ta nye yin áner aYahuda baꞌ.

Afisa 4:1

Kamok anong, mi aya mi ta se nitso̱m kamok mi ta kuus Agwo̱m Ágwo̱m, mi ta nye yin akusuk ye yin ra sor yin kusor kutek kuya ku ta se kyo̱ndi agbang kuyis kuya a tá ka yis mo yin.

Afisa 6:20

Kamok Rife̱ Ritek na ne mi te aner kutom, aya a ta se kaye̱e̱r izining. Nye yin aduwa nong ase̱ nizen iya mi ta sen taas kutom'e mi ta taas dar inyim kyo̱ndi mi ta shim.

aFilipi 1:1

Mi, aBulus ne aTimoti, i ta nye yir ásam aYeso Kiristi, ne i sen ka zibir yin kufumung na yin azhe̱l cice̱r áya a tá kuus aYeso Kiristi na aFilipi. Yir bun i nye shou yir áko̱k kasho̱o̱n ikilisiya ne ádikon.

aFilipi 2:25

Amma mi di, i bun i se gye̱r ta ka tom yin aroneng akak nikuus, Apafuroditus, ne a nye afudang itomong'i. A nye asozha aYeso, i ta sen can yir mak, aya yin tú ku tom yin nunaan nong a tá be̱ a tin se̱ mo nike̱ng iya mi ta tse̱r.

aFilipi 4:3

Ei, mi bun i fe̱ be wan afudang itomong'i afe katsak, ye i ra tobok ányining'ong kamok á gung rice be mi ni itomong i taas Rife̱ Ritek Adakunom, anong ne aKelemen be ribir áfudang yir áya i ta nye yir itomong mak, áya ayerek ba ta se kaye̱e̱r kufumung kutser.

aKolosi 1:1

Mi aBulus, aya Adakunom tá kasa nong a tá te amanzo aYeso Kiristi, mak be aronyining yir aTimoti ne i ta zibir yin kufumung na,

aKolosi 4:11

aYeso, aya a tú ku yis ye aZhostus ta nye yin ashou gip, igak áner aYahuda áya a ta se ni itomong rigwo̱m Adakunom mak be mi'ong.

1 aTasalonika 3:2

Yir tom yir aTimoti, aronyining yir aya a ta nye itomong Adakunom mak be yir ne a taas Rife̱ Ritek aKiristi. Yir tú ku tom yir nong a tà be̱ a tà ka barang mo yin agap ne a ka tsesek yin, kaye̱e̱r kuno̱o̱k katsak yin,

2 aTasalonika 1:1

Mi aBulus be aSila ne aTimoti, ta nye yin áfikuus aTasalonika ashou, yin áya i ta nye yin áfe Adakunom Ada yir ne Agwo̱m Ágwo̱m yir aYeso Kiristi.

2 aTimoti 1:8

Kamok anong sang tú fok isum kufe̱ itak natoon Agwo̱m Ágwo̱m yir baꞌ, ka isum'i kamok a tin te nitso̱m kamok wu baꞌ. Amma gung rice be mi kaye̱e̱r risam'me kamok Rife̱ Ritek'e ne i ni fereng nukyem Adakunom.

aFilimon 1:23

Abafaras afudang'i, i ta se yir nitso̱m mak kamok aYeso Kiristi, ta nye yin ashou.

aFilimon 1:24

Anong ne áfudang itomong'i, aMarkus be Aristakus ne aDemas be aLuka ta nye yin ashou gip.

aFilimon 1:9

Amma kamok mi ta ka shim, mi shim ta ka nye akusuk, mi aBulus, mi tá nye asho̱n ne i bun i se nitso̱m kyo̱o̱rna kamok aYeso Kiristi.