Mak 7:6 - Iwam Sepik

⁶ Mɨ Jisɨs siya sɨmiir boɨnki, bɨiya Aisaia, profet inkamɨn siya ta yai aiirar nikɨ wɨn boɨnkikɨn kɨmiiramɨn. Kɨma nɨksɨsaeyakawaiwigɨm. Siir yokwowa hɨnɨɨna wɨn boɨnkika, tɨ iikam isidɨn sɨma kariir inɨg ɨiir hainanam boɨniyɨm, sɨma yai ara nhɨnkɨni. Sɨmiir kwoɨnɨm kanaka bɨri namasugɨm. Nɨɨngaka.

Mak 7:6 Iomraidhean Croise

Jon 15:24

Mɨ kara dimɨnɨn bɨiya inkamkɨ tɨr karamae nwowɨn, siir tɨr nwowi mɨ sɨma Adi Komii siirɨn ha nikwowaisiigɨswo, yɨo tɨriigɨn sɨma wɨ dimɨn biyɨe di tɨri. Mɨ sɨma dimɨnɨm kara tɨrɨm sɨmiirɨn bɨdiyar kɨgɨn mɨ sɨma Adi Komii siirɨn ɨna swokɨ ikwowaisiiyɨm mɨ sɨma ɨo whwonkam karar mɨ kariir Ad ɨeya, kɨmɨdiniya krɨriirni swokɨ anao. Mɨ tɨriigɨnɨn wɨ dimɨn biyɨe komiigɨ komii nwowi.

Jon 5:42

Mɨ kara kɨmiirɨn ɨna nɨnoknɨnkɨnɨn kɨmiir kwoɨnɨm Adi Komii siirɨm naɨngwo hɨrɨrɨu kɨɨn tani.

Aposel 28:25

Mɨ sɨma kwoɨn whɨruwa bɨ nwokɨm mɨ nhɨrɨm sɨma asi namkɨm. Dimusi rani, ta yaiya Pol siya hɨnɨɨna boɨnkiyɨn, Adi Komii siir naeyɨuɨn bɨdi yɨkopsɨsɨrkiyɨn profet Aisaia siirɨn. Mɨ Aisaia kɨmiir brougae wanwiyaeyɨm sɨmiirɨn hɨnɨɨna boɨngik.

2 Timoti 3:5

Mɨ sɨma Adi Komii siiramɨn nhɨnmi pɨuargar kɨni, kwoɨnɨn nhɨnmi wara kɨntani. Nɨɨngaka. Mɨ sɨma Adi Komii siir kɨrɨeya saiirɨn pɨ yaewan mɨ kɨndiyɨuwangigi. Mɨ tɨ hɨriinan kamɨm, kɨra wɨ sɨmaka kɨpi nɨtapiyoksran. Nɨɨngaka.

Taitas 1:16

Sɨma hɨnɨɨna boɨnikɨm sɨma Adi Komii siir yai ɨmiirar wakaeyokna apikɨm mɨ tɨ dimɨnɨm sɨma tɨriiyɨm krɨmiirɨn sɨma nɨisiimauuwi sɨma siir yai ɨmiir wakaeyokna ap rani. Sɨma Adi Komii krɨmiir Wanɨn siir yai ɨmiir bɨ swokɨ wakaeyokna apikɨm mɨ Adi Komii siir whwonkam ɨdan sɨma ɨni biyɨekɨbiyɨe ywowɨm mɨ sɨma wɨ dimɨn mɨiyɨksɨm whɨr swokɨ tɨrmɨmɨn tani. Nɨɨngakɨɨnga. Ɨriig.