Mak 2:7 - Iwam Sepik

⁷ Siya tɨ hɨnɨɨn yai boɨnɨn mɨ siya tari Adi Komii siir nɨgbumbui. Inkam nwɨrkɨn bɨri swokɨ haiyoprimdiyɨumii srankɨn dimɨn biyɨeyɨm. Nɨɨngaka. Adi Komii siirar mɨiga.

Mak 2:7 Iomraidhean Croise

Matyu 26:65

Jisɨs siya hɨriinan yai boɨnkiyɨn mɨ prismi bɨiyan inkam komiiyɨn siir yɨuɨsa ɨna yɨinɨkiwɨtkiyɨn siya iikamɨm sɨmiir nɨisiimauugɨn siya ɨokakɨn mɨ siya ɨna boɨnɨn. Siya Adi Komii siir yai aiir nɨgbumbu boɨnkɨn mɨ krɨma kam nhɨrɨm whɨnboɨnam kɨpi swokɨ ɨkɨuna kɨma bɨdi wakaeyɨm siya nɨgbumbuwa Adi Komii siir.

Matyu 9:3

Mɨ mhoɨiya kamɨm siyɨu komii nɨnoknɨnkɨniyɨm sɨma sɨmar yɨmboɨn amboɨn. Mɨ tari tɨ inkamɨn siya nɨgbumbuwi. Mɨ siir ɨgsop aiir nokwokairinaɨm mɨni.

Mak 14:64

Kɨma bɨdi wakaekiyɨm yai bibiyɨeyɨm siya boɨnkiyɨm Adi Komii siir mɨ kɨma ɨni panɨɨna yaɨngwokiyɨm? Mɨ sɨma hoɨmgakarɨm ɨni yai kwɨruwar kɨrɨtkɨn boɨnkiyɨm, siya siyɨu biyɨe bɨdi tɨrɨn, siya wa dao.

Mak 2:6

Mɨ kamɨm siyɨu komii nɨnoknɨnkɨniyɨm yɨm sɨma hɨr warar nɨnkɨn ɨdwokaigɨm mɨ sɨmiir kwoɨnɨm aowa aowa ɨni ta yaiya Jisɨs siya boɨna saiir saiira yaɨngwokwonanaeyɨm.

Mak 2:8

Mɨ sɨmiir kwoɨnɨm Jisɨs siya bɨdi yɨnoknɨnkɨnkiyɨm mɨ siya sɨmiir asi boɨnkɨn, kɨma wara hɨnɨɨn kwoɨnɨn kɨmiir waraur dimusi nwowi?

Luk 5:21

Mɨ kamɨm siyɨu komii nɨnoknɨnkɨniyɨm mɨ Farisi kam ɨkɨm sɨmasɨmarɨn ɨna yomboɨn amboɨnɨm. Yɨpɨkɨn tɨ inkamɨn Adi Komii siir hɨriinan boɨnɨn? Inkam nwɨrkɨn bɨ swokɨ haiyoprimdiyɨumii srankɨn dimɨn biyɨeyɨm. Nɨɨngaka. Adi Komii siirarar mɨiga.

Luk 7:49

Mɨ iikam nhɨrɨm ta hɨiya siya nɨdwokaiya saiir nwowɨm sɨma sɨma yomboɨn amboɨnɨm Yɨpɨkɨ siya pɨ krɨmiir dimɨn biyɨe biyɨeyɨm pɨ sɨmiir haiyoprimdiyɨumiigii?

Jon 10:33

Mɨ Isrel sɨmiir kɨgrɨraowiyɨm sɨma siir boɨnki, krɨma siiya tɨ dimɨn kɨbikɨbiyɨm kɨra tɨrɨm sɨmiirsi kaiyɨmɨkam tɨr tani. Nɨɨngaka. Krɨma kɨriirɨn siiya pɨ dimusi kaiyɨmɨk rani, kɨra yai mɨiyɨknan bɨ boɨnkɨn kɨra inkamaɨrgɨn mɨ kɨra hɨnɨɨn dimusi boɨnkɨn, kɨra ɨni Adi Komii siir hɨriinanar swokɨ owɨn.

Jon 10:36

Kariirɨn Adi Komii siyar nɨmbingiyɨn mɨ siya kariirɨn ɨna yɨkropkiyɨn nua tɨriir mɨ kɨma kariirɨn hɨriinan dimusi boɨnkɨm, kara dimɨn biyɨe boɨnmɨmauuwi. Dimusi rani, kara kɨmiirɨn pɨ hɨnɨɨna boɨni, karaɨrgɨn Adi Komii siir yɨnisɨmɨn.