Jems 5:1 - Iwam Sepik

¹ Mɨ kɨma iikamɨm umɨrkɨ naokɨngugunankaiyɨm ɨiya maɨrgɨmaɨrga kɨma nwowana prɨei nwo rani. Mɨ saiir mhoɨiyarɨn hɨk komii komiiyɨm wɨ kɨmiir nanɨnkɨnɨuni mɨ kɨma wɨ nɨnounɨnki prasae kɨn tani.

Jems 5:1 Iomraidhean Croise

Jems 1:11

Mɨ nugakɨn kɨp saeya bɨmbɨuwi bɨ nwowiyakwokika mɨ bɨe siya pɨ whwoki mɨ ta kɨp kɨbiya pa waiwɨski mɨpa houginami. Mɨ inkamɨn siir digworaekwo ɨmiiramar nanmainonkwokrɨpkaiiyɨn, yɨo tɨ siyɨu hɨriinan kaimwowɨn kɨpkɨ waiwɨsiyɨn ɨni siir hɨriinan ywowɨn mɨ siya wa naonami. Mɨ krɨma krɨmiir digworaekwo ɨmiirɨm kɨpi naɨngwokwonanaei sɨma whɨnkɨnsiis haigɨnɨuwam krɨmiirɨn, wadɨe krɨma sɨbgu owam. Adi Komii sasaɨrgɨn krɨmiir whɨnkɨnsiis haigɨnɨuwanɨn. Ɨriig.

Jems 2:6

Mɨ kɨma tɨ iikam paeprikabɨm yɨpɨkɨ digworaekwo karamaeyɨm hɨk sɨmiir hauuwi. Dimusi rani, kɨma sɨmiirɨn siyɨu mɨiyɨk bɨ tɨrkɨm. Mɨ kɨma iikamɨm digworaekwokakɨm sɨmiir inɨg ɨmiir dimusi hainankɨm. Yɨm sɨma kɨmiirɨn siyɨu mɨiyɨk bɨ tɨrkɨm. Nɨɨngaka. Yɨmbi siyɨu biyɨe whɨr kɨmiiram swokɨ tɨri, kɨmiir kiyopsɨbgiyɨm mɨ kɨmiirɨn pa kiyɨtnɨmnɨr hainami, maeyaua yai hɨdiya saiirɨm.

Jems 4:13

Ta yaiya kara boɨnkiya saiir wakaeki, kɨma iikamɨm yɨpɨkɨ hɨnɨɨna boɨnɨm, panao mɨ waka, kɨra pɨ hɨnda nami mɨ bɨewi pɨ whɨra ninɨ owouwi, kɨriir digworaekwo whɨekakɨm inkam nhɨrkɨm saɨnɨm mɨ kɨra pɨ umɨr sɨmiirsi haiiyɨm, yɨo mɨiyɨk rani, kɨra hɨriinan yai boɨni.

Jems 4:9

Kɨma iikamɨm wɨ maɨrgɨmaɨrga nwo rani, ɨiya kɨma dimɨn biyɨe biyɨeyɨm kɨma tɨrɨm sɨmiiram naɨngwowi mɨ kɨma kɨmiir maɨrgɨmaɨrga wɨ saiir haiburgigi mɨ kɨma wa noui. Kɨma wa haigɨngigi kɨmiir kwoɨnɨm digɨumii, ɨiya kɨma wadɨe nwowa mɨ biyɨe nwo aka.