Jems 3:9 - Iwam Sepik

⁹ Mɨ iikam krɨma Adi Komii siir inɨg ɨiirɨn pɨ ta kwɨriyae aeyar mɨ hainani mɨ yai bibiyɨe iikam nhɨrmi pɨ saeya swokɨ boɨni, yɨpɨkɨ krɨmiirɨn bɨiya Adi Komii siyar nonkwokwokiyɨm siir kwoɨnkar.

Jems 3:9 Iomraidhean Croise

Matyu 26:74

Mɨ tariinanɨn Pita siya ɨna yɨkopaisɨsɨrkiyɨn, kaimwokɨ kaimwokɨɨnga. Kara tɨ inkamɨn siir bɨ nɨnoknɨnkɨnkɨn. Nɨɨngakɨ, nɨɨngakɨɨnga. Mɨ kariir yaiya kaimwo karamaekɨ nɨuwi mɨ Adi Komii siya kariirɨn hɨk pa hauuwi hɨriinan yai boɨnkiyɨn mɨ ɨuumɨn ɨna yɨkiyɨn.

Matyu 5:44

Mɨ kara yai kwɨra kɨmiirɨn pɨ warar nɨnkɨn boɨnkii, kɨma kɨmiir sau omomɨn siirsi daɨngwobuna mɨ iikamɨm kɨmiir tɨrbumbu nɨnkɨn haigɨnɨuwiyɨm kɨma Adi Komii siiramɨn sɨmiiram kwɨsboɨnki sɨmiir whɨnkɨnsiis haigɨnɨuwam.

Aposel 2:26

Kara wɨ maɨrgɨmaɨrga asi nwowi. Kara mwai mɨnam waowi pɨua nhɨɨnmi kɨnɨm. Ɨiya kara nao nami mɨ kara wɨ kariir pɨu aiirsi naɨngwoyɨmiyok rani. Mɨ saeya wɨ wadɨeya swokɨ owi.

Rom 3:14

Ɨinokɨinokɨn sɨma yai bibiyɨe arar boɨnanaei iikam ɨmiirɨn.

1 Korin 11:7

Mɨ kamɨm ɨiya sɨma Adi Komii siir yai aiir boɨnmɨmauuwiyɨm mɨ ɨiya sɨma nhwo Adi Komii siiram mɨ kwɨsboɨniyɨm, sɨmiir mwowɨm dimɨn taemɨn kɨpi nɨtɨmwanɨu. Dimusi rani, kamɨm yɨm Adi Komii siir kɨrɨeya mɨ siir dimɨn kɨrɨe komii komiiyɨm paenan nɨuyaeiyɨm mɨ digworaekwo whɨekak ɨkɨm sɨmiir sɨbgu kɨgɨrkakikɨm. Mɨ yɨm wigɨm. Nɨɨngaka. Yɨm sɨma sɨmiir kamɨm sɨmiir kɨrɨeya mɨ sɨmiir dimɨn mɨiyɨk mɨiyɨkɨm paenan nɨuyaeiyɨm mɨ sɨmiir inɨg komii ɨkɨm, yɨm sɨmiir nɨisiimauuwi.

Efesas 1:3

Krɨma Adi Komii siir inɨg ɨiir hainanki krɨmiir Bɨiyan Inkam Komiiyɨn Jisɨs Krais siir Adɨn. Dimusi rani, iikam krɨmiirɨn siya hainanprapraskikɨm. Dimusi rani, krɨma Krais siirgɨm mɨ tɨ hɨriinan saiirsika Adi Komii siya siir dimɨn kɨbi kɨbiyɨm siir om hɨranɨm krɨmiir asi hauugikɨm.

Jems 1:27

Krɨmiir Adi Komiiyɨn siya krɨmiiramɨn mɨnam naɨngwowi krɨma wadɨe sɨbgu owɨm. Siya krɨmiirɨn tɨ hɨnɨɨna boɨnkikɨn, wig igabɨeyɨm mɨ yɨnisɨsɨmɨm yɨpɨkɨ ad yopii karamaeyɨm sɨmiir whɨnkɨnsiis haigɨnɨu mɨ hɨkar timɨ hai mɨ yaiyɨm sɨmiirɨn siyɨu biyɨeni kɨpi nwo. Ɨriig.

Jems 3:10

Kwɨriyaeya kwɨruwaɨrga, iikam krɨma boɨniya yai mɨiyɨk mɨiyɨkɨm mɨ yai bibiyɨe. Mɨ tɨ kariir nomiiyauɨm, tɨ dimɨn taemɨn bibiyɨeyɨm krɨma tɨriyɨm mɨ yɨm wɨ kɨpi swokɨ tɨrmɨmɨn.

1 Pita 1:3

Krɨma Adi Komii siir inɨg ɨiirarar hainanki yɨpɨkɨ krɨmiir Bɨiyan Inkam Komiiyɨn Jisɨs Krais siir Adɨn. Dimusi rani, siya krɨmiiramɨn nhami nhami bɨ naɨngwokwonanaekɨn mɨ siya siir naɨngwoyɨmyoka saiirɨn warar mɨ ɨisiimauu krɨmiirɨn Jisɨs Krais siirsi yɨpɨkɨ bɨiya nikɨ aonamɨn mɨ siirɨn Adi Komii siyar swokɨ hɨdnɨnsiin ɨdwo omwai swokɨ waiyamɨn mɨ tariinanɨn siya ɨni omwaiyar swokɨ waiyan.