Jems 3:16 - Iwam Sepik

¹⁶ Mɨ kɨma kwoɨn bibiyɨe naɨngwowi mɨ ɨo whwonkam nanaowi iikam nhɨrmi mɨ kɨma mɨnam warar naɨngwowi, iikamɨm sɨmiir bopwoniya kou kɨmar ywowɨm mɨ kɨma, kɨma kɨmar nɨnii nansaonaei mɨ kɨma wɨ dimɨn bibiyɨe whɨekakɨm sɨmiirar tɨri.

Jems 3:16 Iomraidhean Croise

Mak 3:25

Mɨ iikam nhɨrɨm omaka ɨruwanɨm sɨma isidɨn whɨsa nɨnkibɨrnaei, yaii nɨniyam mɨ sɨma wa sɨbgu owi ɨrɨpar, aniya? Nɨɨngaka. Sɨma wa nɨnoopki.

Aposel 19:29

Mɨ tɨ om komiiyɨn siir hɨran iikamɨm, yai ɨni komiiya nhɨnkii kauwokiyɨm. Mɨ sɨma diriyar yɨnsiin iwɨtnam, maeyaua ɨrɨpa yai sɨma nɨdwo boɨniya saiirɨm. Mɨ sɨma Gaias, Aristakas sowiirɨn wara yɨnkɨn kiwowɨt hainam. Tɨ inkam nwɨso nu komiiyɨn Mesedonia hɨranko sowa tɨ inkam nwɨso Pol saɨka nap mɨriigo.

Rom 2:8

Mɨ iikam nhɨrɨm yɨm sɨmamar naɨngwonaei mɨpi yaimwo aiir haimriiyɨugigi digɨumii mɨpi siyɨu biyɨe ɨiir dirɨraerar nami mɨ Adi Komii siir kwoɨnɨn tɨ iikam hɨriinanɨm sɨmiiramɨn wɨ haugɨhauga whiyɨe mɨ siya sɨmiirɨn wɨ hanɨɨngɨ nonkwobumbunɨnkɨni.

1 Korin 14:33

Dimusika? Adi Komii siya dimɨn taemɨnɨm ɨrɨpa bɨ nɨtapiyokɨn. Nɨɨngaka. Adi Komii siya ha naɨngwowi, kɨma ɨrɨpa haɨngiriyɨu owɨm, siir inɨg ɨiir hainanam mɨ kwoɨn mɨiyɨk haiyam mɨ sɨbgu ɨdwowɨm mɨ kwoɨn hiinsɨma nwowɨm mɨ kwoɨn whɨrkɨwhɨruwa nwowɨm.

1 Korin 3:3

Dimusi rani, kɨmiir siyɨuɨm kɨma napdirɨraerariyɨm ɨni iikamɨm nu tɨranɨm sɨmiir hɨriinan ywowɨm. Ɨhɨ, kɨma kɨmiir nomiiyauɨm sɨmaka whwokwoka bɨ nwowikɨm mɨ nɨnkɨnwamwarkɨi boɨni siyɨuɨn ɨni kɨmiir waraurar mɨ ɨnkɨn owɨn. Tɨ siyɨuɨn kɨma tɨrɨn ɨni kamɨm Adi Komii siir nɨnoknɨnkɨn karam nwowɨm, ɨni sɨmiir hɨriinan ywowɨm mɨ kɨma sɨmiir siyɨuɨn siir asi napkɨm.

2 Korin 12:20

Krɨma ta yokwowa kɨmiiramɨn whɨsarii bɨ wɨnkika, tɨ sɨmiirsika. Mɨ kara ta saiir saiira naɨngwokwonanaeikɨn. Kara pɨ boriisopi, mhoɨiya kara nɨti, kɨmiir ninɨ kɨgniyam mɨ kara wɨ ha kɨpi ninɨ kɨgni, kɨma tɨ dimɨn taemɨnɨm kara boɨnkiyɨm kɨma wakaeyokna apam, kɨma sɨmiir nap rani. Dimusi rani, wɨm kɨma wɨ tɨ dimɨn taemɨnɨm kara tɨranɨm kɨmiir whɨnkɨnsiis haigɨnɨuam wɨ sɨmiiram naɨngwo rani. Kara mɨnsi naɨngwoyɨmiyoki, tɨ dimɨn taemɨnɨm kɨmiir waraur kara ninɨ kɨgi sɨmiirsi naɨngwoyɨmiyoknanaei. Mɨ iikamɨm ɨrɨka nwɨrɨka nɨniinansaowi mɨ ɨrɨka nwɨraka nomboɨn ii ae karamae nwowi mɨ yaii ɨrɨka nwɨrɨka mɨ ɨnii mɨ sɨmiir pɨu ɨmiiramar swokɨ aɨngwokwonaei mɨ isido whɨsa mɨ ɨinɨbɨɨri mɨ yai bibiyɨe ɨrni nwɨrni mɨ ɨnɨkbumbuwi mɨ dimɨn taemɨnɨm hindara mɨ prɨiboɨn prɨiboɨni, yaiyɨm ɨrɨpa sɨbgu kitɨbmii boɨn karamae mɨ owi mɨ wɨm kɨma wɨ tɨ dimɨn taemɨn hɨriinanɨm sɨmiirar mɨ aɨngwo tɨbmii kɨɨni.

Galesia 5:20

Mɨ uruwai siyaowaini inɨg hainaniyɨm mɨ nop mɨn nanaowiyɨm mɨ ɨo nhɨrmaka nwowiyɨm mɨ yaii mɨn prɨnɨnii prɨinɨniiyɨm mɨ dimɨn taemɨn haigipraprakaiiyɨm mɨ yai bibiyɨe boɨniyɨm mɨ iikamɨm dimɨn taemɨnɨm sɨma sɨma haiyamar naɨngwonaeiyɨm mɨ kwoɨn bibiyɨe naɨngwowiyɨn mɨ isid nɨinɨkrɨmkrɨpiyɨm.

Jems 3:14

Mɨ kɨra kwoɨn bibiyɨe naɨngwowi mɨ ɨo whwonkam iikam nhɨrmi nanaowi mɨ kɨra ha naɨngwowi iikam nhɨrɨm sɨmiir whwonkam ɨda inkam mɨiyɨkɨn ɨni karar ywowɨn mɨ mhoɨiya kɨra ha kɨpi naɨngwo kɨraɨrgɨn inkam mɨiyɨkɨn mɨ dimɨn taemɨn whɨekakɨm kɨrar sɨbgu ɨnomoknɨnkɨn ɨski. Mɨ kɨra hɨriinan kwoɨn ɨiir naɨngwowi mɨ kɨra pɨ nɨksɨsae mɨ Adi Komii siir yai kɨbi kɨbi ɨmaka nantamyɨriyɨri.

1 Jon 3:12

mɨ krɨma ɨo whwonkam kɨpi nanao tɨ inkamɨn Ken nɨkɨuwiyɨn siir hɨriinan yɨo siya Setan siirgɨn mɨ yɨo siya siir nomousɨm ɨiir asi nɨsomaokɨn. Mɨ siya siir dimusi nɨsomaokɨn? Siya siirɨn mɨnsi nɨsomaokikɨn, dimɨn taemɨnɨm siya tɨrɨm yɨm mɨiyɨk rani mɨ dimɨn taemɨnɨm siir nomousɨm ɨeya tɨrɨm yɨm wadɨekɨm. Mɨ siya siirɨn ɨo ha nwowɨn mɨ siya siirɨn ɨna yɨsomaokiyɨn.