Jems 2:4 - Iwam Sepik

⁴ Mɨ yɨo tɨ hɨriinan siyɨuɨn kɨra tɨrkiyɨn yɨo siyɨu biyɨekɨbiyɨe ɨiirar tɨrkɨn. Mɨ kɨra iikam ɨmiirɨn ɨdaɨn pɨu aiirarar kɨpi hɨd hɨnɨɨn yɨo tɨ biyɨekɨn mɨ yɨo tɨ mɨiyɨkɨn.

Jems 2:4 Iomraidhean Croise

Luk 18:6

Mɨ Bɨiyan Inkam Komii siya ɨna boɨnɨn, kɨma tɨ yai hɨdan inkam biyɨeyɨn siir yai ɨmiir wakaeki mɨ tɨ yai hɨdan inkam biyɨeyɨn, siya ta wiga saiir yai bɨdi whɨndirɨraerarɨn.

Jon 7:24

Dimɨnɨm kara kɨmiir boɨnɨm kɨma sɨmiirɨn hindara whɨsariiya kɨpi hɨd. Wɨm kɨma ha naɨngwowi kara Moses siir siyɨu ɨiir mɨ ikwowaisii. Kɨma sɨbgu daɨngwo omoki mɨ kɨma pa nwokɨ ɨnoknɨnkɨnɨm kariir yaiyɨm kaimwowaɨrgɨm. Ɨriig.

Jems 3:17

Mɨ iikamɨm sɨma kwoɨn mɨiyɨkɨn Adi Komii krɨmiir Wanɨn siya hauugiyɨn siirar wakaeyokna api mɨ sɨma bɨiyɨn wɨ dimɨn mɨiyɨk mɨiyɨk ɨmiirar tɨri, ɨe mɨiyɨkɨn sɨnwhrɨe karamaeyɨn siir hɨriinan. Mɨ sɨma bɨigɨbɨiyɨn wɨ tɨkɨ dimɨn hɨnɨɨnɨm sɨmaka tɨri: Mɨ sɨma wɨ ɨrɨpa nongwomamaɨr aei mɨ sɨma wɨ ɨrni nwɨrni yaiyar wakaeyoknaei mɨ sɨmiir kwoɨnɨm wa kisɨna haigi mɨ sɨma iikam nhɨrmisi wa naɨngwobumbuwi mɨ wɨ sɨmiirar mɨ whɨnkɨnsiis haigɨnɨuwi mɨ wɨ dimɨn taemɨn mɨiyɨk mɨiyɨk ɨmiirara tɨri. Mɨ sɨma iikamɨm hɨnda tɨndanɨm sɨmiirɨn wɨ hɨriinan siyaɨu mɨiyɨkɨnar tɨrswowi mɨ sɨma wɨ iikamɨm yaibwowai nwowiyɨm sɨmiir hɨriinan nwo rani.

Jems 4:11

Tɨ kariir nomiiyauɨm, kɨma ɨrni nwɨrni kɨpi hɨd mɨ nɨksɨsae yai kɨpi boɨn. Nɨɨngaka. Yɨpɨkɨ iikamkɨm siir nomiiyau ɨmiir hɨdi mɨ siir nokwao boɨni, yɨo Adi Komii siir siyɨu komii siir yai ɨmiir haimriiyɨugɨm. Tɨ dimɨnɨm yɨpɨkɨ siya tɨrɨm yɨm ɨni siya boɨnan ywowɨm, siir yaiyɨm ɨni kougɨkou mɨ ɨni wadɨe ywowɨm. Mɨ ɨni Adi Komii siir ɨgsop aiir yokwokairina. Mɨ kɨma hɨriinan tɨri kɨma Adi Komii siir siyɨu komii siir yai ɨmiir bɨ wakaeyokna apikɨm. Mɨ kɨma pɨ hɨnɨɨna boɨni, kɨmiir yaiyɨm ɨni Adi Komii siir yai ɨmiir haiburɨm.