Jems 2:23 - Iwam Sepik

²³ Yaiyɨm yɨpɨkɨ bɨiya Adi Komii siya boɨnkiyɨm bɨdi yɨmbiyamɨm, tɨ yaiyɨm sɨma hɨnɨɨna boɨnkɨm tɨ inkamɨn Ebraham siya Adi Komii siir yai ɨmiir wakaeyɨn mɨ siya ɨna yaɨngwo tɨbmii kɨɨnɨn tɨ yai ɨmiiramɨn. Mɨ ta hɨriinan saiirsika Adi Komii siya siirɨn dimɨn whɨrkɨn kɨmbu karam asi boɨnkɨn mɨ siya Adi Komii siirɨm sɨbgu aɨngwo tɨbmiigɨn. Mɨ ta hɨriinan saiirsika, Adi Komii siya asi boɨnkɨn Ebraham siya siir nomiiyaugɨn.

Jems 2:23 Iomraidhean Croise

Galesia 3:6

Krɨma ɨna nɨnoknɨnkɨnɨm. Dimusi rani, Adi Komii siir yaiyɨm bɨiya profet kamɨm sɨm wɨnkiyɨm sɨma tɨ hɨnɨɨna wɨnboɨnkikɨm, Ebraham siya yaiyɨm Adi Komii siya boɨnkiyɨm siir sɨmiir wakaeyɨn mɨ siya tɨ hɨnɨɨna boɨnki, Adi Komii siir yaiyɨm yɨm kaimwowaɨrgɨm mɨ siya boɨnɨm siya sɨmiirɨn wa tɨri. Ebraham siya tɨ hɨriinan naɨngwokɨn mɨ siya ha naɨngwo tɨbmiigɨn Adi Komii siiramɨn mɨ ta hɨriinan saiirsika Adi Komii siya hɨnɨɨna asi boɨnkɨn siya dimɨn whɨrkɨn bɨ kɨmbugɨn.

Rom 11:2

Adi Komii siya siir iikamɨm bɨdi bɨdiniya siyar nɨmbingiyɨm, sɨmiirɨn digɨumii bɨ haimriiyɨugɨn. Mɨ kɨma bɨdi yɨnoknɨnkɨnɨm yaiya profet Ilaija siya kwɨsboɨnkiya Adi siiram Yokwo Komii hɨr nwowa Isrel sɨmiir iikamɨm sɨmiiram, siya hɨnɨɨna kwɨsboɨnkikɨn,

Galesia 3:22

Adi Komii siir yaiyɨm Yokwo Komii saiir nwokaiyɨm yɨm krɨmiirɨn tɨ hɨnɨɨna boɨnkɨm, iikam whɨekakɨm dimɨn biyɨe tɨrɨm nɨm krɨma ɨni paeyɨn uridgɨ nɨtkiiyɨn ɨni siir hɨriinan ywowɨm. Mɨ tɨ iikamɨm yɨpɨkɨ wɨ Jisɨs Krais siir wakaeyokna api mɨ Adi Komii siya sɨmiirɨn wɨ ha boɨni sɨma wadɨekɨm. Dimusi rani, sɨma hɨnɨɨna naɨngwo tɨbmii kɨɨni tɨ dimɨn taemɨnɨm bɨiya siya nɨmbinɨm sɨmiirɨn wa tɨri.

Rom 9:17

Yokwo Komii saeya hɨnɨɨna boɨnka Pero siirɨn nu Isip hɨran inkam komiiyɨn nu kɨrgɨraowiyɨn, kara kɨriirɨn nu kɨgrɨraoan inkam komii asi nokmwɨn okwo haigɨnɨugɨn mɨ tɨ hɨriinan siirsi nokmwɨn okwo haigɨnɨugɨn, sɨma kariir kɨrɨe aiir kɨgɨm. Mɨ kariir inɨgɨn omom omomɨn wɨ siir nwokɨ haigɨn ɨdwokiyɨm.

Luk 4:21

Mɨ siya sɨmiir boɨnki, yaiya tariinan kɨma kwawakaekiya Yokwo Komii saeya boɨna, tariinanɨn saeya tasi nɨmbiniraraowa.

Mak 15:27

Mɨ sɨma Jisɨs siir kingiinɨn inkam nwɨso hɨi tauaeiyo sowiirɨn warar yɨnkɨn ɨrɨmdɨnugik paeyɨn hɨiniya nɨrɨonɨnkɨnɨn siir. Mɨ nwɨrɨn ɨɨniga mɨ nwɨrɨn yaɨoyaeya.

Mak 12:10

Mɨ kɨma tari Adi Komii siir yaiya Yokwo Komii saiir nwowɨm sɨmiir bɨri mwangɨm? Siya hɨnɨɨna boɨnkikɨn, tɨ kougouwɨn yaewan kɨma kɨndiyɨu wangigɨn mɨ tariinanɨn siya ɨni bopwonauan kougou yamwoɨuɨn.

1 Pita 2:6

Adi Komii siir yaiya Yokwo Komii saiir hɨr nwowa hɨnɨɨna boɨnkika, kara yɨnpae kɨbiyɨn wɨra yɨmbin om Saion hɨramɨn omaka hɨr nwowa saiir kougou nwowɨm. Siya ɨni tɨ kougouwɨn siir hɨriinan ywowɨn omaka mɨriiyɨm ninansiin okwowiyɨn mɨ ha boɨniyɨn yɨo mɨiyɨk rani mɨ yɨo Adi Komii siya hɨnɨɨna naɨngwowi yɨo bɨmbɨuwi rani. Krais siyaɨrgɨn omaka saiir nonkworɨnuwanɨn kougouwɨn mɨ iikamɨm yɨpɨkɨ siiram naɨngwo tɨbmii sɨma wɨ hɨk mɨrisɨkak nwo rani mɨ sɨmiirɨn wɨ siya nanmaiwarkainaei mɨ wɨ siyar whɨnkɨnsiis haigɨnɨuwi.

2 Timoti 3:16

Adi Komii sikɨsiyar boɨnkikɨn tɨ yai whɨekakɨm Yokwo Komii saiir nwokaiyɨm iikam ɨmiir nowomwarkaiyɨuwam mɨ iikam ɨmiir nɨisiimauuwam sɨmiir dimɨn biyɨe ɨmiir mɨ sɨmiir sɨbgu grabaigɨnɨuam mɨ siyɨu mɨiyɨk sɨmiir nɨisiimauuwam sɨma tɨram.

Aposel 1:16

Hae, tɨ kariir isidɨn. Bɨdi Bɨdiniyarɨn tɨ inkamɨn Judas nɨkɨuwiyɨn Adi Komii siir naeyɨuɨn siya boɨnmɨmauukikɨn, krɨmiir wanwiyae Devid siir. Mɨ mhoɨiya wɨ siya nɨisiimauuwi Jisɨs siirɨn sɨmiir. Mɨ ta yaiya Devid siya wɨnkiya saeya wɨ sapi nɨmbiyami. Ta yaiya saeya ɨni kaimwowa ywowa. Mɨ tariinanɨn saeya bɨdi yɨmbiniya.

Jems 2:24

Adi Komii siya siirɨn dimɨn taemɨnɨm siir mhɨi kwoɨnau hɨr nwokaiyɨm sɨmiirarar bɨ kɨgɨn mɨ siirɨn ha bɨ dapkɨn siya inkam mɨiyɨkɨn. Nɨɨngaka. Siya sowiirɨn whɨsaɨrar kɨgɨn, siir naɨngwo tɨbmii aeya siir kwoɨn ɨeya mɨ mɨiya siya mɨrii aeya. Dimusi rani, ta hɨriinan saiirsi dapkɨn Adi Komii siya siirɨn, dimɨn whɨrkɨ kɨmbu karamae.