Jems 2:13 - Iwam Sepik

¹³ Iikamɨm yɨpɨkɨ naɨngwobumbu nhɨrmi nɨisiimauu karamae nwowɨm mɨ Adi Komii siya ɨriipɨ hɨriinan wɨ naɨngwobumbu kɨmiir mɨ ɨisiimauu rani. Nɨɨngaka. Mɨ hɨriinan saiirsika iikam nhɨrɨm sɨmiirsi daɨngwoyɨmiyok. Mɨ kɨra hɨriinan tɨri, Adi Komii siya kɨriirɨn wɨ mɨ onkwonɨɨnwomwɨɨrnɨnkɨn tani. Dimusi rani, kɨriir mɨi biyɨe ɨmiirsika. Ɨriig.

Jems 2:13 Iomraidhean Croise

Matyu 5:7

Iikamɨm, iikam nhɨrmisi naɨngwobumbuwiyɨm sɨma wadɨeyar dwo mɨ ha maɨrgɨmaɨrga. Dimusi rani, Adi Komii siya wɨ sɨmiirsiyar mɨ ɨnkɨn aɨngwobumbuwi.

Matyu 6:15

Mɨ kɨma iikam nhɨrmi dimɨn biyɨeyɨm sɨmiir haiyoprimdiyɨumiigi karamae nwowi mɨ kɨmiir Adi Komiiyɨn nɨnomor kouanɨn, kɨmiirɨn wɨ hɨriiyar mɨ tɨri. Ɨriig.

Luk 16:25

Mɨ Ebraham siya boɨn, yɨnisɨm tariinanɨn kɨra dimɨn whɨrɨn ɨna naɨngwokiyɨn. Bɨiya kɨra omwaiya nikɨ waiyan mɨ kɨra digworaekwo whɨekakakar nwokɨn. Mɨ Lasaras siya dimɨn biyɨe biyɨeyɨm sɨmiir haiigɨn. Mɨ tariinanɨn siir kwoɨnɨn tɨ om ɨiirɨn ɨni wadɨeyar yamwoniyɨn mɨ ni kɨra ɨni hɨk kɨmpɨpɨsu yama haiyɨuɨn.

Luk 6:37

Mɨ kɨma iikamɨm sɨmiirɨn kamɨm yai hɨdiyɨm sɨmiir hɨriinan hɨd karamae nwowi mɨ Adi Komii krɨmiir Wanɨn siya kɨmiirɨn wɨ mɨ hɨd rani. Nɨɨngaka. Mɨ kɨma iikamɨm sɨmiir dimɨn biyɨeyɨm sɨmiir haiyoprimdiyɨumiigi mɨ Adi Komii siya kɨmiir dimɨn biyɨeyɨm sɨmiirɨn wɨ hɨriiyar mɨ haiyoprimdiyɨumiigii.

Jems 3:17

Mɨ iikamɨm sɨma kwoɨn mɨiyɨkɨn Adi Komii krɨmiir Wanɨn siya hauugiyɨn siirar wakaeyokna api mɨ sɨma bɨiyɨn wɨ dimɨn mɨiyɨk mɨiyɨk ɨmiirar tɨri, ɨe mɨiyɨkɨn sɨnwhrɨe karamaeyɨn siir hɨriinan. Mɨ sɨma bɨigɨbɨiyɨn wɨ tɨkɨ dimɨn hɨnɨɨnɨm sɨmaka tɨri: Mɨ sɨma wɨ ɨrɨpa nongwomamaɨr aei mɨ sɨma wɨ ɨrni nwɨrni yaiyar wakaeyoknaei mɨ sɨmiir kwoɨnɨm wa kisɨna haigi mɨ sɨma iikam nhɨrmisi wa naɨngwobumbuwi mɨ wɨ sɨmiirar mɨ whɨnkɨnsiis haigɨnɨuwi mɨ wɨ dimɨn taemɨn mɨiyɨk mɨiyɨk ɨmiirara tɨri. Mɨ sɨma iikamɨm hɨnda tɨndanɨm sɨmiirɨn wɨ hɨriinan siyaɨu mɨiyɨkɨnar tɨrswowi mɨ sɨma wɨ iikamɨm yaibwowai nwowiyɨm sɨmiir hɨriinan nwo rani.

Jems 5:4

Mɨ bɨiya kɨra iikamɨm kɨriir numɨr aiir mɨriiyɨm, kɨra sɨmiir umɨrɨm haɨmiiyarar hauugɨn. Mɨ kɨra tɨ sɨmiir umɨrɨm hɨriiyar bɨri hauu swokikɨn mɨ haɨmiiyɨn ɨni kɨrar tauae hai naowidɨm mɨ Adi Komii siya bɨdiyar kɨgiyɨn umɨr haɨmiiyɨn kɨra tauae hainaowid ɨiirɨn. Mɨ Adi Komii siya bɨdi wakaekiyɨn kɨriir mɨiyan kamɨm sɨma boɨnɨm, kɨra sɨmiir umɨrɨm bɨri hauu dɨgɨm. Mɨ Adi Komii siya kɨrɨe komiigɨ komiigakɨn. Mɨ kɨra siirsi nɨdid rani, aniya?