Paltiing 19:2 - Ibatan

² Ta iyaw kapangokom na, ki oyod kan malinteg. Ta inokom naw no magdindinamagaw a machikamalala a mabakes maynamot do nakalapos nas tanaya do kinaderrep na, as kan binahes no Dyos raya daw no adipen na saw a diniman no mabakesaya.”

Paltiing 19:2 Iomraidhean Croise

Paltiing 15:3

as kinanta daw kantaw ni Moyses a adipen no Dyos do kaychowa kan iyaw kantaw no Karnirwaw. Inkanta da a kon da, “Mabīleg kan makaskasdaaw saw kaparin mo, mo Āpo Dyos a Manakabalin do tābo! Malinteg ka do tābo kayayan mo, kan myan dyimo oyod. Imo pa iyaw āri dan tabo saw a nasnasyon do lobongaya.

Paltiing 18:20

Ki inyo a myan do hanyit, masoyot kamo pakono a maynamot dya. On, masoyot kamo a tabo, inyo a tawotawo no Dyos kan apostolis, as kan propīta, ta intoroh no Dyos iyaw kaokom na a maynamot dyinyo.

Paltiing 18:3

Ta tabo nasyon saya do lobongaya, ki nachinom dana sa do kinaderrep no kapachikamalala na. As tabo san ar-āri do tanaya, ki nachoknod sa dya, as kan bomnaknang saw maglaklakwaw a maynamot do dya mabaywan a derrep na.”

Paltiing 6:10

Inyagagay da, “Aysa! Imom Manakabalin a Dyos a masantwan kan mapagtalkan, maypāngo pas kahay iyaw kangay mo a mangokom mana mamahes dyirad nangdimanaw dyamen a myan do tanaya?”