Genesis 12:1 - Ibatan

¹ Sinpangan na, binata ni Āpo di Abram a kāna, “Karwan mo tana mwaya kontodo saw kakabagyan mo saya kan bahay ni āmang mo, as kangay mo do tanaw a ipaboya konchi dyimo.

Genesis 12:1 Iomraidhean Croise

Genesis 15:7

Sinpangan na, binata ni Āpo dya a kāna, “Yaken iyaw Dyos a nangihtot dyimo do Or do Babilonya. Itoroh ko dyimo nyaya tana a dyira mo.”

Genesis 20:13

Do nakatoboyaw no Dyos dyaken a karwan ko yanan āmang ko a mangay do matarek a tana, inbahey kod baket kwa, ‘An oyod a chāsi mo yaken, do tabo a ngayan ta, ki ibahey mwa maykakteh ta.’”

Genesis 24:38

basbāli a mangay ka dyirad kakabagyan sayan āmang ko, ta dawrinchiw panghapan mos baket no pōtot kwaya.’

Genesis 24:4

basbāli a mangay ka do tanaw a nakayanakan ko do kakabagyan ko saw, ta dawrinchiw panghapan mos baket ni Isaak a anak ko.”

Genesis 24:7

Si Āpo a Dyos do hanyit, ki inhap na yaken do yanan āmang ko kan tana a nakayanakan ko, as kan inkari na dyaken a kāna, ‘Itoroh ko nyaya tana dyirad kapotōtan mo.’ Toboyen nanchiw anghil na a manmanma kan imo a mangisagāna so hapen mwaw a kabahay ni Isaak.

Genesis 26:2

Ki napaboya si Āpo dya, as binata na a kāna, “Mangay kaba do Egipto. Omyan kad tanaya a ibahey konchi a yanan mo.

2 Korinto 6:17

As myan paw matarek a inpaitolas ni Āpo a kāna, “Karwan nyo sa, kan machisyay kamo dyira. Saliden nyo sabaw nachilabay danaya do marahet tan rawaten konchinyo.

Hebreo 11:8

Maynamot pa do kapanganohed do Dyos, nagtongpal si Abraham do katawagaw sya no Dyos. Maynamot do dawri, kinarwan naw tana na, kan nangay do tanaw a inkari dya no Dyos a tawiden na a aran dyi na pa chapatak an dino kwanan na.

Paltiing 18:4

Sinpangan na, nakadngey ako so asa matarek a timek a yapod hanyit a ibahebahey na a kāna, “Karwan nyo, inyo a tawotawo ko, kan machisyay kamo do dyaya mabakes tan machiraman kamo aba do gatos na, as kan tan dyi kamo a mairaman do dosa na a kalidyatan.