Genesis 10:10 - Ibatan

¹⁰ Do dāmo, no pagāryan ni Nimrod, ki nairaman Babel, Erek, kan Akkad. Tabo nya, ki myan do tana no Babilonya.

Genesis 10:10 Iomraidhean Croise

Genesis 10:9

Maynamot do sidong ni Āpo, nayparin a maganay a manganop. Dawa, nyaw nakayapwan panyinyirinaya a, “Payparinen pakono ni Āpo a maganay a manganop a akmas Nimrod.”

Genesis 11:2

Do nakalongo daw do dāya, ki nakarapit sa do asa tanap do tana no Babilonya a do dawri danaw naybahayan da.

Genesis 11:9

Napangaranan nyaya syodad so Babel, ta dyaw pinaychawawan ni Āpo so kapaychirin tawotawo, as kan yapo sa dyaw pinaychawpit naw a tawotawo do tanaya.

Genesis 14:1

Do chimpo daw no apat saw a āri, ki myan gobat. Siraw apat saw a āri, ki sa Amrapel do Babilonya, si Aryok do Elasar, si Kedorlaomer do Elam, kan si Tidal do Goyim.

Amos 6:2

Mangay nyo a chiban syodad no Kalne, as kapaypakwan nyo do mabīleg a syodad no Hamat, kan maypawsok kamo pa do Gat a syodad dan Pilisteo. Maganaganayoriw pagāryan da kan iyaw pagāryan Joda kan Israel? Maraharahawawriw tana da kan tana nyo?

Mikyas 4:10

Maypiypisipis kamo a magāsog, inyo a tawotawo no Jerosalem a akmay maymanganak, ta machita nyo naw komaro do syodadaya, kan omyan do bengkag. Maakaw kamonchi a mabahod a maiyangay do Babilonya, ki isalākan nanchi inyo ni ĀPO do dawri a yapo do tanoro dan kabōsor nyo.

Mikyas 5:6

Idaōlwan darananchiw Asirya do tarem no ispāda, kan asdepen daw rowanganaw no tana ni Nimrod. Iyaw āri taya, ki isalākan nanchi yaten dyirad Asirya anchan daropen da yaten kan padasen daw lomasag do yanan taya.

Sakaryas 5:11

Ki tinbay na yaken a kāna, “Iyangay dad Babilonya a pamarinan das timplo na. An mapatayoka dana, padisnahen danchi daw bakagaya a pagdaydayāwan dan tawotawo.”