ฟี​ลิบ​พอย 2:16 - ฉบับอักษรลาว

¹⁶ ຕສຸ້ນ ຕສຢັ້ງ ແໝ່ງ ເຍີຍ ໂຕ໌ ປຸນ ນິ່ນ ບົວ. ເມີ່ຍ ບົວ ຮນັ້ງ ນ້າຍ ນໍ ໂຕສ໋ວ, ເຖົາ ເຢ​ຊູ ກີ​ຕູ່ ແອ໋ງ ຕ້າຍ ວົ້ວ ຮນອຍ ເຢຍ ຕສ່ຽວ ອະເຮນີ້ຍ ໄຫ່ ເຫວີ່ຍ ຕສຸ ຮິ້ວ ຕຸ໊ ເຢຍ ທສວດ ທຈະ ໂຕສ໋ວ ເຍີຍ ກົງ ໄມ້ ດ໊ອດ ປ໊ວນ ອ໊ະ.

Iu-Mien Thai

¹⁶ ฒุ่น เฒี่ยง แหม่ง เญย โต์ ปุน นิ่น บัว. เม่ย บัว ฮนั้ง น้าย นอ โหฒว, เถา เย​ซู กี​ตู่ แอ๋ง ต้าย วั้ว ฮนอย เยีย ฯฒฯ อะเฮน้ย ไห่ เหว่ย หฒุ ฮิ้ว ตุ๊ เยีย ธ้วด ชะ โหฒว เญย กง ไม้ ด๊อด ป๊วน อ๊ะ.

Iu-Mien Old

¹⁶ zunb zyavb mcvg Eei tod pun ninb Bua. meib Bua Navq naaiq nx zruj, Tauj ye-su ki-tug cvj taaib uaq Nxi yia zyrug a'Neiq haig weig zu'g hiuq tu'q yia Zwrtq Qa'q zruj Eei kov maiq Dxtq pwrnq a'q.

Iu-Mien New

¹⁶ zunh ziangh maengc nyei doz bun ninh mbuo. Meih mbuo hnangv naaiv nor zoux, taux Yesu Giduc aengx daaih wuov hnoi yie ziouc a'hneiv haic weic zuqc hiuv duqv yie cuotv qaqv zoux nyei gong maiv ndortv buonv aqv.

ฟี​ลิบ​พอย 2:16 Iomraidhean Croise

สีง ฑูง 40:9

ເຢຍ ຢຽມ ມ່ຽນ ທສ້ຳ ກັ໊ບ ຕສຸ໊ນ ເຍີຍ ຕ໋ອງ ຕສຸ້ນ ໂອຈ໋ວ ເອນ ເຍີຍ ຄູ້ ຝຽນ. ໂອ ຕສ໊ຽວ ອ້າ! ເມີ່ຍ ຮິ້ວ ຕຸ໊ ເຢຍ ເຍີຍ ດສຸ້ຍ ເໝີຍ ໄມ້ ຕີ້ງ ລ່ຽວ ເຍີຍ ຕສຸ້ນ.

สีง ฑูง 71:17

ໂອ ທິນ-ຮູ່ງ ອ້າ! ເຢຍ ຢຽມ ຫຮຍັງ-ເຈີ໊ຍ ຫລຸນ ເຖົາ ອີ້ ຕສັ່ນ ເມີ່ຍ ອຈ໋າວ ເຢຍ. ເຢຍ ຖສໍ່ ຕສຸ້ນ ເມີ່ຍ ໂຕສ໋ວ ບົວະ ຮ່ອງ ເຍີຍ ສີ່.

อิ​สะ​ยา 49:4

ມປ່າ ເຢຍ ກ໊ອງ, “ເຢຍ ລ່າວ ຫລຸ່ຍ ຢ່າ ໂຕສ໋ວ ໄມ້ ທສວດ ຫາຍ ຫຍູ່ງ. ເຢຍ ແປະໆ ດ໊ອດ ທຈະ ຢ່າ ໄມ້ ລ່ຳ ຫລົ່ງ. ມປ່າ ເຢຍ ຫອບ ຕສຸ ຕຸ໊ ເຍີຍ ປ່ວນ ຢຽມ ຕສ໊ຽວ ວົ້ວ. ເຢຍ ເຍີຍ ຕສີ້ງ ເຫຍີ່ຍ ຢ່າ ເຖສົາ ເຢຍ ເຍີຍ ທິນ-ຮູ່ງ ຢຽມ.”

มัด​ทาย 10:27

ເຢຍ ຢຽມ ຫຮມວັງ ຕສົງ ປີ໋ງ ຈ໊ຽນ ບົ໋ວ ເມີ່ຍ ບົວ ເຍີຍ ສີ່, ເມີ່ຍ ບົວ ອ໋ອຍ ຕສຸ ຢຽມ ອຈັງ ຕສົງ ກ໊ອງ ທສວດ ຕ້າຍ. ເມີ່ຍ ບົວ ຢຽມ ມນ່ອມ ກອນ ໄຮ໌ ເຍີຍ ຫວ່າ-ຊັບ, ອ໋ອຍ ຕສຸ ຢຽມ ວົ້ວ ເປຢົ໊າ-ງໍ່ ຕສຸ້ນ ບົ໋ວ ມ່ຽນ.

lu-kaa 12:8

“ເຢຍ ບົ໋ວ ເມີ່ຍ ບົວ, ຫາຍ ເຕົ້າ ຕອງ ຕສວັ໋ງ ຫຍ່ຽມ ເຢຍ, ເຢຍ ປ້າມ ມ່ຽນ ເຍີຍ ຕອນ, ຕສ່ຽວ ຢຽມ ທິນ-ຮູ່ງ ເຍີຍ ຟິນ-ມ່ຽນ ເຍີຍ ດສະຮມຽນ ຫຍ່ຽມ ວົ້ວ ເຕົ້າ.

โย​ฮัน 6:63

ເຊ ສີງ ລີ່ງ ປຸນ ມ່ຽນ ມ່າຍ ຕສຢັ້ງ ແໝ່ງ. ປ້າມ ມ່ຽນ ໄມ້ ໄຮ່ ປຸນ ມ່ຽນ ມ່າຍ ຕສຢັ້ງ ແໝ່ງ. ເຢຍ ກ໊ອງ ເຍີຍ ຫວ່າ ໄຮ່ ປຸນ ເມີ່ຍ ບົວ ຕຸ໊ ສີງ ລີ່ງ. ສີງ ລີ່ງ ຢ່າ ປຸນ ເມີ່ຍ ບົວ ຕຸ໊ ຕສຢັ້ງ ແໝ່ງ.

โย​ฮัน 6:68

ຊີ​ມົນ ປີ​ເຕ ເຕົາ, “ຕສ໊ຽວ ອ້າ! ເຢຍ ບົວ ອ໋ອຍ ຕສຸ ມີ່ງ ກັນ ຫາຍ ເຕົ້າ? ເຊ ຕົ້ງ ເມີ່ຍ ກັ້ນ ເຍີຍ ຫວ່າ ໄຮ່ ປຸນ ມ່ຽນ ຕຸ໊ ຢຽດ ລິ໌ວ ເຍີຍ ແໝ່ງ.

กง-โฒ่ 13:26

“ຕສວັ໋ງ ກໍ໋-ໂຢ໌ວ, ອັບ​ລາ​ຮຳ ເຍີຍ ເຕສີ໊ຍ-ຟຸນ ເຖສົາ ຢຽມ ເມີ່ຍ ບົວ ບຸດົ໋ງ ປ໋າຍ ທິນ-ຮູ່ງ ເຍີຍ ມ່ຽນ ອ້າ! ນ້າຍ ໂອຈ໋ວ ເອນ ເຍີຍ ໂຕ໌ ເຊ ຕສຸ້ນ ຕ້າຍ ປຸນ ບົວ ອ໊ະ.

1 โค​ลิน​โท 1:8

ທິນ-ຮູ່ງ ຢ່າ ອ໋ອຍ ປຸນ ເມີ່ຍ ບົວ ສຽນ ຕຸ໊ ວ້ວນ ເຖົາ ເຊດ ເມວີ໌ຍ. ຕສ໊ຽວ ເຢ​ຊູ ກີ​ຕູ່ ແອ໋ງ ຕ້າຍ ເຍີຍ ຮນອຍ ເມີ່ຍ ບົວ ຕສ່ຽວ ໄມ້ ມ່າຍ ຕ໋ອງ ຕສຸ ຕ້ານ.

1 โค​ลิน​โท 9:26

ເຫວີ່ຍ ນ້າຍ ເຢຍ ຖິວ ມີ່ງ ໄມ້ ເຕສີ໌ຍ ຮນັ້ງ ໄມ້ ມ່າຍ ຕີ່ງ ຕສຢັ໋ງ ເຍີຍ ຕ໋ອງ. ເຢຍ ຮນັ້ງ ເບ໊າະ ຈ໋າ, ມປ່າ ໄມ້ ເຕສີ໌ຍ ຮນັ້ງ ມ່ຽນ ຫລະໄກວ້ ຫລົ່ງ ປົ໌ວ-ຈ້ວນ ເບ໊າະ ດສຢ໋າວ.

ກາ​ລາ​ເທຍ 2:2

ເຢຍ ມີ່ງ ເຢ​ລູ​ຊາ​ເລມ ເຫວີ່ຍ ຕສຸ ທິນ-ຮູ່ງ ຫລ່າວ ຢ້າງ ປຸນ ເຢຍ ຮິ້ວ ຕຸ໊ ອ໋ອຍ ຕສຸ ມີ່ງ. ຢຽມ ວົ້ວ ເຢຍ ເຕສ໊າະ ເຢຍ ຕສຸ້ນ ປຸນ ຈັ໋ນ ເຍີຍ ຄູ້ ຝຽນ ເຫລ່ງ ເຈີ໊ຍ ກ໊ອງ ເມ່ງ ບົ໋ວ ໂຕສ໋ວ ໂຮລ ວົ້ວ ເຕີ໋ຍ ໝວັງ. ເຢຍ ຮນັ້ງ ນ້າຍ ໂຕສ໋ວ ເຫວີ່ຍ ຕສຸ ເດສົ້າ ເຫີຍ ເຢຍ ຕສິ້ນ ດ່າງ ໂຕສ໋ວ ເຍີຍ ກົງ ເຖສົາ ອີ້ ຕສັ່ນ ໂຕສ໋ວ ເຍີຍ ກົງ ດ໊ອດ.

ກາ​ລາ​ເທຍ 4:11

ເຢຍ ເຖງ ເມີ່ຍ ບົວ ເດສົ້າ ໄຫ່. ເດສ໋ຍ ເຢຍ ເຫວີ່ຍ ເມີ່ຍ ບົວ ໂຕສ໋ວ ເຍີຍ ກົງ ໂຕສ໋ວ ໄມ້ ທສວດ ຫາຍ ຫຍູ່ງ.

ฟี​ลิบ​พอย 1:10

ຮນັ້ງ ນ້າຍ, ເມີ່ຍ ບົວ ຕສ່ຽວ ໄຮ່ ກິ໊ນ ໂຕສ໋ວ ເກົ້າ ຫອບ ເຈ໋ຍ ຖສີງ ຕ້າຍ ເຖົາ ກີ​ຕູ່ ແອ໋ງ ຕ້າຍ ວົ້ວ ຮນອຍ ເມີ່ຍ ບົວ ຕສ່ຽວ ທສີງ-ເດສ່ງ, ໄມ້ ມ່າຍ ຕ໋ອງ ເອກ້ມ.

ฟี​ลิบ​พอย 1:6

ເຢຍ ສຽນ ຕີ່ງ ທິນ-ຮູ່ງ ຢຽມ ເມີ່ຍ ບົວ ເຍີຍ ໂຮຍ້ວ ເຈ໌ຍ ກອນ ໂຕສ໋ວ ຄູ້ ກົງ, ຢ່າ ອ໋ອຍ ໂຕສ໋ວ ຈ໊ຽນ ມີ່ງ ເຖົາ ກີ​ຕູ່ ເຢ​ຊູ ແອ໋ງ ຕ້າຍ ເຍີຍ ຮນອຍ ຕສ່ຽວ ໂຕສ໋ວ ຕສຢັ໋ງ ເດສ່ງ ອ໊ະ.

1 เท​สะ​โล​นิ​กา 2:19

ຕສ໊ຽວ ເຢ​ຊູ ແອ໋ງ ຕ້າຍ ວົ້ວ ຕສັ່ນ, ຫາຍ ຫຍູ່ງ ປຸນ ເຢຍ ບົວ ມ່າຍ ລ່ຳ ຮນ້ຳ, ຢ່າ ໂຕສ໋ວ ປຸນ ເຢຍ ບົວ ອອນ-ເຫລາະ, ຢ່າ ປຸນ ເຢຍ ບົວ ອະເຮນີ້ຍ ເຫວີ່ຍ ໂຕສ໋ວ ເຢຍ ບົວ ເຍີຍ ນີ້ງ? ເຊ ເມີ່ຍ ບົວ ໄມ້ ເຕສີ໌ຍ?

1 เท​สะ​โล​นิ​กา 3:5

ເຫວີ່ຍ ນ້າຍ ເຢຍ ໄຮ໌ ຕສົ໊ວ ໄມ້ ຕຸ໊ ເກົ້າ ເລົ່າ, ຕສ່ຽວ ພ້າຍ ທິ​ໂມ​ໄທ ມີ່ງ ເມີ່ຍ ບົວ ໜ່າຍ, ອ໋ອຍ ຮິ້ວ ຕຸ໊ ເມີ່ຍ ບົວ ເຍີຍ ສຽນ ຟິມ ຮນັ້ງ ຫາຍ ນໍ. ເດສົ້າ ເຫີຍ ດົ໊ວ ມ່ຽນ ວົ້ວ ເຕົ້າ ດົ໊ວ ຕສຸ ເມີ່ຍ ບົວ, ເຢຍ ບົວ ໂຕສ໋ວ ເຍີຍ ກົງ ຕສ່ຽວ ດ໊ອດ ເດສ່ງ ໝີ່ ອ໊ະ.

ฮิบ​ลู 4:12

ທິນ-ຮູ່ງ ເຍີຍ ຫວ່າ ເຊ ນັ່ງ ເຍີຍ, ມ່າຍ ທຈະ ເຍີຍ, ເກົ້າ ໄຫລ່ ເຈ໋ຍ ຢຽດ ຕສູ໊ງ ອີ ແໝງ ໄຫລ່ ເຍີຍ ດສຸ ດ໊າວ. ໄຮ່ ດສົ໊ບ ເປັຍ ເຖົາ ໂຮຍ້ວ ເຖສົາ ລີ່ງ ວ່ວນ ກັ໊ບ ເຍີຍ ຕ໋ອງ, ບູ໊ງ-ຟິມ ເຖສົາ ບູ໊ງ-ຕ໋າວ ກັ໊ບ ເຍີຍ ຕ໋ອງ. ຕສູ໊ງ ໄຮ່ ຊ້ຽມ ຕຸ໊ ມ່ຽນ ໂຮຍ້ວ ຫຍຸ່ນ ໂຕສ໋ວ ເຍີຍ ເຖສົາ ໂຮຍ້ວ ຮນ້ຳ ທສວດ ເຍີຍ ສີ່.

1 Bide 1:23

ເມີ່ຍ ບົວ ເຊ ກັ້ນ ຊຢັງ-ຢູ໌ງ ເຈ໋ຍ, ໄມ້ ເຕສີ໌ຍ ຢຽມ ໄຮ່ ໄຕ່ ເຍີຍ ປ໊ວນ ຢູ໌ງ, ເຊ ຢຽມ ໄມ້ ໄຮ່ ໄຕ່ ເຍີຍ ປ໊ວນ ຢູ໌ງ. ເຫວີ່ຍ ຕສຸ ເມີ່ຍ ບົວ ເຂົາ ທິນ-ຮູ່ງ ຢຽດ ລິ໌ວ ຕສຢັ້ງ ຈ໊ຽນ ເຍີຍ ໂຕ໌ ກັ້ນ ຊຢັງ-ຢູ໌ງ ເຈ໋ຍ.

1 โย​ฮัน 1:1

ເຢຍ ບົວ ເຟ້ຍ ກ໊ອງ ເຖົາ ຢູ໌ງ ແໝ່ງ ເຍີຍ ໂຕ໌. ໄມ້ ແກ້ງ ເຕສີ໋ຍ ລູ່ງ ເຕສີ໋ຍ ເດົາ ວົ້ວ ຕສັ່ນ ນ້າຍ ໂຕ໌ ຕສູ໊ງ ຢຽມ ເຍີຍ. ຕສິ້ນ ດ່າງ ໂຕ໌ ເຖສົາ ຕສັ່ງ ເຕ໋ຍ ຢຽມ ມປ່າ ອີ້ ຕສັ່ນ ຫິ່ນ ທສວດ ຕ້າຍ ປຸນ ເຢຍ ບົວ ປວັດ. ເຢຍ ບົວ ກັ້ນ ໄຮ໌ ເຈ໋ຍ ເຍີຍ, ມຕສີງ ຢ່າ ປວັດ ລິ໌ວ ອ໊ະ. ເຢຍ ບົວ ເຍີຍ ປົ໌ວ ຢ່າ ຕຸ໊ ຮລົວ ເຈ໋ຍ. ນ້າຍ ຢູ໌ງ ແໝ່ງ ເຍີຍ ໂຕ໌ ຫິ່ນ ທສວດ ຕ້າຍ, ເຢຍ ບົວ ຢ່າ ຕຸ໊ ປວັດ ຕສ່ຽວ ໂຕສ໋ວ ຕສອງ-ເຕສ໋ງ ກ໊ອງ ເຖົາ ນ້າຍ ຢຽດ ລິ໌ວ ເຍີຍ ແໝ່ງ.

หล่าว ย่าง 22:17

ສີງ ລີ່ງ ເຖສົາ ຊຢັງ-ບວັ໌ງ ລົ່ມ ດສ້ອຍ ກ໊ອງ, “ຕ້າຍ ມ່າະ!” ຫາຍ ເຕົ້າ ໄຮ໌ ນ້າຍ ເຕີ໋ຍ ຫວ່າ ຢ່າ ອ໋ອຍ ຕສຸ ກ໊ອງ, “ຕ້າຍ ມ່າະ!” ຫາຍ ເຕົ້າ ຈາງ ອກ໊າດ, ກຸ໊ນ ປຸນ ນິ່ນ ຕ້າຍ. ຫາຍ ເຕົ້າ ອ໋ອຍ ຮົບ, ກຸ໊ນ ປຸນ ນິ່ນ ຕ້າຍ ແປະໆ ຮົບ ນ້າຍ ຢູ໌ງ ແໝ່ງ ເຍີຍ ວວມ.