เย​เล​มี 5:3 - ฉบับอักษรลาว

³ ຕສ໊ຽວ ອ່າ, ເມີ່ຍ ເຍີຍ ມຕສີງ ລໍ໌ ຕສຽນ ເລີ໌ຍ ໄມ້ ເຕສີ໌ຍ? ເມີ່ຍ ເບ໊າະ ນິ່ນ ບົວ ມປ່າ ນິ່ນ ບົວ ໄມ້ ໄຮ໌ ຝູ່ງ. ເມີ່ຍ ໝຽດ ນິ່ນ ບົວ ມປ່າ ນິ່ນ ບົວ ໄມ້ ຄັ້ງ ຫລົງ ຈ໊ຽນ ຝາວ. ນິ່ນ ບົວ ປຸນ ນິ່ນ ບົວ ເຍີຍ ຮມຽນ ເກົ້າ ແຫງ່ງ ຫລະເປຢີ໊ຍ, ໄມ້ ຄັ້ງ ກ໊ອຍ ໂຮຍ້ວ ດສ໋ວນ.

Iu-Mien Thai

³ เฒี้ยว อ่า, เม่ย เญย มฒีง ล์อ เฒียน เล์ย ไม้ เฒ์ย? เม่ย เบ๊าะ นิ่น บัว มป่า นิ่น บัว ไม้ ไฮ์ ฝู่ง. เม่ย เหมียด นิ่น บัว มป่า นิ่น บัว ไม้ คั้ง หลง เจี๊ยน ฝาว. นิ่น บัว ปุน นิ่น บัว เญย เฮมียน เก้า แหง่ง หละเปย๊ย, ไม้ คั้ง ก๊อย เฮญี้ยว หฑวน.

Iu-Mien Old

³ zyruq aag, meib Eei mziv lxd zyen leid maiq zeid? meib Bx'q ninb Bua mq paag ninb Bua maiq haid fuvg. meib myetg ninb Bua mq paag ninb Bua maiq Kavq lovj Jyenq faauj. ninb Bua pun ninb Bua Eei Myen kaub vcvg la'pyeiq, maiq Kavq kxiq Hruq Rwrnj.

Iu-Mien New

³ Ziouv aac, meih nyei m'zing lorz zien leiz maiv zeiz? Meih mborqv ninh mbuo mv baac ninh mbuo maiv haiz fungc. Meih mietc ninh mbuo mv baac ninh mbuo maiv kangv longx jienv faaux. Ninh mbuo bun ninh mbuo nyei hmien gauh ngaengc la'bieiv, maiv kangv goiv hnyouv nzuonx.

เย​เล​มี 5:3 Iomraidhean Croise

เย​เล​มี 7:28

ເມີ່ຍ ຕສ່ຽວ ອ໋ອຍ ຕສຸ ກ໊ອງ ບົ໋ວ ນິ່ນ ບົວ, ‘ນ້າຍ ກົ໊ວະ ມ່ຽນ ໄມ້ ໝວັງ ຕສ໊ຽວ, ນິ່ນ ບົວ ເຍີຍ ທິນ-ຮູ່ງ ເຍີຍ ຫວ່າ, ຢ່າ ໄມ້ ເອີຍ ຈ໊ຽນ ອຈ໋າວ ເຍີຍ ເຈົ໊າ. ຕສຽນ ເລີ໌ຍ ຕສຸ ໝຽດ ໝີ່ ອ໊ະ. ຢຽມ ເມີ່ຍ ບົວ ເຍີຍ ດສຸ້ຍ ຕສຽນ ເລີ໌ຍ ຕສຸດ ໝີ່ ອ໊ະ.

เย​เล​มี 2:30

ເຢຍ ເບ໊າະ ເມີ່ຍ ບົວ ເຍີຍ ນ່າມ ໂຍ໌ວ, ນິ່ນ ບົວ ຢ່າ ໄມ້ ໝວັງ ເຢຍ ອຈ໋າວ. ເມີ່ຍ ບົວ ກັ້ນ ເຍີຍ ດສຸ ດ໊າວ ໝຽດ ເມີ່ຍ ບົວ ເຍີຍ ໂຕ່ວ ຫວ່າ ມ່ຽນ ຮນັ້ງ ຊ່ຽນ ນໍ, ອ໋ອຍ ໂຕສ໋ວ ໝຽດ.

เส​ฟัน​ยา 3:7

ເຢຍ ກ໊ອງ ບົ໋ວ ນ້າຍ ນອມ ຕສີ້ງ ເຍີຍ ມ່ຽນ, ‘ຕ໋າຍ ເມີ່ຍ ບົວ ຕສະເກ້ງ ອ໋ອຍ ທ່າຍ ເຢຍ, ອ໋ອຍ ໝວັງ ເຢຍ ເບ໊າະ ອຈ໋າວ. ນິ່ນ ບົວ ຢຽດ ລິ໌ວ ໄມ້ ຫລະຄຸ ເຢຍ ອຈ໋າວ ນິ່ນ ບົວ ເຍີຍ ຢຽດ ຕສູ໊ງ ສີ່.’ ມປ່າ ນິ່ນ ບົວ ຢຽດ ເຕສີຍ ມ່າຍ ໂຮຍ້ວ ປຸນ ນິ່ນ ບົວ ໂຕສ໋ວ ເຍີຍ ເຈົ໊າ ຫວ່າຍ ເດສ່ງ ອ໊ະ.”

อิ​สะ​ยา 9:13

ມປ່າ ແປະ ຝີງ ໄມ້ ດສ໋ວນ ຕ້າຍ ລໍ໌ ເບ໊າະ ນິ່ນ ບົວ ວົ້ວ ເຕົ້າ, ນິ່ນ ບົວ ໄມ້ ລໍ໌ ເນິ່ນ ເຈ໋ຍ ເຍີຍ ຕສ໊ຽວ.

2 ฒุ่น ต่อย โต้ว 16:9

ຕສ໊ຽວ ເຍີຍ ມຕສີງ ໝັ່ງ ມີ່ງ ໝັ່ງ ຕ້າຍ ກ໋ອມ ລູ່ງ ເດ໊ຍ ເຫວີ່ຍ ເຖສີຍ ທຈະ ປຸນ ມ່າຍ ໂຮຍ້ວ ກັນ ເດສ່ງ ນິ່ນ ວົ້ວ ເຕີ໋ຍ. ເມີ່ຍ ໂຕສ໋ວ ນ້າຍ ເຕີ໋ຍ ສີ່ ເຊ ຫຮງົງ ໄຫ່. ຢຽມ ນ້າຍ ມີ່ງ ເມີ່ຍ ຕສ່ຽວ ມ່າຍ ເບ໊າະ ຈ໋າ ເຍີຍ ສີ່.”

อิ​สะ​ยา 42:25

ເຫວີ່ຍ ນ້າຍ ນິ່ນ ໂນ໌ວ ໄຫ່, ກະເຖຈຍ ແປ໊ດ ທສວດ, ປຸນ ນິ່ນ ບົວ ຕສຸ ເບ໊າະ ຕົ້ມ ຈ໋າ ທສ້ຽວ ເຍີຍ ສີ່. ມ່າຍ ໂຕ໌ວ ເວີ່ຍ ກ໋ອມ ນິ່ນ ບົວ, ມປ່າ ນິ່ນ ບົວ ໄມ້ ເມ່ງ ແປະ. ໂຕ໌ວ ປົ໊ວ ຈ໊ຽນ ນິ່ນ ບົວ, ມປ່າ ນິ່ນ ບົວ ຮນັ້ງ ໄມ້ ຮິ້ວ ນໍ.

ฮิบ​ลู 12:9

ແອ໋ງ ມ່າຍ ຕິ່ວ, ບົວ ເຍີຍ ທສຽນ ເຕຍ ເບ໊າະ ອຈ໋າວ ບົວ, ບົວ ຢ່າ ບົວະ ນິ່ນ ບົວ. ຮນັ້ງ ໜ່າຍ, ບົວ ຢຽດ ເຕສີຍ ອ໋ອຍ ຕສຸ ບົວະ ບົວ ເຍີຍ ທິນ-ຕ້ອງ ເຕ໋ຍ ຕສ່ຽວ ຕຸ໊ ຕສຢັ້ງ ຈ໊ຽນ.

lo-maa 2:2

ບົວ ຮິ້ວ ຕຸ໊ ທິນ-ຮູ່ງ ຕີ່ງ ໂຕສ໋ວ ວົ້ວ ຫຍູ່ງ ສີ່ ເຍີຍ ມ່ຽນ ມ່າຍ ຕສຸ໌ຍ ເຊ ຫອບ ເຍີຍ.

E^se^ken 24:13

“‘“ນ້າຍ ເຕີ໋ຍ ດສີ໋ງ ເປີ໊ຍ ເມີ່ຍ ຫຮຢຽນ ເຍີຍ ເຈົ໊າ ເປ໋ນ ໄລ່ ຮລົບ ເຍີຍ ສີ່. ໄມ້ ກຸ໊ນ ເຢຍ ອ໋ອຍ ສາ ເມີ່ຍ ທສີງ-ເດສ່ງ, ເມີ່ຍ ໄມ້ ສາ ເມີ່ຍ ໂຕສ໋ວ ໄລ່ ຮລົບ ເຍີຍ ສີ່ ທສີງ-ເດສ່ງ. ເມີ່ຍ ຕສ່ຽວ ໄມ້ ໄຮ່ ແອ໋ງ ສາ ທສີງ-ເດສ່ງ ເຖົາ ເຢຍ ເຍີຍ ກະເຖຈຍ ຟິວ, ໄມ້ ໂນ໌ວ ເມີ່ຍ ອ໊ະ.

เย​เล​มี 32:19

ເມີ່ຍ ເຍີຍ ຕສະເອີ໋ຍ ໂຮລ ໄຫ່, ເມີ່ຍ ໂຕສ໋ວ ເຍີຍ ສີ່ ເຮ້ນ. ເມີ່ຍ ເຍີຍ ມຕສີງ ໝັ່ງ ຈ໊ຽນ ປ້າມ ມ່ຽນ ເຍີຍ ຕິ້ວໆ ເຈົ໊າ, ຢ່າ ຕສິ໋ວ ເກ໊າະ-ມ່ຽນ ເຍີຍ ເຈົ໊າ ເຖສົາ ໂຕສ໋ວ ເຍີຍ ສີ່ ເມີ່ຍ ວິ່ນ ປຸນ ນິ່ນ ບົວ.

เย​เล​มี 19:15

“ເນິ່ນ ເຈ໋ຍ ເຍີຍ ຕສ໊ຽວ, ອິ​ສະ​ລາ​ເອນ ເຍີຍ ທິນ-ຮູ່ງ, ຮນັ້ງ ນ້າຍ ກ໊ອງ, ‘ໝັ່ງ ມ່າະ! ເຢຍ ອ໋ອຍ ປຸນ ນ້າຍ ນອມ ຕສີ້ງ ເຖສົາ ເວີ່ຍ ກ໋ອມ ເຍີຍ ຢຽດ ຕສູ໊ງ ຟິ້ວ-ລ໌າງ ຕສຸ ຕສິ໋ວ ເຢຍ ກ໊ອງ ເຍີຍ ຢຽດ ຕສູ໊ງ ເຕສະ ໜ່ານ, ເຫວີ່ຍ ຕສຸ ນິ່ນ ບົວ ໂຮຍ້ວ ແຫງ່ງ, ໄມ້ ຄັ້ງ ໝວັງ ເຢຍ ເຍີຍ ຫວ່າ.’”

เย​เล​มี 7:26

ມປ່າ ນິ່ນ ບົວ ໄມ້ ໝວັງ ເຢຍ, ໄມ້ ແປງ ມນ່ອມ ໝວັງ. ນິ່ນ ບົວ ແຫງ່ງ ຈ໊ຽນ ໂຮຍ້ວ. ນິ່ນ ບົວ ຕສູ໊ງ ໂຕສ໋ວ ເກົ້າ ຫວ່າຍ ນິ່ນ ບົວ ເຍີຍ ອົງ-ຖາຍ.’

อิ​สะ​ยา 48:4

ເຫວີ່ຍ ຕສຸ ເຢຍ ຮິ້ວ ຕຸ໊ ເມີ່ຍ ມນ່ອມ ໂຮ໌, ຈາງ ເຍີຍ ຈານ ຮນັ້ງ ເຮລັຍ, ເມີ່ຍ ເຍີຍ ປຢ້ອງ ຢ່າ ຮນັ້ງ ຕົ້ງ ຊິ.

ธง-เม่ง หว่า 27:22

ໄມ້ ກຸ໊ນ ເຕສ໊າະ ມ່ຽນ ຫຮງົງ ມ່ຽນ ເຖສົາ ຕສົງ ໝ່ວນ ເຍີຍ ເບຢົ້າ ຕັ໊ບ ຈ໊ຽນ ຕະຄົ້ມ ແອ໋ງ ຫລົ່ງ ຕະຈຸ້ຍ ຕສົງ, ມ່ຽນ ຫຮງົງ ມ່ຽນ ມຕ້າຍ ຮນັ້ງ ໜ່າຍ ຫຮງົງ ອ໊ະ.

ธง-เม่ง หว่า 23:35

ເມີ່ຍ ຕສ່ຽວ ກ໊ອງ, “ມ່ຽນ ເບ໊າະ ເຢຍ ມປ່າ ເຢຍ ໄມ້ ມຸນ. ນິ່ນ ບົວ ທຈະ ເບ໊າະ ເຢຍ, ເຢຍ ຢ່າ ໄມ້ ໄຮ໌ ຝູ່ງ. ເຢຍ ຫາຍ ຕສັ່ນ ຖສີງ ເຍຍ? ເຢຍ ແອ໋ງ ມີ່ງ ລໍ໌ ຕິ໊ວ ຮົບ.”

ธง-เม่ง หว่า 22:12

ຕສ໊ຽວ ເຍີຍ ມຕສີງ ໂກ໋ວ ຈ໊ຽນ ວ່ວນ ຕສາງ, ມປ່າ ນິ່ນ ບ໊ຽນ ໄມ້ ຕສຽບ ຕສົ໊ວະ ເຍີຍ ມ່ຽນ ເຍີຍ ຫວ່າ.

ธง-เม่ง หว่า 21:29

ເອ໊າະ ມ່ຽນ ໂຕສ໋ວ ຮມຽນ ໂຮ໌, ໄມ້ ຮິ້ວ ຕຸ໊ ໄຍ້, ມປ່າ ໂຮຍ້ວ ຕສີ໋ງ ເຍີຍ ມ່ຽນ ຫລົງໆ ເຍີຍ ຮນ້ຳ ເຖົາ ກັ້ນ ເຍີຍ ເຈົ໊າ.

สีง ฑูง 51:6

ເມີ່ຍ ອ໋ອຍ ເຍີຍ ເຊ ມ່ຽນ ໂຮຍ້ວ ຕສີ໋ງ, ເຫວີ່ຍ ນ້າຍ ໂທ້ ເມີ່ຍ ອຈ໋າວ ເຢຍ, ປຸນ ເຢຍ ມ່າຍ ທສົງ-ເມ່ງ ຢຽມ ໂຮຍ້ວ ໂດ ເຍີຍ ຕ໋ອງ.

2 ฒุ่น ต่อย โต้ว 28:22

ນ້າຍ ເຕົ້າ ອາ​ຫັດ ປວັ້ງ ຕສຸ ໂຄ້ວ ໜ່ານ ເຍີຍ ຕສຢັ້ງ ໂຫ່, ນິ່ນ ເກົ້າ ຟັດ ໄມ້ ຕສຽບ ຕສົ໊ວະ ເຍີຍ ໂຕສ໋ວ ປຸນ ຕສ໊ຽວ.

เล​วี 26:23

“‘ເຊ ກ໊ອງ ຮນັ້ງ ນ້າຍ ນໍ ເບ໊າະ ອຈ໋າວ ມປ່າ ເມີ່ຍ ບົວ ຖສໍ່ ໄມ້ ໝວັງ ເຢຍ, ຖສໍ່ ແຫງ່ງ ຈ໊ຽນ ເຢຍ,

2 ฮู่ง โต้ว 1:13

ຮູ່ງ ເຕ໋ຍ ຕສ່ຽວ ແອ໋ງ ພ້າຍ ຕະຟາມ ເຕົ້າ ກຸ໊ນ ຮມ໌ ຕສຽບ ເຕົ້າ ແປງ ເຍີຍ ແປງ-ເປຢີ໊ຍ ເຖສົາ ນິ່ນ ເຍີຍ ຮມ໌ ຕສຽບ ເຕົ້າ ແປງ ມີ່ງ. ຕະຟາມ ເຕົ້າ ແປງ-ເປຢີ໊ຍ ຝາວ ມີ່ງ ເກວີ່ຍ ເອຈ່ຍ ເອ​ລີ​ຢາ ເຍີຍ ດສະຮມຽນ ເອຈ່ຍ ທຈະ ໂທ້ ນິ່ນ, “ໂທ້ ປຸນ ເຢຍ ເຍີຍ ແໝ່ງ ເຖສົາ ເມີ່ຍ ເຍີຍ ໂປວ ນ້າຍ ເຕີ໋ຍ ຮມ໌ ຕສຽບ ເຕົ້າ ມ່ຽນ ເຍີຍ ແໝ່ງ ຕສິ໋ວ ເມີ່ຍ ໝັ່ງ ຝຸນ ຈ໋າຍ.

เย​เล​มี 8:5

ວົ້ວ ຫຍູ່ງ ນ້າຍ ເຕີ໋ຍ ແປະ ຝີງ, ເຊ ເຢ​ລູ​ຊາ​ເລມ ມ່ຽນ, ເຫວີ່ຍ ຫາຍ ຕິ່ວ ຕສັ່ນໆ ຖຸຍ ອກາງ? ນິ່ນ ບົວ ນັ້ນ ວ້ວນ ດົ໊ວ ມ່ຽນ ເຍີຍ ສີ່, ນິ່ນ ບົວ ແຫງ່ງ ຈ໊ຽນ ໄມ້ ຄັ້ງ ດສ໋ວນ.

เย​เล​มี 35:13

“ເນິ່ນ ເຈ໋ຍ ເຍີຍ ຕສ໊ຽວ, ອິ​ສະ​ລາ​ເອນ ເຍີຍ ທິນ-ຮູ່ງ, ຮນັ້ງ ນ້າຍ ກ໊ອງ, ‘ມີ່ງ ບົ໋ວ ຢູ​ດາ ມ່ຽນ ເຖສົາ ຢຽມ ເຢ​ລູ​ຊາ​ເລມ ເຍີຍ ແປະ ຝີງ, ຕສ໊ຽວ ກ໊ອງ, “ເມີ່ຍ ບົວ ໄມ້ ອ໋ອຍ ໝວັງ ອຈ໋າວ ເຍີຍ ເຈົ໊າ ຢ່າ ໄມ້ ອ໋ອຍ ໝວັງ ເຢຍ ກ໊ອງ ເຍີຍ ຫວ່າ ໄຟ?

E^se^ken 2:4

ນິ່ນ ບົວ ມນ່ອມ ໂຮ໌, ໂຮຍ້ວ ແຫງ່ງ. ເຢຍ ພ້າຍ ເມີ່ຍ ມີ່ງ ລໍ໌ ນິ່ນ ບົວ. ເມີ່ຍ ອ໋ອຍ ຕສຸ ກ໊ອງ, ‘ຕສ໊ຽວ ທິນ-ຮູ່ງ ຮນັ້ງ ນ້າຍ ນໍ ກ໊ອງ.’

ดา​นี​เอน 9:13

ຮນັ້ງ ເຟ້ຍ ຈ໊ຽນ ໂມ​ເຊ ເຍີຍ ເລີ໌ຍ-ຫລັດ ນໍ, ເຢຍ ບົວ ຕສຸ ນ້າຍ ເຕີ໋ຍ ຢຽດ ຕສູ໊ງ ເຕສະ ໜ່ານ. ມປ່າ ເຢຍ ບົວ ຖສໍ່ ໄມ້ ລໍ໌ ຕສ໊ຽວ, ເຢຍ ບົວ ເຍີຍ ທິນ-ຮູ່ງ, ເຍີຍ ເອນ, ຮວິນ ດສ໋ວນ ຕ້າຍ ເລີ່ຍ ອກອຍ ເຢຍ ບົວ ເຍີຍ ຕສຸ໌ຍ, ເອີຍ ຈ໊ຽນ ເມີ່ຍ ເຍີຍ ຕສຽນ ເລີ໌ຍ ໂຕສ໋ວ.

Aamotv 4:6

“ຢຽມ ເມີ່ຍ ບົວ ເຍີຍ ນອມໆ ຕສີ້ງ ເຢຍ ປຸນ ເມີ່ຍ ບົວ ຫງໍ່ ຫຮນາງ. ນອມໆ ຕ໋ອງ ໄມ້ ມ່າຍ ລ່າງ ຕສິ, ເມີ່ຍ ບົວ ຖສໍ່ ໄມ້ ດສ໋ວນ ຕ້າຍ ລໍ໌ ເຢຍ.” ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ.

ทิน เต่ย โต้ว 19:34

ຕະເຫຍີ່ຍ ຮນອຍ ເຊັຍ-ໂຮລ ກ໊ອງ ບົ໋ວ ເຊັຍ-ໄຝ, “ອະຫຮມວັງ ເຢຍ ເຖສົາ ອາ ເຕຍ ເປວີ໋ຍ ລິ໌ວ ອ໊ະ. ອີ້ ມ໌ວນ ບົວ ອ໋ອຍ ຕສຸ ແອ໋ງ ປຸນ ນິ່ນ ຮົບ ອະຫງຸ່ນ ຕິ໊ວ, ເມີ່ຍ ຢ່າ ມີ່ງ ເຖສົາ ນິ່ນ ເປວີ໋ຍ ເຫວີ່ຍ ປັ່ງ ບົວ ເຍີຍ ເຕຍ ມ່າຍ ໂຮ໌ ປານ.”

1 ฮู่ง โต้ว 13:33

ນ້າຍ ເຕີ໋ຍ ສີ່ ທສວດ ລິ໌ວ ມປ່າ ເຢ​ໂລ​ໂບ​ອຳ ໄມ້ ກວັ່ງ ນິ່ນ ໂຕສ໋ວ ເຍີຍ ຫວ່າຍ ສີ່. ຢຽມ ຕສວັ໋ງ ມ່ຽນ ບຸດົ໋ງ ນິ່ນ ອອນ ມ່ຽນ ຢຽມ ຮລັງ ຕສັ່ງ ຕສ້ຽນ ເຍີຍ ຕ໋ອງ ໂຕສ໋ວ ໄຊ ມ່ຽນ. ຫາຍ ເຕົ້າ ມ່າຍ ໂຮຍ້ວ ໂຕສ໋ວ ໄຊ ມ່ຽນ, ນິ່ນ ຕສ່ຽວ ອອນ ໂຕສ໋ວ ໄຊ ມ່ຽນ, ປຸນ ນິ່ນ ບົວ ຢຽມ ວົ້ວ ເຕີ໋ຍ ຕສັ່ງ ຕສ້ຽນ ເຍີຍ ຕ໋ອງ.

สีง ฑูง 51:8

ໂທ້ ປຸນ ເຢຍ ແອ໋ງ ໝວັງ ຕຸ໊ ໄຮ໌ ອຈຽນ-ໂຢ້ວ, ອະເຮນີ້ຍ ເຍີຍ ເຖຈຍ. ໄມ້ ກຸ໊ນ ເມີ່ຍ ປຸນ ເຢຍ ຕສຸ ໂຄ້ວ, ໂທ້ ປຸນ ເຢຍ ແອ໋ງ ມ່າຍ ອອນ-ເຫລາະ.

สีง ฑูง 55:20

ເຖສົາ ເຢຍ ໂຕສ໋ວ ຕ່ອຍ ເຍີຍ ມ່ຽນ ຊູງ ນິ່ນ ເຍີຍ ປົ໌ວ ເບ໊າະ ນິ່ນ ເຍີຍ ໂລ໌-ແກງ ຕ່ອຍ, ຢ່າ ປ໌າມ ນິ່ນ ແລ໌ງ ເຍີຍ ແຫງ່ງ ຫວ່າ.

อิ​สะ​ยา 26:11

ໂອ ຕສ໊ຽວ ອ່າ, ເມີ່ຍ ເຍີຍ ປົ໌ວ ຊູງ ຮລັງ, ນິ່ນ ບົວ ຢ່າ ໄມ້ ປວັດ. ໂທ້ ປຸນ ນິ່ນ ບົວ ປວັດ ເມີ່ຍ ເຫວີ່ຍ ເມີ່ຍ ເຍີຍ ແປະ ຝີງ ຈອມ ໂຮຍ້ວ, ນິ່ນ ບົວ ຕສ່ຽວ ຕສຸ ໄຍ້. ໂທ້ ປຸນ ເມີ່ຍ ເຍີຍ ວິນ-ວັ້ງ ຕສຸ ໂຕ໌ວ ປົ໊ວ ທຈຸຍ.

เย​เล​มี 3:3

ເຫວີ່ຍ ນ້າຍ ບຢູ່ງ ຕສຸ ຕີ້ງ ໝີ່ ອ໊ະ, ທສຸນ-ເກນ ບຢູ່ງ ຢ່າ ໄມ້ ຕຸ້ຍ, ມປ່າ ເມີ່ຍ ມ່າຍ ຮມຽນ ຮນັ້ງ ໝ່າຍ ປ໊ວນ-ຊິນ ເຍີຍ ມເຊັຍ ຕອນ ຢ່າ ແຫງ່ງ ຈ໊ຽນ ໄມ້ ແລ໌ງ ໄຍ້.

เย​เล​มี 15:7

ເຢຍ ອ໋ອຍ ຢຽມ ເຕີ່ຍ-ປູງ ເຍີຍ ນອມໆ ຕສີ້ງ, ໂຕສ໋ວ ປຸນ ເຢຍ ເຍີຍ ແປະ ຝີງ ຮນັ້ງ ຫລົ່ງ ກະນ້າຍ-ເທສ້ນ ເທສ້ນ ເບຢົ້າ ນໍ. ເຢຍ ອ໋ອຍ ປຸນ ນິ່ນ ບົວ ຕສຸ ກວັ່ງ ຝຸຈ໊ວຍ, ປຸນ ເຢຍ ເຍີຍ ແປະ ຝີງ ຕສຸ ໝຽດ, ຫລາຍ ນິ່ນ ບົວ ໄມ້ ກວັ່ງ ນິ່ນ ບົວ ເຍີຍ ເຈົ໊າ.

เย​เล​มี 17:23

ມປ່າ ນິ່ນ ບົວ ໄມ້ ໝວັງ ເຢຍ, ໄມ້ ແປງ ມນ່ອມ ໝວັງ. ນິ່ນ ບົວ ແຫງ່ງ ຈ໊ຽນ ໂຮຍ້ວ. ນິ່ນ ບົວ ໄມ້ ໝວັງ ຢ່າ ໄມ້ ເອີຍ ຈ໊ຽນ ອຈ໋າວ ເຍີຍ ຫວ່າ.’

เย​เล​มี 44:10

ເຖົາ ອີ້ ຮນອຍ ນິ່ນ ບົວ ໄມ້ ຫຍ່ຽມ ກັ້ນ ໂຕສ໋ວ ໄຝ ຢ່າ ໄມ້ ກ້ຳ ເດສ໋ຍ, ຢ່າ ໄມ້ ເອີຍ ຈ໊ຽນ ເຢຍ ຢຽມ ເມີ່ຍ ບົວ ເຖສົາ ເມີ່ຍ ບົວ ເຍີຍ ອົງ-ຖາຍ ເຍີຍ ດສະຮມຽນ ຫລຽບ ເຍີຍ ເລີ໌ຍ-ຫລັດ ເຖສົາ ຫລີ່ງ.’

Aamotv 4:8

ອີ ປົວ ນອມ ຕສີ້ງ ເຍີຍ ແປະ ຝີງ ໂຢ້ວ ຈ໊ຽນ ມີ່ງ ກັ້ນ ນອມ ຕສີ້ງ ລໍ໌ ວວມ ຮົບ ມປ່າ ໄມ້ ຕຸ໊ ຮົບ ເປ໊ວ. ເມີ່ຍ ບົວ ຖສໍ່ ໄມ້ ດສ໋ວນ ຕ້າຍ ລໍ໌ ເຢຍ.” ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ.

Aamotv 4:9

“ເຢຍ ປຸນ ດສຢ໋າວ-ຈອມ ປ່ວນ ຫ່ອຍ ເບຢົ້າ ປຸ໊ດ ຫລັດ ໂຕ໌ວ. ເມີ່ຍ ບົວ ເຍີຍ ຫຮວີງ ເຖສົາ ອະຫງຸ່ນ ປ໊ຽວ, ເມີ່ຍ ບົວ ເຍີຍ ງົ່ງ ຫຍໍ ປ໊ຽວ ເຖສົາ ກະລັ້ນ ປ໊ຽວ ຕສຸ ຈົ໊ບ-ເຫຍີ່ຍ ຫຍັ່ນ ເດສ່ງ. ເມີ່ຍ ບົວ ຖສໍ່ ໄມ້ ດສ໋ວນ ຕ້າຍ ລໍ໌ ເຢຍ.” ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ.

Aamotv 4:10

“ເຢຍ ປຸນ ເຕສະ ໜ່ານ ຢຽມ ເມີ່ຍ ບົວ ບຸດົ໋ງ ຮນັ້ງ ຕສິ້ນ ດ່າງ ຢຽມ ອີ​ຢິ໊ບ ນໍ. ເຢຍ ຫລົ່ງ ດສຸ ດ໊າວ ໄຕ໋ ເມີ່ຍ ບົວ ເຍີຍ ມ່ຽນ ຫລຸນ ມ່ຽນ, ປຸນ ເມີ່ຍ ບົວ ເຍີຍ ມ໌າ ຕສຸ ທສ້າງ ມີ່ງ. ເຢຍ ປຸນ ເມີ່ຍ ບົວ ເຍີຍ ດົ໊ບ-ລິ່ວ ທສຢັ້ງ ເຕສວີ໋ຍ ເຍີຍ ເຖຈຍ ຖສົງ ຕສຸ ເມີ່ຍ ບົວ ເຍີຍ ບະຕສອງ. ເມີ່ຍ ບົວ ຖສໍ່ ໄມ້ ດສ໋ວນ ຕ້າຍ ລໍ໌ ເຢຍ.” ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ.

Aamotv 4:11

“ເຢຍ ອ໋ອຍ ໝຽດ ເມີ່ຍ ບົວ ຮນັ້ງ ຕສິ້ນ ດ່າງ ເຢຍ ໝຽດ ໂສ​ດົມ ເຖສົາ ໂກ​ໂມ​ລາ ຕສີ້ງ. ເມີ່ຍ ບົວ ຮນັ້ງ ອກັ໋ນ ຕສ້າງ ຢຽມ ໂຕ໌ວ-ເດສົ່າ ແປງ ທສວດ ຕ້າຍ, ເມີ່ຍ ບົວ ຖສໍ່ ໄມ້ ດສ໋ວນ ຕ້າຍ ລໍ໌ ເຢຍ.” ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ.