เย​เล​มี 3:2 - ฉบับอักษรลาว

² “ເທສົາ ຮມຽນ ໝັ່ງ ຮລັງ, ອຈັງ ເຍີຍ ຕ໋ອງ ມ່າະ! ມ່າຍ ຫາຍ ນອມ ຕ໋ອງ ໄມ້ ມ່າຍ ມ່ຽນ ເຖສົາ ເມີ່ຍ ເປວີ໋ຍ ເຈ໋ຍ? ເມີ່ຍ ເຕສວີ໌ຍ ຈ໊ຽນ ເຈົ໊າ-ເຮລນ ຕສົ໊ວ ມ່ຽນ ຕ້າຍ ຮນ້ຳ ເມີ່ຍ, ຮນັ້ງ ອາ​ຫລັບ ມ່ຽນ ຢຽມ ເຕີ່ຍ-ປູງ-ຮວາງ. ເມີ່ຍ ໂຕສ໋ວ ເອ໊າະ ໄຫ່, ໝ່າຍ ຊິນ ເຍີຍ ສີ່ ປຸນ ເຕີ່ຍ-ປູງ ມ່າຍ ຫວຸຍ ປວັ໊ງ ເດສ່ງ.

Iu-Mien Thai

² “เธา เฮมียน หมั่ง ฮลัง, ฌัง เญย ต๋อง ม่าะ! ม่าย หาย นอม ต๋อง ไม้ ม่าย เมี่ยน เหธา เม่ย เปว๋ย เจี๋ย? เม่ย เฒว์ย เจี๊ยน เจ๊า-เฮลน ฒั้ว เมี่ยน ต้าย ฮนั้ม เม่ย, ฮนั้ง อา​หลับ เมี่ยน เยียม เต่ย-ปูง-ฮวาง. เม่ย โหฒว เอ๊าะ ไห่, หม่าย ซิน เญย สี่ ปุน เต่ย-ปูง ม่าย หวุย ปวั๊ง เหฑ่ง.

Iu-Mien Old

² “Zau Myen mavg Lav, Fav Eei txvj maa'b! maaib haiq nxm txvj maiq maaib myenb Zauj meib pweij Jiaj? meib zweid Jyenq Jaub Len zuaq myenb taaib Namq meib, Navq aa-lapg myenb yem teib puvb Waav. meib zruj x'q haig, maaig sin Eei sig pun teib puv maaib wij pwavq Revg.

Iu-Mien New

² “Cau hmien mangc hlang, njang nyei dorngx maah! Maaih haaix norm dorngx maiv maaih mienh caux meih bueix jiex? Meih zueiz jienv jauv-hlen zuov mienh daaih hnamv meih, hnangv Aalapc Mienh yiem deic-bung-huaang. Meih zoux orqv haic, maaic sin nyei sic bun deic-bung maaih uix buangv nzengc.

เย​เล​มี 3:2 Iomraidhean Croise

ทิน เต่ย โต้ว 38:14

ທາ​ມາ ຕສ່ຽວ ຢ່ຽນ ອກອຍ ນິ່ນ ເຍີຍ ເອົ໊າ-ກວ໊າ ລຸຍ-ໂຫວ, ເຕສ໊າະ ຄວ້າຍ ເດຍ ປຸ໋ຍ ຈ໊ຽນ, ບຢ໌ອງ ຈ໊ຽນ ຮມຽນ. ຕສອງ ຕສຢັ໋ງ, ນິ່ນ ເຕສວີ໌ຍ ຈ໊ຽນ ມີ່ງ ທິມ​ນາ​ຮາ ເຍີຍ ເຈົ໊າ-ເຮລນ, ເປັຍ ເອ​ນາ​ອິມ ມູ້ງ ເຍີຍ ຕສີ້ງ ແກ້ງ ດ່າງ. ນິ່ນ ຮິ້ວ ຕຸ໊ ຢູ​ດາ ເຍີຍ ຕອນ-ລາຍ, ເທຈ​ລາ, ໂຮລ ອ໊ະ, ມປ່າ ຢູ​ດາ ໄມ້ ປຸນ ນິ່ນ ຫລົ່ງ.

1 ฮู่ง โต้ว 11:3

ນິ່ນ ຫລົ່ງ ທສຽດ ແປ໊ະ ເຕົ້າ ຮູ່ງ ເຊັຍ ໂຕສ໋ວ ເອົ໊າ, ຢ່າ ມ່າຍ ຟາມ-ແປ໊ະ ເຕົ້າ ຈ໊າ-ເຕສີ້ຍ ເອົ໊າ. ນິ່ນ ເຍີຍ ເອົ໊າ ຢ່າ ແປງ ນິ່ນ ເຍີຍ ໂຮຍ້ວ ມີ່ງ ກັ້ນ ປູງ.

2 ฮู่ง โต้ว 23:13

ໂຢ​ສິ​ຢາ ຮູ່ງ ຢ່າ ໂຕສ໋ວ ປຸນ ຢຽມ ຮລັງ ຕສັ່ງ ຕສ້ຽນ ເຍີຍ ຕ໋ອງ ມ່າຍ ຫວຸຍ, ເຊ ຢຽມ ເຢ​ລູ​ຊາ​ເລມ ເຍີຍ ຕົງ ປູງ, ກະລັ້ນ ບົງ ເຍີຍ ນ່າມ ປູງ ແໝງ, ວົ້ວ ນອມ ຕ໋ອງ. ນ້າຍ ນອມ ຕ໋ອງ ເຊ ອິ​ສະ​ລາ​ເອນ ມ່ຽນ ເຍີຍ ຊາ​ໂລ​ມອນ ຮູ່ງ ເຫວີ່ຍ ຊີ​ດອນ ມ່ຽນ ເຍີຍ ກ້ຳ ເດສ໊ຍ ໄຫ່ ເຍີຍ ອັດ​ທາ​ລົດ ຕສ້ຽນ ເຍີ໌ຍ, ເຖສົາ ໂມ​ອັບ ມ່ຽນ ກ້ຳ ເດສ໊ຍ ໄຫ່ ເຍີຍ ເຄ​ມົດ ຕສ້ຽນ, ເຖສົາ ອຳ​ມົນ ມ່ຽນ, ກ້ຳ ເດສ໊ຍ ໄຫ່ ເຍີຍ ຕສ້ຽນ ຫລຽບ ຕ້າຍ.

สีง ฑูง 106:38

ນິ່ນ ບົວ ໄຕ໋ ໄມ້ ໂຕສ໋ວ ຕ່ອງ ເຍີຍ ມ່ຽນ, ເຊ ປຸນ ກັ້ນ ເຍີຍ ນ່າມ ໂຍ໌ວ ເຍີຍ ດສຢ໊າມ ຫລ່ຽວ ທສວດ, ຕົ້ງ ນິ່ນ ບົວ ຫລົ່ງ ເຕສ່ຍ ປຸນ ຄາ​ນາ​ອັນ ເຍີຍ ໝິ່ວ-ຝັງ. ວົ້ວ ເຕີ໋ຍ ດສຢ໊າມ ຕສ່ຽວ ປຸນ ເຕີ່ຍ-ປູງ ມ່າຍ ຫວຸຍ.

ธง-เม่ง หว่า 23:28

ນິ່ນ ເມີຍ ຈ໊ຽນ ຕສົ໊ວ ຮນັ້ງ ຈັ໋ນ-ຕສະ, ຢ່າ ຢຽມ ປ້າມ ມ່ຽນ ບຸດົ໋ງ ປຸນ ໄມ້ ຕສຽບ ຕສົ໊ວະ ເຍີຍ ມ່ຽນ ທສ້ຳ ຈ໊ຽນ ຝາວ.

ธง-เม่ง หว่า 7:11

ນິ່ນ ລຢາ ໄຫ່, ໄມ້ ຮິ້ວ ຕຸ໊ ໄຍ້, ນິ່ນ ເຍີຍ ເຕສົ໋າ ຂູງ ອ໋ອຍ ມີ່ງ, ໄມ້ ຢຽມ ຕີ່ງ ເປຢົ໊າ.

เย​เล​มี 12:12

ໂຕສ໋ວ ໝຽດ ເຍີຍ ມ່ຽນ ຕ້າຍ ເຖົາ ເຕີ່ຍ-ປູງ-ຮວາງ ຢຽດ ຕສູ໊ງ ຢຽມ ຮລັງ, ອຈັງ ເຍີຍ ຕ໋ອງ, ເຫວີ່ຍ ຕສຸ ຢຽມ ເຕີ່ຍ-ປູງ ນ້າຍ ປູງ ມີ່ງ ເຖົາ ຈົ່ມ ວົ້ວ ປູງ, ຕສ໊ຽວ ເຍີຍ ດສຸ ດ໊າວ ປຸນ ນິ່ນ ບົວ ຕສຸ ໝຽດ, ໄມ້ ມ່າຍ ຫາຍ ລ່ານ ມ່ຽນ ຕຸ໊ ແປ້ງ ອອນ ເຍີຍ ຢຽມ.

เย​เล​มี 2:20

“ຕສິ້ນ ດ່າງ ໂລ໌-ຮນອຍ ເມີ່ຍ ວວດ ເມີ່ຍ ເຍີຍ ດຢັ໋ງ-ກ໌າ ເນົ້າ, ຢ່າ ທສຸດ ດຸ໊ດ ໂດ້ ເມີ່ຍ ເຍີຍ ຮລາງ. ເມີ່ຍ ຢ່າ ກ໊ອງ, ‘ເຢຍ ໄມ້ ຟູ-ສູ ເມີ່ຍ ອ໊ະ.’ ເມີ່ຍ ຕສູ໊ງ ຢຽມ ນອມໆ ບົງ-ຮລັງ, ເຖສົາ ຕິ້ວໆ ດຢັ໋ງ-ຍ໌ຽມ ກະເດ໊ຍ, ເກວີ່ຍ ເອຈ່ຍ ປ໋າຍ ຕສ້ຽນ.

เย​เล​มี 2:23

“ເມີ່ຍ ຮນັ້ງ ຫາຍ ນໍ ໄຮ່ ກ໊ອງ, ‘ເຢຍ ໄມ້ ມ່າຍ ຫວຸຍ, ເຢຍ ໄມ້ ກັນ ບາ​ອັນ ຕສ້ຽນ’? ໝັ່ງ ເມີ່ຍ ຢຽມ ຮ໌ອງ ຕສັ່ງ ເຍີຍ ເຈົ໊າ ມ່າະ! ເມີ່ຍ ຕສ່ຽວ ຮິ້ວ ຕຸ໊ ເມີ່ຍ ໂຕສ໋ວ ຫາຍ ຫຍູ່ງ. ເມີ່ຍ ຮນັ້ງ ເຕົ້າ ລໍ່ ທໍ່ ເຕສີ່ຍ ຖິວ ເຈ໋ຍ ນ້າຍ ເຈ໋ຍ ວົ້ວ,

เย​เล​มี 2:7

ເຢຍ ຕໍ້ ເມີ່ຍ ບົວ ເປັຍ ນອມ ເດົາ-ໂທ້ວ ຫລົງ ເຍີຍ ເຕີ່ຍ-ປູງ, ປຸນ ເມີ່ຍ ບົວ ອະເຮນີ້ຍ ຫຍັ່ນ ເຕີ່ຍ-ປູງ ເຍີຍ ປ໊ຽວ ເຖສົາ ທສວດ ຕ້າຍ ຫລົງ ເຍີຍ ກະນ້າຍ. ມປ່າ ເມີ່ຍ ບົວ ເປັຍ ຕ້າຍ ວົ້ວ ຕສັ່ນ ເມີ່ຍ ບົວ ປຸນ ເຢຍ ເຍີຍ ເຕີ່ຍ-ປູງ ມ່າຍ ຫວຸຍ, ຢ່າ ປຸນ ເຢຍ ດສິບ ເຍີຍ ປ່ວນ ເປ໋ນ ກ້ຳ ເດສ໊ຍ ເຍີຍ ກະນ້າຍ.

เย​เล​มี 3:1

“ເຊ ກ໊ອງ ມ່າຍ ລ່ານ ມ່ຽນ ເລີ່ຍ ກວັ່ງ ນິ່ນ ເຍີຍ ເອົ໊າ, ນິ່ນ ເຍີຍ ເອົ໊າ ເລີ່ຍ ອກອຍ ແອ໋ງ ມີ່ງ ໂຕສ໋ວ ກັ້ນ ລ່ານ ມ່ຽນ ເຍີຍ ເອົ໊າ, ໂລ໌-ໂອກ໋ ແອ໋ງ ດສ໋ວນ ມີ່ງ ລໍ໌ ນິ່ນ ໄຟ? ວົ້ວ ນອມ ເຕີ່ຍ-ປູງ ໄມ້ ເຕສີ໌ຍ ໄລ່ ຮລົບ ທສ້ຳ ເຍີຍ ໄຟ? ມປ່າ ເມີ່ຍ ໂຕສ໋ວ ຮນັ້ງ ໝ່າຍ ປ໊ວນ-ຊິນ ເຍີຍ ມເຊັຍ ຕອນ, ຫຮຢຽນ ຮນ້ຳ ເມີ່ຍ ວົ້ວ ເຕີ໋ຍ ມ່ຽນ ທສ້ຳ, ເມີ່ຍ ຖສໍ່ ດສ໋ວນ ຕ້າຍ ລໍ໌ ເຢຍ ໄຟ?” ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ.

เย​เล​มี 3:13

ຂູງ ອ໋ອຍ ຕສຸ ຫຍ່ຽມ ເມີ່ຍ ໂຕສ໋ວ ຕ່ອງ ເຍີຍ ຕສຸ໌ຍ, ເຊ ເມີ່ຍ ແຫງ່ງ ຕສ໊ຽວ, ເມີ່ຍ ເຍີຍ ທິນ-ຮູ່ງ. ເມີ່ຍ ຢຽມ ຕິ້ວໆ ດຢັ໋ງ-ຍ໌ຽມ ເຊວີ່ຍ ເອີ໋ຍ ເຕສ໊າະ ກັ້ນ ປຸນ ກັ້ນ ຝີງ ເຍີຍ ຕສ້ຽນ. ເມີ່ຍ ຢ່າ ໄມ້ ໝວັງ ເຢຍ ເຍີຍ ເຖຈຍ.’” ຕສ໊ຽວ ຮນັ້ງ ນ້າຍ ກ໊ອງ.

เย​เล​มี 3:21

ຢຽມ ຮລັງ, ອຈັງ ເຍີຍ ຕ໋ອງ ໄຮ໌ ມ່ຽນ ເຍີຍ ເຖຈຍ, ເປ໋ນ ອິ​ສະ​ລາ​ເອນ ເຍີຍ ນ່າມ ໂຍ໌ວ ຍ້ຽມ ແອ໋ງ ເຫ່ວ ຈ໊ຽນ ໂທ້ ເຍີຍ ເຖຈຍ, ເຫວີ່ຍ ຕສຸ ນິ່ນ ບົວ ຢັ້ງ ພຽນ ເລີ່ຍ ຕສຽນ ເຈົ໊າ, ຫລະຄຸ ຕສ໊ຽວ, ນິ່ນ ບົວ ເຍີຍ ທິນ-ຮູ່ງ.

เย​เล​มี 3:9

ເຫວີ່ຍ ອິ​ສະ​ລາ​ເອນ ນ້າຍ ເຕີ໋ຍ ໝ່າຍ ປ໊ວນ-ຊິນ ເຍີຍ ເຈົ໊າ ເຊ ເຮງ ເຍີຍ ສີ່, ນິ່ນ ຕສ່ຽວ ປຸນ ເຕີ່ຍ-ປູງ ມ່າຍ ຫວຸຍ, ແອ໋ງ ປ໋າຍ ຫລະເປຢີ໊ຍ ເຖສົາ ດຢັ໋ງ.

เย​เล​มี 7:29

ອ໋ອຍ ຕສຸ ຈັ໊ບ ເມີ່ຍ ບົວ ເຍີຍ ບະເປຢີຍ ຕສອຍ ກວັ່ງ ມີ່ງ. ຢຽມ ຮລັງ, ອຈັງ ເຍີຍ ຕ໋ອງ ອ໋ອຍ ຕສຸ ເດສົ້າ ຍ້ຽມ, ເຫວີ່ຍ ຕສຸ ຕສ໊ຽວ ເອກ້ມ ຢ່າ ກວັ່ງ ນິ່ນ ໂນ໌ວ ເຍີຍ ນ້າຍ ຕ່ອຍ ມ່ຽນ.’

E^se^ken 16:16

ເມີ່ຍ ເຕສ໊າະ ເຕີ໋ຍ ກັ້ນ ເຍີຍ ລຸຍ-ໂຫວ ຕສອງ ຢຽມ ຮລັງ ຕສັ່ງ ຕສ້ຽນ ເຍີຍ ຕ໋ອງ ເດສວີ່ຍ, ຕສ່ຽວ ຢຽມ ວົ້ວ ໂຕສ໋ວ ປວັ້ງ ລ່ຽວ ເຍີຍ ສີ່. ນ້າຍ ເຕີ໋ຍ ສີ່ ໄມ້ ຫອບ ຕສຸ ມ່າຍ. ຢຽດ ລິ໌ວ ໄມ້ ຫອບ ຕສຸ ມ່າຍ ອ໊ະ.

E^se^ken 20:28

ເຢຍ ຕໍ້ ນິ່ນ ບົວ ເປັຍ ເຢຍ ໂຮ້ວ ຈ໊ຽນ ປຸນ ນິ່ນ ບົວ ເຍີຍ ເຕີ່ຍ-ປູງ ວົ້ວ ຕສັ່ນ, ນິ່ນ ບົວ ປວັດ ຫາຍ ນອມ ບົງ-ຮລັງ ໄຟ ຫາຍ ຕິ້ວ ມ່າຍ ນ່ອມ ທສ້ຳ ເຍີຍ ດຢັ໋ງ, ນິ່ນ ບົວ ຢຽມ ວົ້ວ ຝົ່ງ ຫໍ່ ເຕສ່ຍ ຢ່າ ຝົ່ງ ຫໍ່ ທສົວະ ເຢຍ ເຖຈຍ ເຈ໌ຍ ເຍີຍ ກະນ້າຍ. ນິ່ນ ບົວ ຢຽມ ວົ້ວ ປຸນ ດາງ ເຍີຍ ເຖຈຍ ຝາວ ຢ່າ ຢຽມ ວົ້ວ ເທສ້ຍ ເຕສ່ຍ.

โฮ​เซ​ยา 2:5

ນິ່ນ ບົວ ເຍີຍ ມາ ມີ່ງ ໝ່າຍ ຊິນ. ຕຸ໊ ນິ່ນ ບົວ ຕ້າຍ ວົ້ວ ເຕົ້າ ມາ ໂຕສ໋ວ ໄຍ້ ໄຫ່ ເຍີຍ ສີ່. ນິ່ນ ກ໊ອງ, ‘ເຢຍ ມີ່ງ ກັນ ຮນ້ຳ ເຢຍ ວົ້ວ ເຕີ໋ຍ, ຕົ້ງ ປຸນ ຫຮນາງ ປຸນ ວວມ ເຢຍ, ປຸນ ປະກີ ຢູ້ງ ເປຢີຍ ເຖສົາ ຫລະມ່າ ເດຍ ເຢຍ, ຢ່າ ປຸນ ກະລັ້ນ ໂຢ້ວ ເຖສົາ ອະຫງຸ່ນ ຕິ໊ວ.

lu-kaa 16:23

ນິ່ນ ມີ່ງ ຢຽມ ຢ້ຽມ ເກນ ຕສຸ ເຕ໊ຍ ມຸນ ເຕ໊ຍ ໂຄ້ວ. ນິ່ນ ຕສ່ຽວ ເທສົາ ຮມຽນ ປວັດ ອັບ​ລາ​ຮຳ ຢຽມ ໂກ ເຍີຍ, ຢ່າ ປວັດ ລາ​ຊາ​ລັດ ເຖສົາ ອັບ​ລາ​ຮຳ ຢຽມ ວົ້ວ.

Ramg leib latg 12:2

ເມີ່ຍ ບົວ ອ໋ອຍ ຕສຸ ໝຽດ ເດສ່ງ ເມີ່ຍ ບົວ ຕສຸ່ນ ທສວດ ວົ້ວ ເຕີ໋ຍ ຝີງໆ ມ່ຽນ ຕສັ່ງ ຕສ້ຽນ ເຍີຍ ນອມໆ ຕ໋ອງ, ໄມ້ ກຸ໊ນ ຢຽມ ບົງ-ຮລັງ ບົງ-ໄອ໊ ໄຟ ຕິ້ວໆ ດຢັ໋ງ-ຍ໌ຽມ ກະເດ໊ຍ.