2 ทิ​โม​ไท 1:9 - ฉบับอักษรลาว

⁹ ທິນ-ຮູ່ງ ໂອຈ໋ວ ບົວ, ຢ່າ ເຫ່ວ ບົວ ຕ້າຍ ໂຕສ໋ວ ນິ່ນ ເຍີຍ ທສີງ-ເດສ່ງ ມ່ຽນ, ໄມ້ ເຕສີ໌ຍ ເຫວີ່ຍ ບົວ ໂຕສ໋ວ ເຍີຍ ຫາຍ ຫຍູ່ງ ຄູ້ ສີ່, ເຊ ເອີຍ ນິ່ນ ກັ້ນ ເຍີຍ ຕສະເອີ໋ຍ ເຖສົາ ນິ່ນ ເຍີຍ ເອນ ຮນັ້ງ. ນ້າຍ ຫຍູ່ງ ເອນ, ຢຽມ ຕົ້ງ ທສໍ ໝ່ານ ໂກ໊ວ ໝ່ານ ຕ່ອຍ ວົ້ວ ຕສັ່ນ ທິນ-ຮູ່ງ ຫລົ່ງ ກີ​ຕູ່ ເຢ​ຊູ ເຖສີຍ ປຸນ ບົວ.

Iu-Mien Thai

⁹ ทิน-ฮู่ง เหฌียว บัว, หย่า เห่ว บัว ต้าย โหฒว นิ่น เญย ธีง-เหฑ่ง เมี่ยน, ไม้ เฒ์ย เหว่ย บัว โหฒว เญย หาย หญู่ง คู้ สี่, เซ เอย นิ่น กั้น เญย หฒะเอ๋ย เหธา นิ่น เญย เอน ฮนั้ง. น้าย หญู่ง เอน, เยียม ต้ง ธอ หม่าน โก๊ว หม่าน ต่อย วั้ว หฒั่น ทิน-ฮู่ง หล่ง กี​ตู่ เย​ซู เหธย ปุน บัว.

Iu-Mien Old

⁹ Tinb huvb Fruj Bua, yaag heug Bua taaib zruj ninb Eei Zivb Revg myenb, maiq zeid weig Bua zruj Eei haiq Euvg Kuq sig, se ei ninb kanb Eei za'eij Zauj ninb Eei en Navq. naaiq Euvg en, yem tovb Zx maang kruq maang txig uaq zang Tinb huvb lovg ki-tug ye-su Zeij pun Bua.

Iu-Mien New

⁹ Tin-Hungh njoux mbuo, yaac heuc mbuo daaih zoux ninh nyei cing-nzengc mienh, maiv zeiz weic mbuo zoux nyei haaix nyungc kuv sic, se ei ninh ganh nyei za'eix caux ninh nyei en hnangv. Naaiv nyungc en, yiem dongh cor maanc gouv maanc doic wuov zanc Tin-Hungh longc Giduc Yesu ceix bun mbuo.

2 ทิ​โม​ไท 1:9 Iomraidhean Croise

มัด​ทาย 1:21

ນິ່ນ ອ໋ອຍ ຕຸ໊ ເຕົ້າ ຕອນ. ເມີ່ຍ ອ໋ອຍ ຕສຸ ເຖງ ວົ້ວ ເຕົ້າ ຕອນ ທສວດ ບົ໋ວ ເຫ່ວ ເຢ​ຊູ, ເຫວີ່ຍ ຕສຸ ນິ່ນ ອ໋ອຍ ໂອຈ໋ວ ນິ່ນ ເຍີຍ ແປະ ຝີງ ເລີ່ຍ ດຸ໊ດ ນິ່ນ ບົວ ເຍີຍ ຕສຸ໌ຍ.”

lu-kaa 10:21

ວົ້ວ ຕສັ່ນ ສີງ ລີ່ງ ປຸນ ເຢ​ຊູ ອຈຽນ-ໂຢ້ວ ໄຫ່, ນິ່ນ ຕສ່ຽວ ກ໊ອງ, “ອາ ເຕຍ, ລູ່ງ ເດົາ ເຍີຍ ຕສ໊ຽວ ອ້າ! ເຢຍ ເທສງ ເຕຍ ເຫວີ່ຍ ຕສຸ ນ້າຍ ເຕີ໋ຍ ສີ່ ເຕຍ ເກມ ຈ໊ຽນ ໄມ້ ປຸນ ມ່າຍ ທສົງ-ເມ່ງ ເຍີຍ ມ່ຽນ ເຖສົາ ໂຫະ ຮລັງ ເຍີຍ ມ່ຽນ ຮິ້ວ, ມປ່າ ເຕຍ ປຸນ ໄມ້ ໂຫະ ຮລັງ ເຍີຍ ມ່ຽນ ຮິ້ວ. ອາ ເຕຍ ອ້າ! ນ້າຍ ເຊ ໂຕສ໋ວ ຕຸ໊ ຫອບ ເຕຍ ກັ້ນ ເຍີຍ ໂຮຍ້ວ.

โย​ฮัน 17:24

“ອາ ເຕຍ ອ້າ! ເຕຍ ປຸນ ເຢຍ ນ້າຍ ເຕີ໋ຍ ມ່ຽນ, ເຢຍ ຢຽມ ຫາຍ ເຢຍ ຢ່າ ອ໋ອຍ ນິ່ນ ບົວ ເຖສົາ ເຢຍ ຢຽມ ວົ້ວ, ນິ່ນ ບົວ ຕສ່ຽວ ຕຸ໊ ປວັດ ເມີ່ຍ ປຸນ ເຢຍ ເຍີຍ ອຈັງ-ຫລ່າງ, ຕົ້ງ ໄມ້ ແກ້ງ ເຕສີ໋ຍ ລູ່ງ ເຕສີ໋ຍ ເດົາ ວົ້ວ ຕສັ່ນ ເມີ່ຍ ຮນ້ຳ ເຢຍ ຕສ່ຽວ ປຸນ ຕ້າຍ ເຍີຍ ອຈັງ-ຫລ່າງ.

โย​ฮัน 17:9

ເຢຍ ເຖງ ນິ່ນ ບົວ ເຕົ໋າ ເກົ໋າ. ໄມ້ ເຕສີ໌ຍ ເຖງ ໝ່ານ ມ່ຽນ ເຕົ໋າ ເກົ໋າ. ເຢຍ ເຖງ ເຕຍ ປຸນ ເຢຍ ວົ້ວ ເຕີ໋ຍ ມ່ຽນ ເຕົ໋າ ເກົ໋າ ຮນັ້ງ, ເຫວີ່ຍ ຕສຸ ນິ່ນ ບົວ ເປ໋ນ ເຕຍ ເຍີຍ.

โย​ฮัน 6:37

ຕະຟ່ານ ເຢຍ ເຍີຍ ເຕຍ ເຖສີຍ ປຸນ ເຢຍ ເຍີຍ ມ່ຽນ ຢຽດ ຕສູ໊ງ ອ໋ອຍ ຕ້າຍ ລໍ໌ ເຢຍ. ຫາຍ ເຕົ້າ ຕ້າຍ ລໍ໌ ເຢຍ, ເຢຍ ຢຽດ ລິ໌ວ ໄມ້ ກວັ່ງ.

กง-โฒ่ 15:18

ໂລ໌-ຮນອຍ ປຸນ ມ່ຽນ ຮິ້ວ ຕຸ໊ ນ້າຍ ເຕີ໋ຍ ສີ່ ອ໋ອຍ ທສວດ ຕ້າຍ ວົ້ວ ເຕົ້າ ຕສ໊ຽວ ກ໊ອງ ນ້າຍ ເຕີ໋ຍ ຫວ່າ.’”

กง-โฒ่ 2:47

ຢ່າ ເທສງ ທິນ-ຮູ່ງ. ຕສວັ໋ງ ມ່ຽນ ຢ່າ ທ່າຍ ນິ່ນ ບົວ. ຕສ໊ຽວ ຮນອຍໆ ປຸນ ຕຸ໊ ໂອຈ໋ວ ເຍີຍ ມ່ຽນ ທິມ ເປັຍ ນິ່ນ ບົວ ເຍີຍ ກວັ້ນ.

lo-maa 11:14

ເດສ໋ຍ ເຢຍ ໄຮ່ ໂຕສ໋ວ ປຸນ ເຖສົາ ເຢຍ ຈວັ່ງ ຝີງ ເຍີຍ ມ່ຽນ ເໝວີ່ຍ ເຈັ໊ຍ ຕສ່ຽວ ມ່າຍ ເຕີ໋ຍ ເຫວີ່ຍ ເຢຍ ໂຕສ໋ວ ເຍີຍ, ຕຸ໊ ທິນ-ຮູ່ງ ໂອຈ໋ວ ນິ່ນ ບົວ.

lo-maa 11:29

ເຫວີ່ຍ ຕສຸ ທິນ-ຮູ່ງ ກິ໊ນ ຫາຍ ເຕົ້າ, ເຖສີຍ ຟຸ ຫາຍ ເຕົ້າ, ນິ່ນ ຢຽດ ລິ໌ວ ໄມ້ ກ໊ອຍ ຢ່ຽນ.

lo-maa 16:25

ບົວ ອ໋ອຍ ຕສຸ ລົ່ມ ດສ້ອຍ ເທສງ ທິນ-ຮູ່ງ. ເຢຍ ຕສຸ້ນ ຄູ້ ຝຽນ ກ໊ອງ ເຢ​ຊູ ກີ​ຕູ່ ເຍີຍ ເຈົ໊າ-ໂຫລ່ວ. ເອີຍ ນ້າຍ ຄູ້ ຝຽນ, ທິນ-ຮູ່ງ ໄຮ່ ປຸນ ເມີ່ຍ ບົວ ສຽນ ຕຸ໊ ວ້ວນ. ນ້າຍ ຄູ້ ຝຽນ ເກມ ຈ໊ຽນ ເຕສ໋ຍ ກິ໊ດ ລູ່ງ ເດ໊ຍ,

lo-maa 3:20

ເຫວີ່ຍ ຕສຸ ເອີຍ ທິນ-ຮູ່ງ ໝັ່ງ, ໄມ້ ມ່າຍ ຢຽດ ເຕົ້າ ມ່ຽນ ເຫວີ່ຍ ເອີຍ ຈ໊ຽນ ເລີ໌ຍ-ຫລັດ ໂຕສ໋ວ ໄຮ່ ຕຸ໊ ເຖສົາ ທິນ-ຮູ່ງ ຫອບ ໂຮຍ້ວ. ເລີ໌ຍ-ຫລັດ ຂູງ ປຸນ ມ່ຽນ ຮິ້ວ ຕຸ໊ ກັ້ນ ມ່າຍ ຕສຸ໌ຍ ຮນັ້ງ.

lo-maa 9:11

ມປ່າ ນ້າຍ ເຕີ໋ຍ ຊູງ-ກູ້ ງວ໌າ ໄມ້ ແກ້ງ ທສວດ ເສີຍ, ໄມ້ ແກ້ງ ໂຕສ໋ວ ຫາຍ ຫຍູ່ງ ຫລົງ ໄຟ ຫວ່າຍ, ທິນ-ຮູ່ງ ປຸນ ທສີງ ນິ່ນ ເອີຍ ນິ່ນ ກັ້ນ ເຍີຍ ເອີ໋ຍ ກິ໊ນ ມ່ຽນ ຕ້າຍ. ໄມ້ ເຕສີ໌ຍ ມ່ຽນ ໂຕສ໋ວ ຫາຍ ຫຍູ່ງ, ເຊ ທິນ-ຮູ່ງ ກັ້ນ ກິ໊ນ ຕ້າຍ.

lo-maa 9:24

ບົວ ເຊ ຕົ້ງ ວົ້ວ ຫຍູ່ງ ມ່ຽນ ອ໊ະ, ຕົ້ງ ນິ່ນ ເຫ່ວ ຕ້າຍ ວົ້ວ ເຕີ໋ຍ. ໄມ້ ຕານ ເຫ່ວ ຢິວ​ໄທ ມ່ຽນ ຕ້າຍ ຮນັ້ງ, ນິ່ນ ຢ່າ ເຫ່ວ ຈັ໋ນ.

1 โค​ลิน​โท 1:18

ກີ​ຕູ່ ຢຽມ ຕສຽບ ດສັ່ງ ຈ໋າ ໄຕ່ ວົ້ວ ຫຍູ່ງ ໂຕ໌-ເລີ໌ຍ, ເຫວີ່ຍ ອ໋ອຍ ຕສຸ ໝຽດ ເຍີຍ ມ່ຽນ ເຊ ຫຮງົງ ໄຫ່. ມປ່າ ເຫວີ່ຍ ບົວ ຕຸ໊ ໂອຈ໋ວ ເຍີຍ ມ່ຽນ ເຊ ທິນ-ຮູ່ງ ເຍີຍ ທຈະ.

e-fe-so 1:11

ຢຽດ ຕສູ໊ງ ສີ່ ທສວດ ຕ້າຍ ເອີຍ ທິນ-ຮູ່ງ ເຍີຍ ຕສະເອີ໋ຍ ຢ່າ ເອີຍ ນິ່ນ ຕີ່ງ ຕສຢັ໋ງ. ທິນ-ຮູ່ງ ເຫວີ່ຍ ນິ່ນ ກັ້ນ ເຍີຍ ຕສະເອີ໋ຍ ກິ໊ນ ບົວ, ປຸນ ບົວ ເຖສົາ ກີ​ຕູ່ ຈວັ່ງ ແໝ່ງ ຕສຢັ້ງ, ເປ໋ນ ນິ່ນ ເຍີຍ ມ່ຽນ. ນິ່ນ ຮນັ້ງ ນ້າຍ ໂຕສ໋ວ ເຊ ເອີຍ ນິ່ນ ຈາ-ດ່າງ ຕີ່ງ ຕສຢັ໋ງ ໂຕສ໋ວ.

e-fe-so 1:9

ທິນ-ຮູ່ງ ປຸນ ບົວ ຮິ້ວ ຕຸ໊ ນິ່ນ ຈາ-ດ່າງ ຕີ່ງ ຫລົ່ງ ກີ​ຕູ່ ໂຕສ໋ວ ຕສຢັ໋ງ ເຍີຍ ຕສະເອີ໋ຍ, ຕົ້ງ ໄມ້ ແກ້ງ ບຢ໋າງ ຢ້າງ ເຍີຍ ຕສະເອີ໋ຍ.

e-fe-so 2:5

ໄມ້ ກຸ໊ນ ບົວ ຫລາຍ ໄມ້ ໝວັງ ທິນ-ຮູ່ງ ເຍີຍ ຫວ່າ ຕ໋ອງ ໄຕ່ ໝີ່ ອ໊ະ, ນິ່ນ ປຸນ ບົວ ເຖສົາ ກີ​ຕູ່ ນັ່ງ ຕ້າຍ ຕສຢັ້ງ ຈ໊ຽນ. ເມີ່ຍ ບົວ ຕຸ໊ ໂອຈ໋ວ ເຊ ເຫວີ່ຍ ທິນ-ຮູ່ງ ເຍີຍ ເອນ.

e-fe-so 3:11

ທິນ-ຮູ່ງ ຮນັ້ງ ນ້າຍ ນໍ ໂຕສ໋ວ ເຊ ເອີຍ ນິ່ນ ຢຽດ ລິ໌ວ ເຍີຍ ຕສະເອີ໋ຍ, ຕົ້ງ ນິ່ນ ຫລົ່ງ ບົວ ເຍີຍ ຕສ໊ຽວ ກີ​ຕູ່ ເຢ​ຊູ ໂຕສ໋ວ ຕສຢັ໋ງ ເຍີຍ ຕສະເອີ໋ຍ.

ฟี​ลิบ​พอย 3:14

ແປງ ຕສະ ຖິວ ເຖົາ ເຕສ໊າະ ຕຸ໊ ຕສີ້ງ ເຫຍີ່ຍ ເຍີຍ ຕ໋ອງ, ເຊ ຕົ້ງ ທິນ-ຮູ່ງ ເຫ່ວ ເຢຍ ເຂົາ ກີ​ຕູ່ ເຢ​ຊູ ມີ່ງ ຢຽມ ກູ້ ຫງວ່າຍ ຕຸ໊ ເຍີຍ ຕສີ້ງ ເຫຍີ່ຍ.

1 เท​สะ​โล​นิ​กา 4:7

ທິນ-ຮູ່ງ ເຫ່ວ ບົວ ຕ້າຍ ໄມ້ ເຕສີ໌ຍ ເຫວີ່ຍ ໂຕສ໋ວ ໄມ້ ທສີງ-ເດສ່ງ. ນິ່ນ ອ໋ອຍ ບົວ ໂຕສ໋ວ ທສີງ-ເດສ່ງ ເຍີຍ.

1 ทิ​โม​ไท 1:1

ເຢຍ, ເປົາ​ໂລ, ຕສິ໋ວ ບົວ ເຍີຍ ໂອຈ໋ວ ຕສ໊ຽວ ທິນ-ຮູ່ງ ເຖສົາ ປຸນ ບົວ ມ່າຍ ລ່ຳ ຮນ້ຳ ເຍີຍ ກີ​ຕູ່ ເຢ​ຊູ ເຍີຍ ຫລີ່ງ ໂຕສ໋ວ ກີ​ຕູ່ ເຢ​ຊູ ເຍີຍ ກົງ-ໂຕສ້.

2 ทิ​โม​ไท 1:1

ເຢຍ, ເປົາ​ໂລ, ເອີຍ ທິນ-ຮູ່ງ ເຍີຍ ຕສະເອີ໋ຍ ໂຕສ໋ວ ກີ​ຕູ່ ເຢ​ຊູ ເຍີຍ ກົງ-ໂຕສ້ ເຫວີ່ຍ ຕສຸ້ນ ທິນ-ຮູ່ງ ແລ໌ງ ປຸນ ເຍີຍ ແໝ່ງ, ຕົ້ງ ມ່ຽນ ເຂົາ ກີ​ຕູ່ ເຢ​ຊູ ຕຸ໊ ຕ້າຍ ເຍີຍ ຕສຢັ້ງ ແໝ່ງ.

ทิ​ตัด 1:2

ນິ່ນ ບົວ ສຽນ ເຍີຍ ເຖສົາ ຮິ້ວ ເຍີຍ ຕສຽນ ເລີ໌ຍ ເຍີຍ ກອນ-ໂດ໊ະ ເຊ ປຸນ ມ່ຽນ ມ່າຍ ລ່ຳ ຮນ້ຳ ອ໋ອຍ ຕຸ໊ ຢຽດ ລິ໌ວ ເຍີຍ ແໝ່ງ, ເຊ ໄມ້ ກ໊ອງ-ແປະ ເຍີຍ ທິນ-ຮູ່ງ ຢຽມ ຕົ້ງ ທສໍ ໝ່ານ ໂກ໊ວ ໝ່ານ ຕ່ອຍ ວົ້ວ ຕສັ່ນ ແລ໌ງ ປຸນ ເຍີຍ ແໝ່ງ.

ฮิบ​ลู 3:1

ສຽນ ກີ​ຕູ່ ເຍີຍ ກໍ໋-ໂຢ໌ວ ອ່າ, ເມີ່ຍ ບົວ ເປ໋ນ ທິນ-ຮູ່ງ ເຫ່ວ ຕ້າຍ ເຍີຍ ມ່ຽນ. ອ໋ອຍ ຕສຸ ຮນ້ຳ ເຖົາ ເຢ​ຊູ, ຕົ້ງ ຕສິ໋ວ ບົວ ຫຍ່ຽມ ເຍີຍ ເຈົ໊າ ໂຕສ໋ວ ກົງ-ໂຕສ້ ຢ່າ ໂຕສ໋ວ ຕົ້ມ ໄຊ ມ່ຽນ ວົ້ວ ເຕົ້າ.

1 Bide 1:20

ທິນ-ຮູ່ງ ໄມ້ ແກ້ງ ເຕສີ໋ຍ ລູ່ງ ເຕສີ໋ຍ ເດົາ ວົ້ວ ຕສັ່ນ ນິ່ນ ກິ໊ນ ກີ​ຕູ່ ຕ້າຍ. ແອ໋ງ ເຖົາ ນ້າຍ ເຕີ໋ຍ ອກະຮ້າ ລາຍ ເຍີຍ ຮນອຍ-ເຫຍັຍ ກີ​ຕູ່ ທສວດ ຕ້າຍ ເຫວີ່ຍ ເຖງ ເມີ່ຍ ບົວ.

1 Bide 2:9

ມປ່າ ເມີ່ຍ ບົວ ໂຕສ໋ວ ທິນ-ຮູ່ງ ກິ໊ນ ຕ້າຍ ເຍີຍ ຝີງ, ໂຕສ໋ວ ໄຊ ມ່ຽນ ຟູ-ສູ ທິນ-ຮູ່ງ, ຢ່າ ໂຕສ໋ວ ທສີງ-ເດສ່ງ ເຍີຍ ຝີງ, ເປ໋ນ ທິນ-ຮູ່ງ ກັ້ນ ເຍີຍ ແປະ ຝີງ ເຫວີ່ຍ ຕສຸ້ນ ນິ່ນ ໂຕສ໋ວ ບົວະ ຮ່ອງ ເຍີຍ ສີ່. ນິ່ນ ເຫ່ວ ເມີ່ຍ ບົວ ທສວດ ຫຮມວັງ ຕ້າຍ ເປັຍ ນິ່ນ ບົວະ ຮ່ອງ ໄຫ່ ເຍີຍ ອຈັງ.

หล่าว ย่าง 13:8

ລູ່ງ ເດ໊ຍ ໝ່ານ ມ່ຽນ ຕສ່ຽວ ຕສັ່ງ ວົ້ວ ເຕົ້າ ເຮ່ຍ ກະນ້າຍ, ທສວດ ລິ໌ວ ມ່າຍ ບົ໋ວ ເຟ້ຍ ຈ໊ຽນ ຕສຢັ້ງ ແໝ່ງ ຕານ ວົ້ວ ເຕີ໋ຍ, ຕົ້ງ ຢຽມ ເຕສີ໋ຍ ລູ່ງ ເຕສີ໋ຍ ເດົາ ວົ້ວ ຕສັ່ນ ຕສຸ ໄຕ໋ ໄຕ່ ວົ້ວ ເຕົ້າ ປະກີ ຢູ້ງ ຕອນ ເຍີຍ ຕານ.

หล่าว ย่าง 17:8

ເມີ່ຍ ປວັດ ວົ້ວ ເຕົ້າ ເຮ່ຍ ກະນ້າຍ ຕສິ້ນ ດ່າງ ຕສຢັ້ງ ຈ໊ຽນ ເຍີຍ, ມປ່າ ອີ້ ຕສັ່ນ ໄມ້ ຕສຢັ້ງ ອ໊ະ. ໄມ້ ເລົ່າ ນິ່ນ ຢຽມ ວົ້ວ ນອມ ໂດ ໄຫ່ ເຍີຍ ຄວດ ທສວດ ຕ້າຍ ຕສ່ຽວ ມີ່ງ ຕສຸ ໝຽດ. ປ້າມ ເກນ ເຍີຍ ມ່ຽນ, ຕົ້ງ ຢຽມ ໄມ້ ແກ້ງ ເຕສີ໋ຍ ລູ່ງ ເຕສີ໋ຍ ເດົາ ວົ້ວ ຕສັ່ນ ໄມ້ ມ່າຍ ບົ໋ວ ເຟ້ຍ ຈ໊ຽນ ຕສຢັ້ງ ແໝ່ງ ຕານ ວົ້ວ ເຕີ໋ຍ, ປວັດ ວົ້ວ ເຕົ້າ ເຮ່ຍ ກະນ້າຍ ຕສ່ຽວ ຕສະເກ້ງ ບົວະ ຮ່ອງ ໄຫ່, ເຫວີ່ຍ ຕສຸ ຕສິ້ນ ດ່າງ ວົ້ວ ເຕົ້າ ເຮ່ຍ ກະນ້າຍ ຕສຢັ້ງ ເຍີຍ, ອີ້ ຕສັ່ນ ໄມ້ ຕສຢັ້ງ ມປ່າ ແອ໋ງ ອ໋ອຍ ຕ້າຍ.