Tafite 22:4 - Blaan Sarangani

⁴ Na di bang én, teenla i baweh Dwata na i dagitan gsulat di angas i kat satu dale.

Tafite 22:4 Iomraidhean Croise

Salmo 4:6

Dwata, dee to gal mni di ge, manla, “Simto dé kamdo gami? Kandom gami moon, Amumi Dwata, na banlém gami i kafye.”

Salmo 42:2

Gambet too agu malau ge i too mto Dwata. Kilen kè lêman i kafdadonggu di ge du mangamfù agu?

Matyu 5:8

Nun kafye i dad to matlu i nawala, du site ale kadang Dwata.

Dyan 12:26

Ku nun to mayè mbaling saliggu, too kenen mlalò deg, du fye balù nè gumnègu déén i saliggu di safédgu. Na ku nun to mimen i knayègu fdatah kenen i Màgu.”

Dyan 17:24

“Mà, i dad to gablém deg, kayègu ku mnè ale di safédgu di gumnègu kadang, du fye teenla kdatah tagablém di deg di là fa mgimò i banwe, du mdà di kbong nawam deg.

1 Korintu 13:12

Salngad gito dad faglut, du là fa sikof i kgadeito gablà di Dwata. Salngad ku meye ito di sfihu, là too gamal i keyeito. Kabay nun duh kadang, ku teenito Dyisas, too mbangal kiteito kenen, na too sikof i kaglabatito gablà di kenen salngad i kaglabat Dwata gito ani.

Hibru 12:14

Sansatuyu nawayu, du fye nun ktanak nawa i kat man satu gamu, na fatluyu i ktoyu, du ku là ito matlu là ito kadang mite Dwata.

Tafite 14:1

Kafnge én, teengu i bulul Sion, na tadag ditù i Tingà Bilibili na nun magin di kenen mlatu fat falò fat libu dad to. Na kat satu dale nun gsulat di angasla dagit Tingà Bilibili na i dagit Maan Dwata.

Tafite 3:12

“ ‘Na i dad to gamfisan i dad sasè mkel di dale di klalòla deg, fbalinggu ale mdatah déén di gumnè Màgu Dwata na mnè ale déén landè gusenan. Na sulatgu di dale i dagit Màgu Dwata, na dagit i banwe Màgu Dwata, dunan falami Dyérusalém i fdanà fdu di langit mdà di Màgu Dwata. Na sulatgu di dale i falami dagitgu.

Tafite 7:3

Na manan di dale, “Nangyu tayò falmo i tanà na i mahin na i dad kayu, silangyu falmo ku tafngemi nimò ilè Dwata di angas i dad saligan.”