Tafite 21:3 - Blaan Sarangani

³ Na nun lingegu i bong talù mdà di gusudeng i gumdatah, manan, “Neyeyu, mdà ani mnè Dwata di saféd i dad ton. Na mnè kenen di dale na mgimoan ale dad ton, na kenen i mgimò Dwatala.

Tafite 21:3 Iomraidhean Croise

Dyan 1:14

I dnagit Tnalù tambaling to, na mnè kenen di safédito na tatoon fite i kafyen di gito, na too glut i kdee manan. Tateenito i bong kdatahan, i kdatah i sen Tingà Maan Dwata.

Dyan 14:23

Na tmimel Dyisas, manan, “Nè i to kambong nawa deg, nimenan i dad tdògu, na bong nawa Màgu kenen, na lwe gami Mà mnè di kenen.

2 Korintu 6:16

Là fakay mangamfù di dad ise glut dwata déén di Bong Gumnè i too mto Dwata. Na gito dad faglut i gumnean én, du manan, “I dad to faglut di deg, ale i gumnègu, na mnè agu di dale. Na agu i Dwatala, na ale i dad togu.

2 Korintu 6:18

Na mbaling agu Màyu, na mbaling gamu dad ngàgu. Ani man Dwata i Amu Too Mtulus.”

1 Tésalonika 3:11

Kayèmi moon ku Maito Dwata na Amuito Dyisas Krayst lamwa i dalan fye nlauymi gamu.

Hibru 11:16

Kabay i fanngaballa i banwe mdatah fa di banwe tagakla, dunan banwe di langit. Na taman Dwata là myà di kmanla kenen Dwatala, du tatnagaan ale banwe gufnean dale.

Hibru 8:10

Na lêman mangu di dale gablà di falami dalan. Ku kel kadang i duh i gmangu di dale, fkahgu i dad tdògu di lam i fandamla, na di nawala. Na di bang én agu mbaling Dwatala, na ale mbaling dad togu.

Hibru 8:2

I nimò Dyisas nimò i mdatah bà déén di muna Dwata di too glut gumangamfù di langit ise ku to mimò dun, bay Amuito Dwata.

Tafite 10:4

Kakubu i kmilet fitu dulê, tafangu sulat i lingegu, bay nun fa lingegu talù mdà di langit, na manan di deg, “Bunim i gman i kilet fitu dulê gine, na nangam sulat.”

Tafite 10:8

Kafnge én, lêmangu linge i talù talingegu gine mdà di langit, manan, “Salu ge di kasaligan Dwata tadag di mahin na di tanà, na nweam i tukay sulat mgukal nagotan.”

Tafite 12:10

Kafnge én, lêmangu linge i bong talù mdà di langit, manan, “Ani i kagdohò i kafalwà Dwata i dad to, na tafite Dwata i bong glalan magot i kdee, na tambù i kagotan, na tanun glal i To Mgalékan, dunan Krayst Dyisas. Du i dmalam dad flanekito di kafaglut mduh na butang di muna Dwata, tabat mdà di langit.

Tafite 21:7

Na i dad to gamfisan i kdee sasè mkel di dale di klalòla deg, ale gamdawat i kdee kafye blégu dale. Na mbaling agu Dwatala, na ale mgimògu dad togu.

Tafite 22:3

Na i kdee knang Dwata landè déén. Kabay déén i gusudeng Dwata na i Tingà Bilibili di syudad ani. Na i dad salig Dwata mangamfù ale di kenen.

Tafite 7:15

Taman, “tadag ale di muna i gusudeng Dwata, na mimò ale i knayean mduh na butang di Bong Gumnean, na i sudeng di gusudeng i gumdatah dunan Dwata, kenen sa too mifat dale du mnè ale di kenen.