Tafite 18:9 - Blaan Sarangani

⁹ Na i dad harì di tah tanà, i gagin di kenen di kimoan i too sasè knayè i lawehan, too ale mngel na too ale mlanu di kitela i buk ksakuf kenen.

Tafite 18:9 Iomraidhean Croise

Dyénésis 19:28

Na neyen ditù di gusablà i dad banwe Sodom na Gomora, na di klamang datalan, na teenan i bong mgat buk salu tah mdà di tanà, gambet i buk di bong ntam fnuluk too mgat.

1 Timoti 5:11

Kabay nangyu fakuf dad libun balu là too tua, du ken lêman ale mayè mwè yaan, na mdà déén tagakla i nimòla di ku Krayst Dyisas.

Tafite 14:11

Na landè gusen i buk mdà di lifoh i gumaflayamla, na landè gugaftud i dad to mangamfù di bong kanlikò na i kafbawehan, na i dmawat ilè i dagitan, du maflayam ale mduh na butang kel di landè sen.”

Tafite 17:2

Na dad harì di tah tanà, magin ale di magagyà nimò i libun mkat lagi. Na dee dademe dad to di tah tanà gagin di kenen di kimoan sasè knayè i lawehan na sadi mbaling ale langal di ksasè nimò.”

Tafite 18:18

Na di kitela i buk mdà di ksakuf i banwe ani, kdeela mkit na manla, “Landè dademe banwe gasngad i bong banwe Babilon.”

Tafite 18:20

Kabay gamu dad mnè di langit, too gamu flehew di kalmo i bong banwe ani, na gamu dad nfun Dwata, gamu dad to dek Dyisas Krayst, na gamu dad tugad Dwata flehew gamu, du tanukum Dwata i banwe ani na toon fanlayam, du balasan i dad sasè mgimò di gamu di muna fa.”

Tafite 18:3

Na takel kdee ani di dad to di kdee sahal banwe, du magin ale di libun, dunan i banwe Babilon, mimò too sasè knayè i lawehla, na i dad harì di tah tanà magin di kimoan i magagyà nimò, na dad to gal fabli di tah tanà, mbaling ale dad to nun bong knun, du mdà di kbayadan i kdee kayean.”

Tafite 18:7

Salngad di kafdatahan i kton na kimenan i sasè knayean, én sa kablat i kaflayam na klidù nawa i blé di kenen. Fdag kenen, manan, ‘Agu i satu gumdatah, ise agu satu libun balu, na landè klidù nawagu kel di landè sen.’

Tafite 19:3

Na mkit ale lêman, manla, “Dnayenito Dwata. I buk mdà di ksakuf i banwe én tatì mbuk kel di landè sen.”

Tafite 2:22

Taman toogu fanlayam i libun ani, na gamu i magin kenen mimò i sasè knayè i lawehyu du banlégu gamu i too sasè tduk. Ani sa nimògu ku là gamu msal na kmagol i sasè nimòyu.