Tafite 18:3 - Blaan Sarangani

³ Na takel kdee ani di dad to di kdee sahal banwe, du magin ale di libun, dunan i banwe Babilon, mimò too sasè knayè i lawehla, na i dad harì di tah tanà magin di kimoan i magagyà nimò, na dad to gal fabli di tah tanà, mbaling ale dad to nun bong knun, du mdà di kbayadan i kdee kayean.”

Tafite 18:3 Iomraidhean Croise

I Fye Tulen gablà ku Dyisas Krayst i Sulat Luk 7:25

Na du ise én, ken én taneyeyu ditù satu to too fye klaweh. Kabay ise, du dad to kamlaweh i too fye baweh klaweh mnè di kafye di bong gumnè i harì.

1 Timoti 5:11

Kabay nangyu fakuf dad libun balu là too tua, du ken lêman ale mayè mwè yaan, na mdà déén tagakla i nimòla di ku Krayst Dyisas.

Tafite 14:8

Na nun galwe kasaligan mayeng gamtadol, na manan, “Tamalmo, tamalmo i bong banwe dnagit Babilon. Di muna fa, mdatah banwe, bay flangalla binula i dad to di kdee dad banwe, dunan i toola kimen i sasè knayè i lawehla, na mdà di dale, i dad to mdà di kdee banwe lalòla i dale nimò.”

Tafite 17:2

Na dad harì di tah tanà, magin ale di magagyà nimò i libun mkat lagi. Na dee dademe dad to di tah tanà gagin di kenen di kimoan sasè knayè i lawehan na sadi mbaling ale langal di ksasè nimò.”

Tafite 18:19

Na du too mlidù i nawala, bnubulla kfung i tanà ulula, na mngel na mlanu ale, na manla, “Magakdo. Tay, magakdo i bong banwe ani, du mdà di knunan mbaling nun bong knun i kdee dad mfun i dad kafal. Kabay di là mlo, tatoo mlal malmo i kdee dad knunan.

Tafite 18:23

Na talà lêman teen di banwe ani kneng i salò. Na talà lêman linge klehew i dad lagi na dad libun falami sdeme. Di muna fa i dad to gal fabli too ale mgafè di tah tanà. Fagu di kafgawam i dad to di banwe ani, tamafgaw dad to mdà di kdee banwe.

Tafite 18:7

Salngad di kafdatahan i kton na kimenan i sasè knayean, én sa kablat i kaflayam na klidù nawa i blé di kenen. Fdag kenen, manan, ‘Agu i satu gumdatah, ise agu satu libun balu, na landè klidù nawagu kel di landè sen.’

Tafite 18:9

Na i dad harì di tah tanà, i gagin di kenen di kimoan i too sasè knayè i lawehan, too ale mngel na too ale mlanu di kitela i buk ksakuf kenen.