Tafite 17:12 - Blaan Sarangani

¹² “Na lêman i sfalò sungket i kanlikò i teenam dunan sfalò dad harì, bay là fa tambù i kagotla. Nun duh kadang nun glal gablé di dale magot i banwe gagin di bong kanlikò, bay là mlo kagotla.

Tafite 17:12 Iomraidhean Croise

Tafite 10:11

Na nun talù di deg, manan, “Là fakay ku laam too tulen lêman i dademe fgadè di ge gablà di fan kel di dad sahal to, dad sahal banwe, na dad sahal talù, na dad sahal harì.”

Tafite 12:3

Na nun fa satu too gamtikeng msut di langit nun gumtatekan, dunan i too bong naga fulè, dnagit dragon. Na fitu i ulun na sfalò i sungketan, na di kat ulun nun kyangenan.

Tafite 13:1

Kafnge én, teengu i bong lmanaf i too kanlikò lamwà mdà di lam i mahin. Na nun sfalò sungketan na fitu ulun. Na di kat satu sungketan nun kyangenan, na gsulat di kat ulun i dagit too sasè, du falmo i kdatah Dwata.

Tafite 17:16

“I bong kanlikò ani na i sfalò sungketan tateenam, dunan i dad sfalò harì, na balingla knang nawa i libun mkat lagi. Na falmola kenen du nwèla di kenen i dad knunan gagin i klawehan, na knaanla ungadan, na i gtagak snakufla di lifoh.

Tafite 18:10

Na tadag ale fawag, du too ale likò, du ken gakuf ale di bong kaflayaman. Na kdeela mangman, “Magakdo. Tay magakdo, du di muna fa bong banwe Babilon too mdatah, bay tatoo mlal kakel i kalmom.”

Tafite 18:17

Kabay di là mlo ani, i kdee dad knunan tatoo mlal malmo.” Na i kdee to mebe i dad kafal, na i dademe mimò di dad kafal, i kdee to smakay, na i kdee to meye i klidùla di tah i mahin, slame ale tadag too fawag.

Tafite 18:19

Na du too mlidù i nawala, bnubulla kfung i tanà ulula, na mngel na mlanu ale, na manla, “Magakdo. Tay, magakdo i bong banwe ani, du mdà di knunan mbaling nun bong knun i kdee dad mfun i dad kafal. Kabay di là mlo, tatoo mlal malmo i kdee dad knunan.