Tafite 15:3 - Blaan Sarangani

³ Na kdeela mlingag i lingag Mosis i lifan Dwata, na i lingag Tingà Bilibili. Na ani manla, “Amumi Dwata Too Mtulus, too mdatah na too gamtikeng i kdee dad nimoam. Ge i too glut Harì di kdee dad to di kdee dad banwe, na too matlu na too glut i kdee dad nimoam.

Tafite 15:3 Iomraidhean Croise

Dyénésis 17:1

Na kel tasyem falò syem i fali Abram, lêman msut Dwata i Amu, di kenen, na manan, “Agu Dwata Too Mtulus, mimen ge deg, na fadlug ge mimò i matlu nimò.

Salmo 100:5

du too fye sa Amuito Dwata; i kakdon landè kgilin kel di landè sen, na gsalig i nimoan di kdee to mdà di muna fa na kel di landè sen.

Salmo 105:5

E gamu bel Abraham, i salig Dwata, gamu bel Dyékob, dad to mgalék Dwata, fandamyu i dad kafye mgimò Dwata, i dad gamtikeng mgimoan, na i dad kukuman i dad to dmuen kenen.

Salmo 139:14

Dnayenta ge du too gamtikeng i kimoam deg, na too tì fye. I kdee nimoam too gamtikeng i kafyela! Too sikof i kgadeam deg;

Dyan 1:17

Hae, du fagu di ku Mosis blé Dwata di gito i dad flaloan, bay blén i kafye na kaglut di gito fagu di ku Dyisas Krayst.

1 Timoti 1:17

Taman di Dwata gumlé i kdeeito dad to i afè na dayen kel di landè sen, du kenen sa i Harì magot i kdee kel di landè sen, i là fakay mati, i là fakay teen, na kenen alò Dwata. Amén.

Hibru 3:5

Na Mosis, too kenen mimen Dwata di kifatan i dad ton, du salig Dwata. Én nimoan tulenan di dad to i kaglut i man Dwata di kenen.

Tafite 1:8

Na man Amuito Dwata, “Agu Too Mtulus, agu gutambù i kdee, na agu alò fakay mnge i kdee. Na agu tagnè mdà di kagatbuan kel ani, na kel di atuan landè gusengu.” Ani man Dwata.

Tafite 11:17

Na manla, “Amumi Dwata Too Mtulus, ge i tagnè mdà di kagatbuan kel ani, mlé gami bong fye di ge, du tafitem i bong glalam na tatanbuam magot i kdee di klamang banwe.

Tafite 14:3

Na i mlatu fat falò fat libu to tadag smalu di gusudeng i gumdatah, na di fat gambet lmanaf, na di lwe falò fat ulu, mlingag ale i falami lingag. Na alò dad mlatu fat falò fat libu to ani, i gmagan gambet i lingagla, du ale i tansò Tingà Bilibili mdà di dad salàla di tah tanà.

Tafite 14:8

Na nun galwe kasaligan mayeng gamtadol, na manan, “Tamalmo, tamalmo i bong banwe dnagit Babilon. Di muna fa, mdatah banwe, bay flangalla binula i dad to di kdee dad banwe, dunan i toola kimen i sasè knayè i lawehla, na mdà di dale, i dad to mdà di kdee banwe lalòla i dale nimò.”

Tafite 17:14

Na sanfatila kadang i Tingà Bilibili. Kabay gfisanan ale, du Dyisas i Amu di kdee dad amu, na kenen i Harì di kdee dad harì. Na magin di kenen i dad to tamgalékan, dunan i dad to too gsalig di klalòla kenen.”

Tafite 19:16

Na nun dagit gsulat di klawehan na di fuadan, manan, “Harì di kdee harì na Amu di kdee amu.”

Tafite 19:2

I kukuman too glut na too matlu. Tafanlayaman i libun mkat lagi, du falmon i dad to di tah tanà fagu di too sasè knayè i lawehan. Na tagbalas Dwata litè i dad saligan tafnati i libun ani.”

Tafite 4:8

Na kat satu dale nun nam fafakla na lawehla slame mata di lwà na di lam. Na mlingag ale tayud i butang na mduh. Na man i lingagla ani, “Landè salaan, landè salaan, landè salà Amuito Dwata Too Mtulus, i tagnè mdà di kagatbuan kel ani, na kel di landè sen.”