Tafite 14:10 - Blaan Sarangani

¹⁰ gamdawat kenen i flayam du mdà di too kaflabè Dwata. Na i dad to salngad i to én too fanlayam Dwata fagu di lifoh na sandawà dminè, di muna i dad kasaliganan na i Tingà Bilibili.

Tafite 14:10 Iomraidhean Croise

Dyénésis 19:24

Kakelan ditù, fulen Dwata i sandawà i too dminè mdà di langit di dad banwe Sodom na Gomora.

Salmo 11:6

Too blat kadang kaflayaman i dad to sasè, du gambet gnumah ale bong ulen bala lifoh na sandawà dminè, na maflayam ale di lyof init mdà di lifoh.

Salmo 37:34

Smalig gamu di Amuito Dwata di kfatanyu kenen, na nimenyu i dad flaloan; na toon gamu fdatah fagu di kablén gamu i banwe fakangan di gamu, na teenyu kadang i kalmo dad to sasè.

Salmo 91:8

Teenam sa i flayam Dwata i dad to sasè, bay là ge gakuf.

Matyu 20:22

Kabay tmimel Dyisas, manan, “Làyu gadè i fniyu. Gaganyu kè mebe i kaflayam salngad i bong kaflayam gnagugu kadang?” Manla, “Hae, gaganmi.”

Matyu 25:41

“Kafnge én, ani mangu di dad to gsen di ibenggu, ‘Fawag gamu di deg, gamu dad to sasè tanukum Dwata. Ditù gamu di lanaw lifoh landè gumatin tatagà Dwata du gumlayam ku Satanas na dad kasaliganan,

Matyu 26:39

Na salu kenen di là too mawag, na tatì kenen lamfan di tanà na dmasal, manan, “E Mà, gaganam i kdee, taman begam nwè i kaflayam fangu nagu ani. Kabay balù én i deg knayè, toom dnohò i ge knayè.”

Mark 8:38

Na sadni too dee dad to too gamsalà na knangla Dwata. Na i to gbol di dale i myà mfun deg ku demen tdògu, kyàgu kenen kadang, agu dnagit Tingà To, di kasfulêgu magin bong kdatah Màgu na magin dad kasaligan too mtiu.”

Mark 9:44

du ditù landè gumati dad safat, na landè gumati i lifoh.

Dad Nimò 10:22

Na tmimel ale, manla, “I gufdumi di ku Kornilyus i kafitan i dad sundalu. Kenen to too matlu, na toon nafè Dwata, na too kenen nafè i kdee dad Dyu. Dek kenen i satu kasaligan mdà di Dwata fngé ge, du fye salu ge di gumnean, du fye lingen i kayeam man di kenen.”

2 Tésalonika 1:7

na faftudan gamu na gami mdà di kdee kalimaito kadang di kasfulê Amuito Dyisas mdà di langit gagin i dad kasaliganan too mtulus,

Dyud 1:7

Fandamyu nimò i dad to di banwe Sodom na Gomora na i dademe dad to glibut déén falmo Dwata fagu di lifoh, too ale mimò salngad nimò dad kasaligan di muna fa, du nimòla magagyà nimò knayè i lawehla, na tanlamin dad lagi i dademela lagi. I gukel dad to ani guflingen i kaflayam gdawat i dad to ditù di lanaw lifoh landè fati kel di landè sen.

Tafite 15:7

Na satu di fat gambet lmanaf sankatan banlé tukung blawen i fitu kasaligan. I dad tukung én too fnò i kaflabè Dwata, i Dwata mto landè gusenan.

Tafite 16:19

Na i bong banwe Babilon malmo, na masatngà di tlu. Na dademe malbang banwe tamalmo. Na là glifet Dwata i bong sasè nimò i dad to di bong banwe Babilon. Taman fninuman ale i binun, dunan toon ale fanlayam du mdà di kaflabean dale.

Tafite 18:3

Na takel kdee ani di dad to di kdee sahal banwe, du magin ale di libun, dunan i banwe Babilon, mimò too sasè knayè i lawehla, na i dad harì di tah tanà magin di kimoan i magagyà nimò, na dad to gal fabli di tah tanà, mbaling ale dad to nun bong knun, du mdà di kbayadan i kdee kayean.”

Tafite 18:6

Na bnalas di kenen i kaflayam i galan flayam gamu, na ku tan i kalbong i flayaman i dademe, lwe dulê i kablat i kaflayam i flayam Dwata kenen. Na ku tan i kaflabè i libun ani di gamu, lêman lwe dulê fa i kablat i kaflabè Dwata kenen.

Tafite 19:15

Na lamwà mdà di baan i too gamban sundang, du ani fisanan i dad to di sahal banwe. Na i kagotan dale landè gamfisan kenen. Nlék ale Dwata Too Mtulus gambet i kaflà bunge grép, du toon ale fanlayam, mdà di kaflabean dale.

Tafite 19:20

Kabay baling gakfè i bong kanlikò na i tugad Satanas, dunan i gal mimò dad tnikeng gfaloh i bong kanlikò. Na fagu di dad gamtikeng ani tafangawan i dad to tagamdawat ilè i bong kanlikò na i gal mangamfù di kafbawehan. Na i bong kanlikò na i tugad Satanas sdulê ale bat mto ditù di lanaw lifoh dminè sandawà.

Tafite 20:10

Na Satanas i busaw gal mgaw i dad to, bat kenen ditù di lanaw lifoh sanbool sandawà dminè, i tagumbat i bong kanlikò na i tugad Satanas. Na déén i gumaflayamla mduh na butang kel di landè sen.

Tafite 20:14

Kafnge én, i fati na Hadis gbat ditù di lanaw lifoh. Na i lanaw lifoh ani dunan i galwe fati.

Tafite 21:8

Kabay i dad to likò mlalò deg na dad to kmagol i kafaglutla di deg, dad to mimò kdee bung sasè nimò, dad to manò, dad to mimen i sasè knayè i lawehla, dad to gal stulen di dad sasè tulus na mimò dad gamtikeng fagu di dale, i dad to mangamfù di dad ise glut dwata, i kdee dad to tmulen kéng, na kdee ani, maflayam ale di lanaw lifoh nbol sandawà dminè. Na ani i galwe fati.”