Tafite 11:17 - Blaan Sarangani

¹⁷ Na manla, “Amumi Dwata Too Mtulus, ge i tagnè mdà di kagatbuan kel ani, mlé gami bong fye di ge, du tafitem i bong glalam na tatanbuam magot i kdee di klamang banwe.

Tafite 11:17 Iomraidhean Croise

Dyénésis 17:1

Na kel tasyem falò syem i fali Abram, lêman msut Dwata i Amu, di kenen, na manan, “Agu Dwata Too Mtulus, mimen ge deg, na fadlug ge mimò i matlu nimò.

Matyu 11:25

Na di bang én dmasal Dyisas, manan, “E Mà, Amu magot i langit na tanà, mlé agu fye di ge du i bunim di dad to too fulung na i dad to mdatah gnadè, tafitem di dad to mdanà salngad i dad malnak ngà.

I Fye Tulen gablà ku Dyisas Krayst i Sulat Luk 10:21

Na di bang én, too lehew Dyisas fagu di Mtiu Tulus, na dmasal kenen, manan, “E Mà, Amu magot i langit na tanà, mlé agu fye di ge, du i bunim di dad to too fulung na i dad to mdatah gnadè, tafgadeam di dad to mdanà salngad i dad malnak ngà. Hae, mgimò ani, du ani knayeam.

Dyan 11:41

Taman nwèla i batu sang i lbang. Na lngalà Dyisas di langit, na manan, “Mà, bong fye di ge du fanlingem agu.

2 Korintu 2:14

Kabay too agu mlé bong fye di Dwata, du mdà di ksasatumi ku Krayst fnisanan gami, du fye balù nè gusalumi nun nan gukmamun gami fbel i Fye Tulen gablà ku Krayst, na di kbelmi dun gambet bun i too fye fangbun mbel balù nè gusalumi.

2 Korintu 9:15

Taman mlé ito bong fye di Dwata mdà di too fye blén gito landè gmagan tmulen i kalbong kabtasan, dunan i kablén gito Tingaan Dyisas Krayst.

1 Timoti 1:12

Too agu mlé fye di Amuta Dyisas Krayst, du banlén agu gal mimò i fimoan deg. Na mlé agu fye di kenen du gsalig agu di kiten du mgalékan agu mimò i nimoan,

Tafite 1:4

Na agu Dyan smulat i sulat ani di fitu lumbuk i dad to faglut glam di bong banwe Asya. Na kayègu Dwata, i tagnè mdà di kagatbuan, kel ani na kel di atuan landè gusenan, na i Mtiu Tulus, na Dyisas Krayst mlé gamu kafye na ktanak nawa. Na i Tulus Dwata, déén kenen di muna Dwata, na nun fitu kfagu kfiten i ktulusan. Na too gsalig i kdee man Dyisas Krayst na kenen i muna mték mdà di fati na magot i kdee dad harì dini di tah tanà ani. Na toon ito kanbong nawa na tafalwaan ito mdà di dad salaito fagu di kfalohan litean di fatin di krus.

Tafite 1:8

Na man Amuito Dwata, “Agu Too Mtulus, agu gutambù i kdee, na agu alò fakay mnge i kdee. Na agu tagnè mdà di kagatbuan kel ani, na kel di atuan landè gusengu.” Ani man Dwata.

Tafite 11:15

Kafnge én, nyuf i gfitu kasaligan i kenen twang. Na di kagyufan dun nun dad mkit mdà di langit, na manla, “I glal magot i klamang banwe di tah tanà i gfun Amuito Dwata na i To Mgalékan, na kenen magot kel di landè sen.”

Tafite 15:3

Na kdeela mlingag i lingag Mosis i lifan Dwata, na i lingag Tingà Bilibili. Na ani manla, “Amumi Dwata Too Mtulus, too mdatah na too gamtikeng i kdee dad nimoam. Ge i too glut Harì di kdee dad to di kdee dad banwe, na too matlu na too glut i kdee dad nimoam.

Tafite 16:14

Na i dad tlu busaw ani mdà ale di ku Satanas, na too dee gamtikeng nimòla. Na salu ale di kdee dad harì di klamang banwe du santifunla i dad sundalula, du fatlagad di bong kasfati di Dwata i Too Mtulus di mabtas duh tamgalékan.

Tafite 16:5

Na lingegu i gman kasaligan Dwata i magot dad yéél, manan, “E Dwata, too ge mtiu, du landè salaam, na tagnè ge mdà di kagatbuan kel ani, na too matlu i kukumam fagu di kfebem dad flayam ani.

Tafite 16:7

Kafnge én, nun lingegu tmimel mdà di gudamsù, manan, “Hae, Amumi Dwata Too Mtulus, too glut na matlu i dad kukumam.”

Tafite 18:8

Taman du ani manan, baling mlal kel di kenen dad kaflayam, i sasè tduk, i bong klidù nawa, na kbitil. Na snakuf kenen kadang di lifoh na mti sakuf, du Amuito Dwata i mukum na mlayam kenen, too mtulus.”

Tafite 19:11

Na kafnge én, teengu i langit malwa, na déén di munagu nun bukay kudà na i dagit i to smakay i kudà ani, dunan Gsalig na Glut, na too matlu i kukuman na keben i kasfati.

Tafite 19:6

Na kafnge én, lêmangu linge i talù gambet talù i bong dee dad to, i unin gambet luk i bong fikong, na uni i bong kilet. Na lingegu i kitla, manla, “Dnayenito Dwata. Du Amuito Dwata Too Mtulus i magot i kdee.