Salmo 10:3 - Blaan Sarangani

³ Hae, du i dad to mimò sasè dagla i dad sasè knayè mnè di lam nawala, na i dad to lom i knun, mnang nawa na knagolla Dwata.

Salmo 10:3 Iomraidhean Croise

Salmo 49:18

Du balù fa too msen nawa satu to di knean di tah tanà ani, na too kenen dag i dademe to du mdà di bong gnaganan,

Salmo 49:6

dunan i dad to smalig di bong filakla, na fdag i bong knunla.

Salmo 5:6

I dad to gal tmulen kéng falmom; toom knang nawa i to mayè mati to na i to mlimbung.

Éksodus 15:9

Na fdag i dad to dmuen gami du manla, ‘E, tnafikmi ale, na kanfèmi ale kadang Na sansalelmi i dad knunla, na i kalbong knayèmi nwè, nwèmi. Nsòmi fais di lumàmi, du nwèmi i kdee nfunla.’ Én i kafdag i dad to dmuen gami.

Dad Fngewe 28:4

I dad to là kmabas i dad flalò, msen ale di dad to sasè, bay ku mimen ale i dad flalò, dmuen ale i dad to sasè.

I Fye Tulen gablà ku Dyisas Krayst i Sulat Luk 12:15

Na man Dyisas di kdee dad to déén, manan, “Too gamu fgeye du fye landè klom nawayu. I klawil na kafye nawa satu to, ise mdà di kalbong knunan.”

I Fye Tulen gablà ku Dyisas Krayst i Sulat Luk 12:19

Na kafnge én, fakaygu man di ktogu, “Tay, kafye kagkahgu nan. Là mti i bong knungu kel di file fali. Tatì agu nan ftud, kmaan, minum, na too flehew!” ’ ”

Roma 1:29

Én alò gafnò i fandamla i kdee bung sasè, mibal ale i knun i demela to, magagyà nimòla, mingà nawala, manò ale, samdal ale, tmulen ale kakakéng, sasè kibòla i demela to, na malsalék ale.

Roma 1:32

Balù tagadèla ku nimòla i dad sasè ani gine, nun flayam Dwata dale landè gusenan, knean fadlug ale di nimòla. Na là alò én, bay too ale lehew ku teenla i demela to mimò salngad i dale nimò.

1 Korintu 6:10

i dad to tmaku, i dad to mibal i knun i demela to, i dad to flangal, i dad to madoy i dad demela to, na dad to mlangong. I kdee dad to ani là gfusuk di banwe Dwata.

Ifisus 5:5

Du i kaglutan, là sa gakuf di kagot Dyisas Krayst na Dwata i dad to mimò sasè knayè i lawehla, i dad to too faldam i sasè knayèla, na dad to lom i knun, du i knayèla ani, én mbaling gumangamfùla.

Kolosas 3:5

Taman dad flanekgu faglut, tooyu tnagak i sasè knayèyu di muna, dunan i kdee sasè knayè i lawehyu, i dad nimò magagsik, i dad sasè nibalyu, i kdee sasè ayèyu, na lom i knun, du i to lom i knun, én mgimoan dwata fnangamfuan.

Dyém 4:13

Fanlingeyu agu gamu i mangman gambet ani, “Duh ani ku demen fayah salu gami di satu syudad, na mnè gami ditù sfali, du sbayad du mngabal bong filak.”

Dyém 4:16

Kabay ani, tabaling gamu fdatah na fdag. Na i kafdag gambet ani slame sasè.

1 Dyan 2:15

Taman nangyu fabtas di nawayu i knèyu dini di tah tanà, ku demen i sasè knayè i banwe. Du ku mabtas di nawayu i knèyu dini di tah tanà là mbong nawayu Dwata.