Ruth 4:10 - Blaan Sarangani

¹⁰ Na gakuf di kbayadgu i tanà én, i libun balu mdà di Moab, dunan Ruth i yaan Malon. Na kenen nimògu yaangu, du fye gfun i dad bel Élimélék, i to tamati, i tanà én kel di atuan, na i dagit Élimélék là glifet i dad belan na i dad to di banwen. Na di duh ani, gamu sa tamite i kdee ani.”

Ruth 4:10 Iomraidhean Croise

Salmo 34:16

Kabay i dad to mimò sasè toon knang, talaan ale fnalê, na di kfatila flifetan i dad to, du fye landè to di tah tanà faldam dale.

Dad Fngewe 18:22

I lagi ku tamite i fye yaan, teenan i kafye, du i kafye teenan tablé Dwata di kenen.

Dad Fngewe 19:14

I to gamfun i gumnè na filak mdà di dad tuan, bay alò Dwata i gmagan mlé kenen i yaan fulung mebe i kton.

Ifisus 5:25

Na gamu dad lagi nun yaan, kanbongyu nawa yaanyu salngad kalbong nawa Dyisas Krayst gito i dad to faglut di kfafatin di krus tlas gito,

Hibru 13:4

I kdeeyu tooyu nafè i kasatlamin. Nang gamu mlafà i yaanyu. Du Dwata toon fanlayam kdee dad to mimò i sasè knayè i lawehla na i dad to mlafà i yaanla.

Ruth 4:9

Kafnge én, man Boas di dad sfalò ulu na di kdee dad to déén, manan, “Na di duh ani, tamite kdeeyu i kbayadgu di ku Naomi i tanà nfun i dad mati dunan Élimélék na dad ngaan Kilyon na Malon.