Roma 4:3 - Blaan Sarangani

³ Na i gugmadeito ani di Tnalù Dwata tafsulatan, manan, “Faglut Abraham di Dwata, na mdà di kafaglutan, man Dwata matlu kenen di kiten.”

Roma 4:3 Iomraidhean Croise

Dyénésis 15:6

Fnaglut Abram Dwata i Amu, na mdà di kafaglutan ani, matlu kenen di kite i Dwata.

Matyu 20:9

“Kakel i dad to tambù mimò mdà di fan sdaf i duh, na banlén kat satu dale i tagnè taden di sduh.

Mark 12:10

Làyu kè gbasa i gman Dwata di Tnaluan? Manan, ‘I batu knang i dad to fdak i gumnè batu, du di dale fandam landè kamu dun, én baling i batu too mabtas di kdee.

Roma 10:11

Nun gman di Tnalù Dwata gablà ku Krayst, manan, “Balù simto faglut di kenen landè gugdanà i nawan.”

Roma 11:2

Là sa knagol Dwata i dad to mgalékan di muna fa. Gadèyu i gman Tnalù Dwata tafsulatan gablà ku Ilaydya, na di ktaluan di Dwata gablà di dad sasè nimò i dademen bel Israél, manan,

Roma 4:11

Silang ftulì Abraham di tafaglut kenen di Dwata. I kaftulian alò ilè tanlifet Dwata salaan, na tagmanan matlu kenen di kiten. Taman Abraham tambaling mà i kdee dad to faglut di Dwata, du balù là ale ftulì matlu ale di kite Dwata, du mdà di kafaglutla di kenen.

Roma 4:5

Kabay i to là smalig di dad nimoan du fye matlu kenen, bay smalig di Dwata, fakay man matlu i to gamsalà mdà di kafaglutan, du én gumdà Dwata man matlu kenen.

Roma 4:9

Nun snalekgu gamu, i kafye i gman Dabid ani gine, alò i dad to ftulì kè i gakuf, na i dad to là ftulì là kè gakuf? Là sa! I gugmadeito gakuf i dad to là ftulì di klifet Dwata i dad salàla, du fagu di klifetan salà Abraham, di laan fa ftulì, du faglut Abraham di Dwata, na mdà di kafaglutan, matlu kenen di kiten.

Roma 9:17

Kabay di Tnalù Dwata nun manan di harì di banwe Idyif, “Én duengu mimò ge harì, du fye mdà di kfisanguge fitegu i kgal tulusgu, du fye mbel i dengeggu di klamang banwe.”

Dyém 2:23

Taman tagdohò i man Tnalù Dwata, manan, “Faglut Abraham di Dwata, na mdà di kafaglutan, matlu kenen di kiten.” Taman i katlo ku Abraham deme Dwata sgalak.

Dyém 4:5

Nangyu fandam landè btas i gman di Tnalù Dwata, manan, “I Tulus Dwata tafnean di nawaito, kayean ku alò di kenen gumléito i ktoito.”