Roma 3:4 - Blaan Sarangani

⁴ Là sa! Du balù ku kdee dad to slame tmulen kakakéng, bay i kdee man Dwata slame glut. Salngad i man Dabid di sulatan gablà di katlu Dwata, manan, “Dwata, too glut i gutadagam dmalam, na too matlu i kukumam.”

Roma 3:4 Iomraidhean Croise

Salmo 100:5

du too fye sa Amuito Dwata; i kakdon landè kgilin kel di landè sen, na gsalig i nimoan di kdee to mdà di muna fa na kel di landè sen.

Salmo 116:11

Mdà di ksamuk i nawagu, gmangu fa, “Landè dad to gsalig.”

Salmo 51:4

Di ge alò i gugamsalàgu, du i mgimògu too sasè di kitem; taman too glut i gutadagam dmalam deg, na too matlu i kdee kukumam.

Matyu 11:19

Na agu, i dnagit Tingà To, salu agu dini na kmaan na minum, na én manla, kun, ‘Neyeyu i to ani, tyan kenen na gal flangal. Na i dademen sgalak, dunan i dad sasè to gal mwè bayad buhis na i dad to gal mlafà i flalò Dwata.’ Én manla, bay i gumiteyu na i nimò satu to mdà di kfulung Dwata, di ulê i nimoan.”

I Fye Tulen gablà ku Dyisas Krayst i Sulat Luk 20:16

Én nimoan, salu ditù na fnatin kdeela, na fagotan di dademe dad to.” Na di kaklinge i dad to ani, glabatla i gumtatekan, na manla, “Tay, fye ku là gdohò ani.”

Dyan 3:33

Kabay ku simto dmawat i manan, fiten fagu di kdawatan kdee man Dwata too glut.

Roma 11:1

Na nun snalekgu, knagol Dwata kè i dad to mgalékan du là ale dee faglut? Là sa! Agu satu bel Israél, na Abraham i gutambulgu, na tambul agu di belan Bénhamin.

Roma 11:11

Na lêmangu snalek, di kagsalà i dad demegu Dyu, knagol ale Dwata kè kel di landè sen? Là sa! Kabay du gamsalà ale, fakay i dad to ise Dyu galwà di kaflayam landè sen, du fye mingà nawala na nun ayèla faglut di ku Krayst.

Roma 3:31

Glut alò ito matlu di kite Dwata fagu di kafaglutito, bay nangyu fandam ku landè gukmamuito i flalò Dwata di gito. Du mdà di kafaglutito di ku Dyisas gaganito mimen i dad flalò Dwata gito.

Roma 6:15

Ku gambet én, tan i fandamyu? Fadlug ito kè mimò salà du tagalwaito di kimen i flalò, na tablé Dwata di gito i kafye? Là sa!

Roma 6:2

Là sa! Du salngad ku tamati ito di salà, taman là ito nan mnè di kgikat i salà.

Roma 7:13

Na tan i gumtatek ani? Ku fye i flalò, mukum deg kè di fati landè sen? Là sa! I salà i mgimògu, én mukum deg di fati landè sen, na fagu di fye flalò gadègu i ksasè klafàgu i flalò.

Roma 7:7

Ku gambet én, tan i fandamyu? I flalò ani gumdà kè dad sasè nimò. Là sa! Kabay tdò i flalò i gugsalàgu, du ku là fnang i flalò i kibalgu i knun i demegu to, làgu gadè sasè i kibalgu.

Roma 9:14

Ku gambet én, tan i fandamyu? Là kè matlu i nimò Dwata ani, du nalékan satu na là i satu? Matlu sa!

1 Korintu 6:15

Tagadèyu i lawehito ani, i mgimò laweh Krayst Dyisas, du tamasasatu ito di kenen. Taman du i lawehgu gakuf di laweh Krayst, fakaygu kè sansatu i lawehgu ani di satu libun mkat lagi? Làgu fakay nimò ani.

2 Korintu 1:18

Kabay deg mahal. Du too glut dnohò Dwata ku tan i fakangan, na salngad agu kenen, du dnohògu ku tan i fakanggu.

Galasya 2:17

“Na én kayèmi gami dad Dyu ku matlu gami di kite Dwata, fagu di kafaglutmi di ku Dyisas Krayst, taman di kafaglutmi, glabatmi gamsalà gami salngad i dad to ise Dyu. Na ku glut, fakay kè man gamsalà gami du mdà di ayè Krayst? Là, là sa fakay.

Galasya 2:21

Na là agu kmagol i kafye Dwata i tagdawatgu. Du ku mdà di kimen i flalò, mbaling matlu i satu to di kite Dwata, landè gukmamu i kfati Krayst.”

Galasya 6:14

Kabay deg, landè dademe daggu, alò i krus gumati Amuito Dyisas Krayst, du fagu di kfatin di krus gambet mati agu gagin kenen, taman talà agu mgikat di kdee sasè knayè i banwe, na i sasè knayè i banwe talà mebe deg.

1 Timoti 3:16

Too glut, landè fakay fkéng ku tan kdatah i kaglut tafgadè Dwata di gito dunan: Dyisas fbaling kenen to, tafite i Tulus Dwata glut kenen too tlu, teen kenen i dad kasaligan Dwata, nun tamdò gablà di kenen di dad to di dad banwe, nun faglut di kenen di tah tanà ani, na nket kenen ditù di banwe Dwata di langit.

Titus 1:2

Du én gumdà i kafden i nawa landè sen, i fala fakang Dwata gito di là fa mimò i kdee, du Dwata là tmulen kakakéng.

Hibru 6:18

I fakang Dwata na safaan là sa mgili, du Dwata là sa gamtulen kakakéng. Taman gito dad tasalu di Dwata, du flidung ito di kenen, tatoo nun ayè nawaito tmayud fatan i kdee fye tafakangan di gito.

1 Dyan 5:10

Ku simto too faglut Dyisas Tingà Dwata, tatoon gadè di nawan i kaglut. Kabay simto i là faglut i man Dwata gablà di Tingaan, tafankéngan Dwata, du laan faglut i fgadè Dwata gablà di Tingaan.

1 Dyan 5:20

Na gadeito Dyisas Tingà Dwata fbaling to dini di tah tanà, du faglabatan gito du fye gadeito i too glut Dwata. Taman ani, sasatu ito di Dwata na di ku Dyisas Krayst Tingaan. Kenen sa i too glut Dwata na gumdà nawa landè sen.

Tafite 3:7

Na lêman man Dyisas di deg, “Ani sulatam di kasaligan Dwata mifat i dad to faglut di banwe Filadélfya. Manam di dad to faglut, ‘Nun man i to landè salà, na too gsalig, na too nun glal di kagotan gambet i kagot Harì Dabid, hae, du ku lanwan i takab, du fye fafusukan i to di kagotan, landè to gmagan tmakab dun. Kabay ku tnakaban landè gmagan lamwa dun.