Matyu 9:4 - Blaan Sarangani

⁴ Kabay gadè Dyisas i kdee mnè di fandamla, na manan di dale, “Kan ku sasè i fandamyu?

Matyu 9:4 Iomraidhean Croise

Salmo 139:2

Gadeam i kdee nimògu, ku sudeng agu ku demen tadag; gadeam kdee fandamgu balù too ge mawag.

Matyu 12:25

Na gadè Dyisas i fandamla, taman manan dale, “Ku fkahta di kagot i satu harì ku sunay ale i dad ton, malmo baling i kagotan dale. Salngad ku fkahta di satu syudad ku demen di satu malay ku sfati slame ale, malmo baling i ksasatula.

Mark 12:15

Nun kaglutmi mayad dun ku demen landè?” Kabay gadè Dyisas alò flingu mimò fye i dad to ani, na kayèla kamfè kenen, taman snalekan ale, “Kan ku tilewyu agu fnawel? Nebeyu deg satu filak galyu bayad buhis du neyegu.”

Mark 2:8

Kabay gadè Dyisas i kdee mnè di nawala, na manan di dale, “Kan ku én fandamyu làgu gagan mimò dun?

I Fye Tulen gablà ku Dyisas Krayst i Sulat Luk 11:17

Na gadè Dyisas i fandamla, na manan di dale, “Ku fkahta di kagot i satu harì, ku sunay ale i dad ton, malmo baling i kagotan dale. Salngad ku fkahta di satu malay ku sfati slame ale, malmo baling i ksasatula.

I Fye Tulen gablà ku Dyisas Krayst i Sulat Luk 5:22

Kabay gadè Dyisas i mnè di fandamla, na manan di dale, “Kan ku én i fandamyu làgu gagan mimò dun?

I Fye Tulen gablà ku Dyisas Krayst i Sulat Luk 6:8

Kabay gadè Dyisas i mnè di fandamla, taman manan di to kengkeng i kmalan, “Tadag ge di muna i kdee dad to ani.” Na tadag kenen di munala.

I Fye Tulen gablà ku Dyisas Krayst i Sulat Luk 7:40

Kabay man Dyisas di Farisi, manan, “Simon, nun mangu di ge.” Na man i Farisi, “Hae, To Tamdò, manam sa.”

Dyan 16:19

Na tagadè Dyisas mayè ale smalek di kenen, taman manan di dale, “Snalekyu kè gablà di gmangu, ‘Là mlo ani, talàyu agu teen, bay là mlo lêman, lêmanyu agu teen?’

Dyan 16:30

Na tagadèmi nan, gadeam i kdee balù i mnè di fandam i dad to. Taman balù là gami smalek du tafalam gadè i fandammi. Én gumdàmi faglut, mdà ge di Dwata.”

Dyan 21:17

Na lêman smalek Dyisas di gatlun dulê, “Simon, tingà Dyan, glut bong nawam deg?” Na too mlidù Fiter, du tatlu dulê smalek Dyisas ku too bong nawan kenen. Taman man Fiter di ku Dyisas, “E Amu, gadeam sa kdee, na gadeam sa bong nawagu ge.” Na man Dyisas di kenen, “Toom nifat dad bilibiligu.

Dyan 6:61

Balù landè tmulen, gadè Dyisas too nugak i dad mlalò kenen i tdoan gine, taman manan di dale, “Ani kè gumdàyu tmagak i klalòyu deg?

Dyan 6:64

Kabay nun dademe di gamu là faglut di deg.” Man Dyisas ani du mdà di kagatbuan tagnean gadè ku simto dad là faglut di kenen, na ku simto i fan mangkal kenen di fati.

Dad Nimò 5:9

Taman man Fiter di kenen, manan, “Kan ku sansatuyu i nawayu du fye tnilewyu i Tulus Dwata? Neyem, i dad lagi lambang i yaanam gine tadéén di takab ani, du lêla ge santiang.”

Tafite 2:23

Na fafatigu i dad mlalò kenen, du fye gadè i kdee dad to faglut di sahal banwe agu i gmadè ku tan i mnè di fandam na nawa i dad to, na agu kadang malas i dad mgimòla balù fye demen sasè.