Matyu 8:20 - Blaan Sarangani

²⁰ Na man Dyisas di kenen, “Fandamam i kalima di klalò deg, du i dad tuyun, nun ilib gumulêla, na dad anuk di bnas, nun fulalla, bay deg, i dnagit Tingà To, balù gumilègu, landè.”

Matyu 8:20 Iomraidhean Croise

Salmo 104:12

Di dad kayu mdadong déén gusmalal i dad anuk di bnas; talù ale déén di dad fangala.

Salmo 104:17

Ditù gusmalal i dad anuk di bnas, na balù i dad malbang anuk di dlag smalal di dad kayu mguu.

Salmo 40:17

Kabay deg, landè galgu na landè gumwègu di klandègu, bay i Amugu Dwata, là mlifet deg. Dwatagu, ge alò i tmabeng deg na falwà deg mdà di sasè kagkahgu; begam agu gasil tnabeng.

Salmo 84:3

Amugu Dwata, gumdatah i kdee di tah langit na tanà, balù dad malnak anuk di bnas, nimòla i salalla ditù di gudamsù di ge, na dad kalsidaw, ditù gumifatla dad ngàla di gumneam, harìgu na Dwatagu.

Matyu 12:32

I to talù sasè gablà di deg, i dnagit Tingà To, fakay nlifet, bay i to talù sasè gablà di Mtiu Tulus là maglifet salaan balù duh ani na kel di landè sen.”

Matyu 12:40

Tlu duh na tlu butang klon di lam tien i bong nalaf na salngad én mkel di deg i dnagit Tingà To, du tlu duh na tlu butang mnè agu kadang di lam i tanà.

Matyu 12:8

du agu, i dnagit Tingà To, i nun glal mangman i fakay nimò di Duh Kaftud.”

Matyu 13:37

Na tmimel Dyisas, manan, “I to smabul i fye bnê dunan agu, i dnagit Tingà To.

Matyu 16:13

Na salu ale Dyisas di dad malnak banwe mdadong di lunsud Sisariya Filifos, na ditù gusmalekan dad gal mlalò kenen, manan, “Tan man i dad to gablà di deg i dnagit Tingà To? Simto agu kun?”

Matyu 16:27

Du là mlo i kasfulêgu, agu i dnagit Tingà To, magin i bong kdatah Màgu, na dad kasaliganan. Na di duh én bnalasgu i kdee tamgimò kat satu to.

Matyu 17:9

Na di kasolla mdà di bulul too ale nfang Dyisas, manan, “Nangyu tulen di balù simto i tateenyu ditù gine. Silangyu tulen ku tamték agu, i dnagit Tingà To, mdà di fati.”

Matyu 19:28

Na man Dyisas di dale, manan, “Tulengu gamu i kaglutan, di bang kadang ku tafnalami Dwata i kdee, sudeng agu, i dnagit Tingà To, di gusudeng i gumdatah. Na di bang én, gamu dad gal mlalò deg nun sfalò lwe gusudengyu mukum, na mukum gamu i dad to mdà di sfalò lwe lumbuk bel Israél.

Mark 8:38

Na sadni too dee dad to too gamsalà na knangla Dwata. Na i to gbol di dale i myà mfun deg ku demen tdògu, kyàgu kenen kadang, agu dnagit Tingà To, di kasfulêgu magin bong kdatah Màgu na magin dad kasaligan too mtiu.”

I Fye Tulen gablà ku Dyisas Krayst i Sulat Luk 12:8

Man Dyisas, “Tulengu gamu, balù simto mfun deg di muna i dad to, nfun i dnagit Tingà To di muna i dad kasaligan Dwata.

I Fye Tulen gablà ku Dyisas Krayst i Sulat Luk 18:8

Tulengu gamu, toon faflal msen dale. Kabay knean, kadang di kasfulêgu di tah tanà ani, file nan alò i dad to smalig di deg, agu i dnagit Tingà To?”

I Fye Tulen gablà ku Dyisas Krayst i Sulat Luk 2:12

Na teenyu kenen nlabéd i safut na filè di gal gufkaan i lmanaf. Na ani ilè gugmadèyu dunan kenen.”

I Fye Tulen gablà ku Dyisas Krayst i Sulat Luk 2:16

Taman gasil ale mdà salu ditù. Na di kakella, teenla Méri na Dyosif, na i tingà milè di gufkaan i dad lmanaf.

I Fye Tulen gablà ku Dyisas Krayst i Sulat Luk 2:7

Na sut i tnanin tingaan, na lagi. Nlabédan safut laweh i tingaan, na began filè di gal gufkaan i dad lmanaf, du là ale sfayu di gumnè gal gumilè i dad to magu.

I Fye Tulen gablà ku Dyisas Krayst i Sulat Luk 21:36

Taman nang gamu tlag fgeye, na fadlug dmasal fye banlé gamu Dwata gnaganyu di kgaguyu dad kaflayam, du fye là gamu myà di ktadagyu di munagu, agu i dnagit Tingà To.”

I Fye Tulen gablà ku Dyisas Krayst i Sulat Luk 8:3

Na satu, dunan Dyoana, i yaan i mdatah salig di bong gumnè Harì Hérod dnagit Kusa, na satu, Susana, na dee fa dademe. Ani i dad libun tmabeng dale Dyisas fagu di dad knunla.

I Fye Tulen gablà ku Dyisas Krayst i Sulat Luk 9:58

Na man Dyisas di kenen, “I dad tuyun, nun ilib gumulêla, na dad anuk di bnas, nun fulalla, bay agu, i dnagit Tingà To, balù gumilègu, landè.”

Dyan 1:51

Na manan fa di kenen, “Tulengu gamu i kaglutan, teenyu kadang kgukà i langit na i dad kasaligan Dwata myak na mnaul di deg, i dnagit Tingà To.”

Dyan 12:34

Na tmimel i dad to, manla, “Tanun gatdò di gami mdà di Tnalù Dwata na Krayst i Mgalék Dwata mto kel di landè sen. Na kan ku manam, nket i dnagit Tingà To di krus! Simto kè i Tingà To manam ani?”

Dyan 13:31

Na di kalwà Dyudas, man Dyisas, “Ani i bang kfite i kdatahgu, agu i dnagit Tingà To. Na lê fite Dwata i kdatahan fagu di deg.

Dyan 3:13

Landè to lmen salu di langit galwà di deg, i dnagit Tingà To, du én gumdàgu.

Dyan 3:14

“Di muna fa, nimò Mosis i ulad tabaga na tlawéngan di kayu, na nketan fdatah déén di banwe landè to mnè déén fye mgulê i dad to meye dun. Na là fakay ku là salngad én mgimò kadang di deg, i dnagit Tingà To, du fatlawéngla agu di kayu, na nketla fdatah,

Dyan 6:27

Nang gamu faflayam mngabal i knaan di tah tanà lumak malmo, bay én gufaflayamyu mngabal i knaan gumdà nawa landè sen. Na agu, i dnagit Tingà To, i mlé dun di gamu, du tanun ilè di deg na agu i mgalék Dwata Mà mimò dun.”

Dyan 6:53

Na man Dyisas, “Tulengu gamu i kaglutan, ku làyu knaan i laweh i dnagit Tingà To, na làyu ninum i litean, landè falami nawayu.

Dyan 6:62

Ku én fandamyu, tan i fandamyu ku teenyu agu, i dnagit Tingà To, magket samfulê di gumdàgu di langit?

Dad Nimò 7:56

Na manan, “Neyeyu, teengu tamalwa i langit na i dnagit Tingà To tadag di kwanan Dwata.”

2 Korintu 8:9

Na tagadeito gablà di bong kafye Amuito Dyisas Krayst. Du balù i kdee nfunan ditù di tah langit, knean mbaling kenen to landè, duenan gito du fye fagu di mgimoan ani, mbaling ito dad to nun.