Matyu 7:6 - Blaan Sarangani

⁶ “Na di ktulenyu i kaglut Dwata, ku nun to là mayè flinge nangyu fadlug tulen di dale. Hae, nangyu blé di dad ayem i nfun Dwata du kenla gamu baling nakét. Na nangyu bat di dad sdè dad too mabtas du balingla sa sandà.

Matyu 7:6 Iomraidhean Croise

Dad Fngewe 11:22

Balù tan kafye baweh i libun, bay ku landè kaglabatan i fye nimò, salngad kenen i tising blawen di ilung sdè.

Dad Fngewe 23:9

Là knabas i to là fulung faldam i kabtas i gmanam di kenen, taman nang ge tamdò kenen.

Dad Fngewe 26:11

I to là fulung faldam samfulê di kulang nimoan, salngad i ayem balù i utaan sanfuléan knaan.

Dad Fngewe 26:4

Ku tnimelam i salek i to là fulung faldam fagu di klandè ldam, baling ge là fulung faldam.

Matyu 15:26

Na tmimel Dyisas fagu di fléd, manan, “Là fakay nwè i knaan i dad ngà na blé di dad ayem.”

Matyu 24:10

Na di bang én, nun dee to kmagol i kafaglutla di deg, na baling ale sangkal na snang nawa.

Matyu 7:5

Tay, tatì ge flingu fye to, funam nwè i bong bateng di ge mata, du fye, fye kitem di kweam fuling di mata i demem to.

2 Korintu 11:26

Na di dee kagugu nun kaflayamgu mdà di bong dunuk, mdà di dad to mlaab deg du tmaku, mdà di dademegu Dyu, na mdà di dad to ise Dyu. Na nun kaflayam i gnagugu ditù di dad syudad, ditù di dad bulul, na ditù di tah mahin. Na nun fa kaflayamgu mdà di dad to flingu ale i flanekgu di kafaglut ku Dyisas.

Filifos 3:2

Too gamu fgeye di dad to dmuen Dwata, du salngad ldamla di dad lmanaf too mimò sasè, du nlegesla gamu ftulì.

Hibru 10:29

Na du glut ani, matnù fa i kaflayam i to ku knangan Tingà Dwata, na landè btas di kenen i litè Krayst i gamgalob i dad salaan, balù i litean i falami dalan salu di Dwata, na i madoy i Tulus Dwata i mlé kafye.

Hibru 6:6

bay ku knagolla kdee ani, talandè kibòla msal na samfulê lêman di Dwata, du fagu di knangla Tingà Dwata, sadi nlangsangla kenen lêman di krus, na tnamfulàla kenen di muna i dad to.

2 Fiter 2:22

I kasfulê dad to én di muna sasè nimòla, kagdohò i fléd gman, “I ayem, sanfuléan knaan i utaan,” na, “I sdè kafnge danyo lêmanan flulid di fitak.”

Tafite 22:15

Kabay di lwà i dad to mimò magagyà nimò, i dad to stulen di dad sasè tulus na mimò dad gamtikeng fagu di dale, i dad to mimen i sasè knayè i lawehla, i dad to manò, i dad to gal mangamfù di ku Satanas i busaw, na i dad to too mayè tmulen kéng. Kdee dad to ani là ale fakay gfusuk di syudad Dwata.”