Matyu 5:5 - Blaan Sarangani

⁵ Nun kafye i dad to fdanà i ktola, du gdawatla i tafakang Dwata di dale.

Matyu 5:5 Iomraidhean Croise

Salmo 22:26

Na di duh én, i dad to landè, gamkaan ale gusen i nawala; na i dad to fdadong di Amuito Dwata, dnayenla kenen. Kayègu ku banlé gamu Dwata fye knè landè gusenan.

Salmo 37:11

Kabay dad to nun kafdanà nawala i baling mfun kadang i banwe, na too nun klehewla na ktanak nawala di fye knèla ditù.

Salmo 37:22

Du dad to gumlé Dwata i kafye, dale gamfun i banwe fakang Dwata dale; bay i dad to knangan nawa, falwaan ale di banwe én.

Salmo 37:29

Gfun i dad to matlu i banwe fakang Dwata dale, na én i gumnèla kel di landè sen.

Salmo 37:34

Smalig gamu di Amuito Dwata di kfatanyu kenen, na nimenyu i dad flaloan; na toon gamu fdatah fagu di kablén gamu i banwe fakangan di gamu, na teenyu kadang i kalmo dad to sasè.

Salmo 37:9

Ani gmangu du nun duh kadang maklang i nimò dad to sasè, bay i dad to smalig di Amuito Dwata gfunla i banwe fakangan dale.

Matyu 11:29

Nimenyu i tdògu na ganbetyu agu, na nun sa kaftudyu du too nun kakdogu na kafdanà i ktogu.

Matyu 21:5

“Fgadeam dad to di Sion, manam, ‘Neyeyu, du fan kel di gamu i Harìyu. Fdanaan i kton na smakay kenen di dongki, tingà dongki i snakayan.’ ”

Roma 4:13

Na di muna fa, di kfakang Dwata di ku Abraham na di dad belan ale mfun klamang banwe, fakangan ise mdà di kimen Abraham i flalò, bay du faglut kenen di Dwata na mdà di kafaglutan, man Dwata matlu kenen di kiten.

Galasya 5:23

fdanàla i ktola di demela to, na gadnanla i ktola. Na balù tan flalò là dmuen i kdee ani gine.

Ifisus 4:2

Tooyu fdanà i ktoyu, na fnafyeyu i nimòyu, na fantahàyu i nawayu di dad demeyu to mdà di kakdoyu.

Kolosas 3:12

Na gamu sa i nalék Dwata mbaling dad ton, na kanbongan gamu nawa. Taman too gamu sakdo, nimòyu fye di demeyu to, safdanà, safè, na fantahàyu nawayu di kat satu gamu.

1 Timoti 6:11

Kabay ge Timoti, du nfun ge Dwata, fawag ge di kdee én. Too ge fadlug mimò i matlu nimò, too ge mlalò Dwata, too ge smalig di kenen, too ge kamdo i demem to, too ge tmayud di kdee kel di ge, na toom fantahà i nawam di kdee dad to.

2 Timoti 2:25

na fganag mngewe i dad to dmuen i kaglut. Hae, du ken Dwata tamdel nawala fye mguman i fandamla na dmilè i kaglut.

Titus 3:2

Na nang ale talù sasè gablà di balù simto, na nang fakuf di kasbulaw, bay toola fanduf na fanse i kdee dad to, na fitela kafèla di dale.

Dyém 1:21

Taman tnagakyu kdee magagyà nimò i knalamyu na dad sasè nimò. Na fdanàyu ktoyu di Dwata, na dnawatyu Tnaluan i fulen di nawayu, du ani gmagan falwà gamu di dad salàyu.

Dyém 3:13

Ku nun di gamu fulung faldam na nun kaglabatan, fye ku fiten fagu di fye keben i kton, na di fye nimoan i mdà di kafdanaan i kton na kfulungan.

1 Fiter 3:15

Kabay nafèyu Krayst mdà di nawayu, du kenen sa Amuyu. Na fatlagadyu i fandamyu tmimel dad to smalek gamu gablà di kafaglutyu di kenen.

1 Fiter 3:4

Du én baling gumdà kafye baweh i libun, dunan i kafye mnè di lam nawan, fye ldam, na ktanak nawa, du ani too mabtas di kite Dwata. Ani too glut kafye baweh landè gufwaan.