Matyu 5:3 - Blaan Sarangani

³ “Nun kafye i dad to dmilè là ale gmagan mlalò Dwata ku ise mdà di tabengan, du gakuf ale di kagotan.

Matyu 5:3 Iomraidhean Croise

Salmo 1:1

Too nun kafye di to là magin di flau dad to sasè, na là sgalak di dad to gamsalà, na là makuf di kadoy i dad to landè gukmamula Dwata.

Salmo 2:12

Tooyu fdanà i ktoyu di kenen du fye laan gamu kalbut, na fye laan gamu fles fnati; du ken mlal kel di gamu i kalbutan. Kabay i dad to fdadong di kenen, du kenen i guflidungla too nun kafyela.

Salmo 34:18

Tnabengan i dad to malbà i nawala, na i dad to too mlidù mdà di salàla falwaan.

Salmo 51:17

Kabay én dsù i toom knayè i kablégu ge i ksal too mdà di nawagu; laam knagol i to malbà i nawan, i to nun klidù nawan mdà di salaan.

Salmo 84:12

E Amugu Dwata, gumdatah i kdee di tah langit na tanà, too nun kafye i to smalig di ge.

Dad Fngewe 16:19

Fye fa i to ku fdanaan i nawan na fadlug di klandean, di gakuf kenen di dad to fdatah na nun alelan di dad tnakula.

Dad Fngewe 29:23

I to fdatah i kton mdanà sa kadang di satu duh, bay i to fdanà i kton, mdatah sa kadang di satu duh.

Dad Fngewe 8:32

Taman dad ngàgu, fanlingeyu agu, nun klehewyu ku nimòyu i gmangu di gamu.

Matyu 11:25

Na di bang én dmasal Dyisas, manan, “E Mà, Amu magot i langit na tanà, mlé agu fye di ge du i bunim di dad to too fulung na i dad to mdatah gnadè, tafitem di dad to mdanà salngad i dad malnak ngà.

Matyu 11:6

Na manyu di ku Dyan, too nun kafye di dad to ku là lwe nawala di kafaglutla di deg.”

Matyu 13:16

“Kabay gamu dad gal mlalò deg, too nun kafye gdawatyu du too mite i dad matayu, na mlinge i dad klingeyu.

Matyu 19:14

Kabay man Dyisas, “Falohyu dad ngà salu di deg, na nangyu ale fnang, du ku simto to nun ksalig salngad i dad ngà ani, gakuf ale di kagot Dwata.”

Matyu 24:46

Too nun kafye i salig di kakel i amun ku teenan kenen mimò i fimò kenen.

Matyu 25:34

“Kafnge én, agu, i Harì, talù agu di dad to gsen di kwanangu, mangu, ‘Gamu, dad gamdawat i kafye màgu, salu gamu dini di deg, na dnawatyu i kagot tagaan gamu mdà di kgimò i banwe.

Matyu 3:2

Na manan, “Msal gamu na tnagakyu dad sasè nimòyu, du tamdadong i kagot Dwata.”

Matyu 8:11

Na ani mangu gamu, kadang di fulé duh, nun dee dad to ise Dyu kel mdà di klamang banwe, mdà di gusut i duh na di gusdafan, na kmaan ale di saféd ale Abraham, Isaak, na Dyékob di kagot Dwata di langit.

Mark 10:14

Kabay di kite Dyisas nimòla, kalbutan dad gal mlalò kenen, na manan di dale, “Falohyu dad ngà salu di deg na nangyu ale fnang, du ku simto nun ksalig salngad dad ngà ani, gakuf ale di kagot Dwata.

I Fye Tulen gablà ku Dyisas Krayst i Sulat Luk 11:28

Kabay tmimel Dyisas, manan, “Kabay too nun kafye i dad to flinge Tnalù Dwata na mimen dun.”

I Fye Tulen gablà ku Dyisas Krayst i Sulat Luk 18:14

“Na tulengu gamu i kaglutan, di kulê i to msal ani, matlu kenen di kite Dwata, bay i satu, là, du balù simto to fdatah i kton, fdanà sa kadang, na balù simto to fdanà i kton, fdatah sa kadang.”

I Fye Tulen gablà ku Dyisas Krayst i Sulat Luk 22:29

na i Màgu, banlén agu glal magot, na salngad én, banléta gamu glal magot,

I Fye Tulen gablà ku Dyisas Krayst i Sulat Luk 22:30

du fye kmaan gamu na minum gamu di safédgu kadang di kagotgu, na sudeng gamu di gusudeng i dad ganlal du nukumyu dad bel i sfalò lwe dad ngà Israél.”

I Fye Tulen gablà ku Dyisas Krayst i Sulat Luk 4:18

“I Tulus Dwata mnè di deg, du tanalékan agu tmulen i Fye Tulen mdà di Dwata di dad to landè. Tadekan agu dini, du fye tmulen gablà di kagalwà i dad to gakfè, na fgulê i dad to butè, na falwà i dad to fanlayam i dademe,

Dyan 20:29

Na man Dyisas di kenen, “I duenam faglut du tateenam agu. Nun kafye dad to faglut di deg balù làla agu teen.”

Dyém 1:10

na i flanekyu di kafaglut i nun bong knunan, fye ku flehew kenen di kafdanà Dwata kenen, du i to nun knun mati salngad di bulek di bnas,

Dyém 1:12

Nun kafye di to tmayud di dad tilew kel di kenen, du ku gamtayud nun untung gdawatan, dunan nawa landè sen fakang Dwata di dad to mbong nawa kenen.

Dyém 2:5

Kabay dad flanekgu kanbonggu nawa, fanlingeyu agu. Là kè glut na i dad to landè di tah tanà i dad mgalék Dwata, du fye nun too glut knunla, dunan i bong kafaglutla di kenen? Na laan ale kè nalék, du fakufan ale di kagotan di fulé duh i fakangan di to mbong nawa kenen? Hae, too glut ani.

Tafite 19:9

Na man i kasaligan Dwata di deg, “Sulatam ani. ‘Too nun kafye di dad to nlak di kasdeme i Tingà Bilibili.’ ” Na lêman manan di deg, “I mangu ani, too glut tnalù Dwata.”

Tafite 22:14

“Na nun kafye di dad to mfuk i klawehla, dunan dad to mlaneb mdà di dad salàla, du nun alella di bunge kayu gamlé falami nawa na fakay ale fusuk di gufusuk di syudad Dwata.

Tafite 3:17

Na galyu man, nun bong knunyu, na landè sa gukulangyu, bay làyu gadè i kaglutan, too sasè i kagkahyu, na magakdo gamu, du mbaling gamu dad to landè, na butè i fandamyu, na sadi gamu flaweh.