Matyu 5:25 - Blaan Sarangani

²⁵ “Na ku nun to fsalà ge na neben ge di usay fye ku funa gamu stulen alò gamu du fye gasil sulê di gusafyeyu di là gamu fa gafat di ganlal, du ku takel ge ditù, ken blén ge di to mukum du kenen gmadè ku tan kiboan ge. Na i to mukum blén ge di dad fulis na i fulis fbilanggù ge.

Matyu 5:25 Iomraidhean Croise

Salmo 32:6

Na én duenan fye ku kdee tom dmasal di ge di là fa kel i samuk, du fye balù fan nkel ale i bong kaflayam gambet i bong dunuk laan gafles di dale.

Dad Fngewe 25:8

Nang ge flal tmulen di gususay, balù nun teenam, du ken là glut, du ken nun dademe to tmulen na là salngad i ktulenyu, du ku là salngad, landè kiboam ku fyàla ge.

Matyu 26:58

Na mlalò Fiter kel di nasel i bong gumnè i gumdatah i dad bà di Dwata, bay fawag di fulé. Kakelan déén fusuk kenen na fasbool sudeng di saféd i dad to munung du fye gadean i mkel di ku Dyisas.

I Fye Tulen gablà ku Dyisas Krayst i Sulat Luk 18:3

Na nun satu libun balu déén gal salu di kenen du fakdo, manan, ‘Nsenam agu di kasfalami i to dmuen deg.’

2 Korintu 6:2

Flinge gamu i tagman Dwata di Tnaluan, manan, “Di bang i kayègu, tnimelgu i dasalyu, di kakel i duh i kafalwàgu gamu, tnabenggu gamu.” Na ani mangu di gamu, takel i bang mayè Dwata tmabeng gamu, na ani i duh falwaan gamu mdà di kaflayam landè gusenan.

Hibru 12:17

Na gafaldamyu, là mlo kayean dnawat i kafye gablé di twege moon bay là kenen banlé, du landè dalanan mawì i tamgimoan balù fa tatì kamwak di ksalan.

Hibru 3:13

Kabay ani, du fye landè di gamu mafgaw i salà na mbaling mgal ulu, i balingyu nimò, satgal gamu nawa klit i duh di nun gdè bangyu mlinge i talù Dwata.

Hibru 3:7

Na taman too ito mimen i fngewe i Mtiu Tulus fsulatan, manan, “E gamu, toogu fanlinge i man Dwata di gamu di duh ani,