Matyu 4:12 - Blaan Sarangani

¹² Na di kaklinge Dyisas tabnilanggùla Dyan Gal Munyag, samfulê kenen di banwe Galili.

Matyu 4:12 Iomraidhean Croise

Matyu 11:2

Na Dyan Gal Munyag, tabnilanggù kenen, na di kaklingen gablà di dad mgimò Krayst dekan dademe dad gal mlalò kenen di ku Dyisas,

Matyu 14:3

Ani manan, du tafakfean Dyan, na fbakusan na fbilangguan du mdà di ku Hérodiyas, yaan i flanekan Filif.

Mark 1:14

Kafnge én, di kaglam Dyan di bilanggù samfulê Dyisas di banwe Galili du samtulen i Fye Tulen mdà di Dwata.

Mark 6:17

Ani manan, du tafakfean Dyan, na fbakusan, na fbilangguan, du mdà di ku Hérodiyas, yaan flanekan Filif, du balù yaan flanekan nwean.

I Fye Tulen gablà ku Dyisas Krayst i Sulat Luk 23:5

Kabay baling matnù i kdalamla ku Dyisas, manla, “Mlét kenen nawa i dad to di klamang Dyudiya fagu di katdoan. Tambù kenen di Galili na tagafat nan di Dyérusalém ani.”

I Fye Tulen gablà ku Dyisas Krayst i Sulat Luk 3:20

Na tananuan i sasè nimoan du fbilangguan Dyan.

I Fye Tulen gablà ku Dyisas Krayst i Sulat Luk 4:14

Kafnge én, mulê Dyisas di Galili, na mnè di kenen gnagan i Mtiu Tulus. Na mbel i dad santulen gablà di kenen di klamang banwe.

I Fye Tulen gablà ku Dyisas Krayst i Sulat Luk 4:31

Kafnge én, salu Dyisas di Kafernaum, satu lunsud di banwe Galili, na kakel i Duh Kaftud tamdò kenen i dad to.

Dyan 1:43

Di tmadol duh, fandam Dyisas salu kenen di banwe Galili, taman di kiten ku Filif, manan, “Magin ge deg!”

Dyan 2:11

I nimò Dyisas ani di banwe Kana déén di Galili i tnanin tnikeng mgimoan. Na ani kfagun fite i bong kdatahan, na i dad mlalò kenen faglut ale di kenen.

Dyan 3:24

du di bang én, là fa bnilanggù Dyan.

Dyan 4:43

Na kafnge i lwe butang, mdà ale Dyisas salu di banwe Galili.

Dyan 4:54

Na ani i galwe tnikeng mgimò Dyisas kafngen tmagak i banwe Dyudiya salu di Galili.