Matyu 26:40 - Blaan Sarangani

⁴⁰ Kafngen dmasal, samfulê kenen di dad gal mlalò kenen faginan gine, na teenan ale kudang. Na snalekan Fiter, manan, “Là ge kè gamtayud fgeye dmeme deg balù là mlo alò?

Matyu 26:40 Iomraidhean Croise

Matyu 25:5

Na du léét kel i lagi sandeme snitongla, taman kdeela malkudang na fles ale kudang.

Matyu 26:35

Kabay man Fiter, “Balù ku mati agu magin ge, là agu tmulen kéng i là agu dmilè ge.” Na salngad i man kdee dad gal mlalò ku Dyisas.

Matyu 26:38

Na manan di tlu magin kenen, “I klidù nawagu ani too blat gambet tafan agu mati. Mnè gamu dini, na too gamu fgeye dmeme deg.”

Matyu 26:41

Too gamu fgeye na dmasal fye là gamu fisan di tilew, du balù mayè i nawayu mimò fye, bay nun klungay i lawehyu mimò dun.”

Matyu 26:43

Na lêman kenen samfulê na lêmanan ale teen gkudang du too ale malkudang.

Mark 14:37

Kafngen dmasal, samfulê kenen di tlu gal mlalò kenen faginan gine, na teenan ale kudang. Na snalekan Fiter, manan, “Simon, takudang ge kadì? Là ge kè gamtayud fgeye balù là mlo alò?

I Fye Tulen gablà ku Dyisas Krayst i Sulat Luk 22:45

Di ktadagan kafngen dmasal, samfulê kenen di dad gal mlalò kenen faginan gine, na teenan ale kudang, du too ale mlungay mdà di bong klidùla.

I Fye Tulen gablà ku Dyisas Krayst i Sulat Luk 9:32

Kabay di slà ani kudang ale Fiter. Na di kukatla teenla i bong kneng Dyisas na i lwe to tadag di safédan.