Matyu 25:17 - Blaan Sarangani

¹⁷ Na salngad én kibò i to fagotan lwe libu filak, na i uléan lwe libu filak.

Matyu 25:17 Iomraidhean Croise

Ifisus 5:16

Tooyu neye i kibòyu mimò fye, du di bang ani too sasè nimò i dad to.

1 Fiter 4:10

Kat satu gamu, faguyu i dad sahal gnagan gablé Dwata di gamu, di ktabengyu demeyu dad to, na fiteyu di dale i dad dee bung kafye gablé Dwata.

1 Timoti 5:10

na ku tooyu dilè i fye nimoan di fye keben i dad ngaan, kdawatan i dad to tlang, kaloban i dad blì i dad to faglut, ktabengan i dad to mnè di kalima, na di kalgadan mimò dee dad fye nimò.

Kolosas 4:17

Na tooyu tnulen Arkifus, began fannge i nimò blé Amuito Krayst kenen.

2 Korintu 8:12

Du ku nun ayèyu mlé i gaganyu blé, ani dnawat Dwata, du laan fni di gito i laito gagan blé, bay balingan fni i gaganito blé di kenen.

Dad Nimò 10:2

Na Kornilyus ani, na balù i dad to satnù di gumnean, too faglut na too mafè Dwata. Na bong ktabengan i dad to landè, na too kenen gal dmasal di Dwata.

Dyénésis 18:19

Tamgalékgu Abraham, du fye tdoan i dad ngaan na i dad belan kibòla mimen deg, fagu di kimòla fye na matlu. Na ku én nimòla, dnohògu i kdee fakanggu di kenen.”

Matyu 25:16

I salig fagotan i lime libu gasil mdà na fagun filak di nimò, na i uléan lime libu.

Matyu 25:18

Kabay i to fagotan mlibu filak tabalingan buni. Makol kenen di tanà na lbangan i filak tafagot amun kenen.