Matyu 24:39 - Blaan Sarangani

³⁹ Silang ale gmadè, di kakel i bong dunuk i mlimas dale. Na gambet ani kagkah di kasfulêgu, agu i dnagit Tingà To.

Matyu 24:39 Iomraidhean Croise

Dyénésis 7:23

Falmo Dwata kdee dad to, na i kdee bung dad lmanaf, na i dad anuk di bnas. Alò Nowa i mto na dad magin kenen di lam i aweng.

Dad Fngewe 23:35

Na du mdà di kdee ani, manam, “Di fandamgu snuntukla agu, na bnunalla agu, bay làgu gafaldam i nimòla. Too agu mayè mukat, du fye mngabal agu i ninumgu.” Ani manam kadang ku én nimoam.

Dad Fngewe 24:12

Kabay ku balingam man, “Landè gadègu, na landè labetgu di to atù,” bay gmadè Dwata ku tan i mnè di nawam, Du kenen too meye ge, taman gadean i kdee, na bnalasan ge di kdee dad nimoam.

Dad Fngewe 29:7

I dad to matlu too gmadè kamdo na tmabeng i dad to landè di gususay, bay i dad to sasè là mabtas di dale i dad to landè.

Matyu 16:27

Du là mlo i kasfulêgu, agu i dnagit Tingà To, magin i bong kdatah Màgu, na dad kasaliganan. Na di duh én bnalasgu i kdee tamgimò kat satu to.

Matyu 24:3

Na fles Dyisas di bulul dnagit Olib, na sudeng déén, na fdadong di kenen dad gal mlalò kenen di alò ale déén, na manla, “Tulenam gami ku kilen kagdohò i manam gine, na i tan ilè gugmadèmi i bang kasfuléam na i gusen i banwe.”

Matyu 24:30

“Kafnge én, msut di langit ilè kasfulê Tingà To, na sdulê mlanu dad to mdà di kdee banwe di tah tanà di kitela deg, i dnagit Tingà To, tufa di lam i labun di ksalugu dini magin i bong eneg na kneng mdà di kdatahgu.

Matyu 24:37

I kagkah i dad to di kasfulê i dnagit Tingà To, salngad i kagkah dad to di bang Nowa,

Matyu 24:40

Di kakelgu nun lwe to mimò di tanàla, na nwè satu, bay i satu mtagak.

I Fye Tulen gablà ku Dyisas Krayst i Sulat Luk 19:44

Fnatila gamu di lam i syudadyu, balù kel di dad ngàyu. Na di kdee dad gumnè, landè balù satu batu gtagak di gugkahan, du mti malbà, du làyu dilè ku ani i duh kakel Dwata di gamu du falwà gamu!”

Dyan 3:20

Du i kdee dad to mimò sasè knangla i kalwa, na là ale mayè fdadong di salò ken gadè i dad sasè nimòla.

Dad Nimò 13:41

‘Tooyu neye gamu i madoy i kaglut, kadang too gamu tikeng na mati gamu, du nun fangu nimò i làyu fnaglut, balù fa nun mubad dun di gamu.’ ”

Roma 1:28

Na du landè kamula i kaglut gablà di Dwata, knagolan ale. Taman i fandamla mbaling too sasè na én i gamgebe dale di dad sasè nimò.

2 Fiter 3:5

Kabay balingla nlifet, di muna fa fagu alò di talù Dwata, mgimò i langit na tanà, na yéél imoan i tanà, na fsutan i tanà mdà di yéél.