Matyu 21:11 - Blaan Sarangani

¹¹ Na tmimel i dad to magin ku Dyisas, manla, “Dyisas ani, satu tugad Dwata mdà di banwe Nasarét di Galili.”

Matyu 21:11 Iomraidhean Croise

Matyu 2:23

Na i gumnèla di Galili, dunan i tukay lunsud dnagit Nasarét. Na ani kagdohò i gman Dwata fagu di tugadan, manan, “I katlola kenen, to mdà di Nasarét.”

Matyu 21:10

Na di kfusuk Dyisas di Dyérusalém kdee dad to di klamang syudad too tikeng, manla, “Simto to ani dé?”

Matyu 21:26

Kabay ku manito, ‘Mdà di to,’ likò ito dad to, du i kdeela too fnaglut Dyan satu tugad Dwata.”

Matyu 21:46

Taman too ale mngabal kfagu kamfè kenen di bang én, bay likò ale di dee dad to faglut na Dyisas i satu tugad Dwata.

Mark 6:15

Kabay man dademe gablà ku Dyisas, “Kenen Ilaydya, tugad Dwata tasamfulê.” Na man dademe, “Dyisas ani, satu tugad Dwata salngad tugad Dwata di muna fa.”

I Fye Tulen gablà ku Dyisas Krayst i Sulat Luk 13:33

Di mduh ani na fayah fadlug agu di kagugu, na kel di lwe ani, i kakelgu di Dyérusalém, du là fakay fnati i tugad Dwata ku ise déén di Dyérusalém.”

I Fye Tulen gablà ku Dyisas Krayst i Sulat Luk 24:19

Na manan di dale, “Tan i mkel kè?” Na tmimel ale, manla, “I mkel di ku Dyisas mdà di Nasarét. Kenen satu tugad Dwata, too mtulus di kdee nimoan na manan, balù di fandam Dwata na lêman i dad to.

I Fye Tulen gablà ku Dyisas Krayst i Sulat Luk 7:16

Di kite kdee dad to dun ani, too ale likò, na dnayenla Dwata, manla, “Tanun kel di blengito satu tugad Dwata too mdatah. Tatmabeng nan Dwata i dad ton.”

I Fye Tulen gablà ku Dyisas Krayst i Sulat Luk 7:39

Kanto teen i Farisi mlak ku Dyisas i nimò libun ani, man i nawan, “Ku i to ani too glut tugad Dwata, dilean i ldam i libun magot kenen, dilean kenen to too gamsalà.”

Dyan 1:21

Na snalekla kenen, manla, “Kabay, simto ge? Ge kè Ilaydya?” Manan, “Ise.” Na snalekla, manla, “Ge kè i Tugad Dwata fatanmi?” Tmimel kenen, manan, “Ise.”

Dyan 1:25

Na snalekla kenen, “Ku ise ge i Mgalék Dwata ku demen Ilaydya, ku demen i Tugad Dwata fatanmi, na kan ku gal ge munyag?”

Dyan 4:19

Na man i libun, “Nilègu nan ge satu tugad Dwata, taman tan i manam gablà ani?

Dyan 6:14

Di kite i dad to i tnikeng nimò Dyisas ani, manla, “Ani sa tugad Dwata sanfatanito dekan di tah tanà.”

Dyan 7:40

Kaklinge dad to i man Dyisas ani là salngad i fandamla, man i dademe, “Too glut, i to ani dunan i Tugad Dwata fatanito.”

Dyan 9:17

Taman lêmanla snalek i to butè manla, “Tan manam gablà di to én, du manam tafanguléan i matam?” Na tmimel i to butè, manan, “Kenen sa satu tugad Dwata.”

Dad Nimò 7:37

“Na Mosis ani, kenen i talù di dad bel Israél, manan, ‘Di satu duh kadang nun tugad Dwata dekan di gamu, salngad i kdekan deg, na i gumdaan dunan di dad dademeyu.’