Matyu 2:16 - Blaan Sarangani

¹⁶ Na di kaglabat Harì Hérod mafgaw kenen du mdà di nimò dad to fulung meye kagu dad blatik, too kenen flabè. Taman dekan i dad ton fnati kdee dad ngà lagi falami sut kel di lwe fali i ktuala mnè di banwe Bétléhém na di dademe banwe mdadong déén. Laloan i gman dad to fulung meye kagu dad blatik ku tan i klo mdà di ksut i blatik, du én gugmadean kalnawa tingà fafatin.

Matyu 2:16 Iomraidhean Croise

Dyénésis 39:14

tlon i dad dademe lifan i mimò di gumnean, na manan di dale, “Neyeyu, i to Hibru tanebe i yaangu dini, fyaan gami. Fusuk kenen di sibaygu gine, du kayean mimò i knayean di deg, bay mkit agu.

Dyénésis 39:17

Na kakel i yaanan salngad i santulenan kenen, manan, “I lifan Hibru i tanebem dini, fusuk kenen di sibaygu, du kayean mimò sasè di deg.

Dad Fngewe 28:15

I ukum i dad bong labè lmanaf liyun na béar ku bitil, salngad i ukum i sasè ganlal magot i dad to landè du slame ale too kanlikò.

Dad Fngewe 28:17

I to manò i demen to, too msamuk i nawan, na tatì mimò i kalmon, na tatiam kenen faloh.

Matyu 2:1

Na déén gusut Dyisas di tukay lunsud Bétléhém glam di banwe Dyudiya di bang i kagot Harì Hérod i banwe Dyudiya. Kafnge ksut Dyisas nun dad to too fulung meye kagu i dad blatik kel di syudad Dyérusalém mdà di banwe di gusut i duh. Na manla,

Matyu 2:17

Na mdà di kfati i kdee dad ngà ani too gdohò i gman Dwata fagu di tugadan Dyérimaya, manan,

Matyu 2:7

Na di kaklinge Harì Hérod i gusut Krayst, fatlon i dad to too fulung meye i kagu dad blatik di landè to gmadè dun, du snalekan ale ku kilen ksut i blatik.

Tafite 12:4

Na fagu di ikongan dyolan satu alel mdà di tlu di kdee blatik na ftatekan ditù di tanà. Na tadag kenen di muna i libun fan sut i tingaan, du fye knaanan i tingà di ksutan.

Tafite 17:6

Na teengu talangal i libun ani, langal di litè i dad to nfun Dwata, i dad mati mdà di kafaglutla di ku Dyisas. Na di kitegu kenen toogu tikeng.