Matyu 17:9 - Blaan Sarangani

⁹ Na di kasolla mdà di bulul too ale nfang Dyisas, manan, “Nangyu tulen di balù simto i tateenyu ditù gine. Silangyu tulen ku tamték agu, i dnagit Tingà To, mdà di fati.”

Matyu 17:9 Iomraidhean Croise

Matyu 12:16

Kabay fnangan ale tmulen di dademe dad to ku simto kenen.

Matyu 17:12

Na tulengu gamu takel sa Ilaydya, bay là dnilè i dad to ku simto kenen, na balingla kenen fanlayam gusen i knayèla. Na salngad én kadang i nimòla di deg, agu i dnagit Tingà To.”

Matyu 17:20

Na man Dyisas di dale, “Du là gablà i kafaglutyu. Tulengu gamu i kaglutan, balù tukay i kafaglutyu salngad kalbong i too tukay bnê mustasa gaganyu man di bulul ani, ‘Mili ge ditù!’ Na mili sa! Ku gambet én i kafaglutyu gaganyu mimò balù i tan!

Matyu 17:22

Di kastifun i kdee dad gal mlalò ku Dyisas di banwe Galili, man Dyisas di dale, “Tamdadong i kablé deg, i dnagit Tingà To, di agot i dad to,

Matyu 17:23

na fnatila agu, bay di gatlun duh nték mdà di fati.” Di kmanan ani, too mlidù nawa i dad gal mlalò kenen.

Matyu 17:8

Na di ktukengla landè dademe to teenla alò Dyisas.

Matyu 8:20

Na man Dyisas di kenen, “Fandamam i kalima di klalò deg, du i dad tuyun, nun ilib gumulêla, na dad anuk di bnas, nun fulalla, bay deg, i dnagit Tingà To, balù gumilègu, landè.”

Matyu 8:4

Na man Dyisas di kenen, “Nangam tulen ani di balù simto to, bay én nimoam mdà ge, na fitem laweham di bà di Dwata na nebem di kenen i dsù di Dwata fgadè ku Mosis, du én i gugmadè i dad to too glut tamgulê ge.”

Mark 8:30

Na too ale nfang Dyisas nang tmulen di balù simto to gablà di kenen.

I Fye Tulen gablà ku Dyisas Krayst i Sulat Luk 8:56

Na too tikeng i dad tuan, bay fnang Dyisas ale tmulen di balù simto i mgimò di tingàla.

I Fye Tulen gablà ku Dyisas Krayst i Sulat Luk 9:36

Di katlag i talù, teenla alò Dyisas mtagak di safédla. Na fkahla di fandamla, bay làla tulen i teenla di balù simto to di bang én.