Matyu 15:19 - Blaan Sarangani

¹⁹ Hae, du i nawa gumdà dad sasè fandam gamgebe i to di kbanò, klafà yaan, ksaféd i to ise yaanan, ktaku, ktulen kéng di usay, na ktalù sasè gablà di demen to.

Matyu 15:19 Iomraidhean Croise

Dyénésis 6:5

Na tateen Dwata i too sasè nimò i kdee dad to di tah tanà, na tagadean i kdee fandamla na knayèla slame sasè.

Dyénésis 8:21

I bun i dsuan too gaflehew Dwata i Amu, na gman i nawan, manan, “Làgu lêman falmo i klamang tanà, du mdà di sasè nimò i dad to, balù gadègu mdà di ksutla nun sasè knayèla. Na làgu lêman falmo i kdee mto di tah tanà gambet i tamgimògu ani.

Dad Fngewe 22:15

Én kagkah i dad ngà, gal ale mimò klandè ldam, bay ku tdoam fagu di kbadas dale di gugsalàla, tnagakla i klandè ldamla.

Dad Fngewe 24:9

I ksamuk i gal fandam i to là fulung faldam, salà sa, na knang dad to i to gal madoy.

Dad Fngewe 4:23

Toom neye ku tan fandam i nawam, du ku tan i mnè di nawam, én nimoam.

Dad Fngewe 6:14

Na too fnò sasè di nawan, du toon fandam i kiboan mimò sasè, na balù nè gusalun mebe kenen i ksamuk.

Matyu 15:20

Ani sa gafsalà i to, bay ku kmaan kenen di là fa malob ise én gafsalà kenen.”

Matyu 5:28

Kabay ani mangu di gamu, balù simto to meye di satu libun ise yaanan na nibalan tagamsalà kenen du tanlafaan yaanan di fandaman.

Matyu 9:4

Kabay gadè Dyisas i kdee mnè di fandamla, na manan di dale, “Kan ku sasè i fandamyu?

Dad Nimò 8:22

Nsalam i sasè nimoam, na dmasal ge du fye nlifet Dwata i sasè di fandamam.

Roma 7:18

Gadègu landè fye fdu di lawehgu ani, du balù mayè agu mimò fye, làgu gagan mimò dun.