Matyu 13:52 - Blaan Sarangani

⁵² Taman manan, “Ku glabatyu, glabatyu i kagkah i to tagnè gmadè i flalò blé Dwata fagu di ku Mosis, na ku lê kenen mlalò i kagot Dwata salngad kenen di satu to too nun knunan di gumnean. Nun labi na nun falami knunan fakayan gumwè ku nun gukmamun dun.”

Matyu 13:52 Iomraidhean Croise

Dad Fngewe 11:30

I bunge i nimò i to matlu, én gamlawil i demen to, bay i klabè, én gafalmo dun.

Dad Fngewe 15:7

I kbel i gnadè fagu di to fulung faldam, ise ku fagu di to là fulung faldam.

Dad Fngewe 18:4

I dad gman i to fulung faldam gumwè i dademe kfulungla, na too mngalam gambet i mahin, na too fye gambet kaloh i yéél.

Matyu 12:35

I fye to, fye lamwà di baan du mdà di dad fye busekan di lam i nawan. I sasè to, sasè lamwà di baan du mdà di sasè busekan di nawan.

Matyu 13:51

Na smalek Dyisas dale, manan, “Taglabatyu kè i kdee mangu gine?” Na tmimel ale, manla, “Hae.”

Matyu 13:53

Di kafnge Dyisas tmulen dad fléd, tnagakan i banwe én,

Matyu 23:34

Dekgu di gamu kadang i dad tugad Dwata, na dad to nun kfulung, na dad nun bong gnadè mdà di Dwata. Na én nimòyu kadang fnati dademe, nlansang di krus dademe, na sankél dademe di lam i galyu gusatdò, na dluyu ale, balù nè banwe gumilala.

Matyu 28:19

Taman salu gamu di dad to di kdee dad banwe di tah tanà, na flalòyu ale deg. Na bnunyagyu ale di dagit Dwata Mà, na i Tingà, na i Mtiu Tulus.

I Fye Tulen gablà ku Dyisas Krayst i Sulat Luk 11:49

Na én duen man Dwata fagu di bong kfulungan, manan, ‘Dekgu di dale kadang i dad tugadgu na i dademe dad dekgu, bay balingla fnati dademe, na fanlayam dademe.’

Dyan 13:34

“Na nun falami flalò blégu di gamu, dunan sakdo gamu. Kandoyu i dademeyu faglut salngad i kakdogu gamu,

2 Korintu 6:10

Na slaan too mlidù nawami, bay i klehew i nawami di kafye Dwata too gadlug. Na gami dad to landè, bay fagu di gami, dee dad to mbaling ale dad to nun knun landè gusenan. Landè nfunmi, bay balingmi gfun i kdee blé Dwata gami.

Ifisus 3:4

na ku tooyu bnasa i sulatgu ani, gadèyu i kaglabatgu i buni Dwata gablà ku Krayst.

Ifisus 3:8

Na balù agu i too mdanà di kdee dad to faglut di Dwata, knean agu i nalékan gumlén i kafye, du dekan agu tmulen di gamu dad to ise Dyu i Fye Tulen gablà di bong kafye Dyisas, i landè gufasngadgu dun.

Kolosas 1:7

Na i gugambetyu gablà di kafye Dwata, dunan Ifafras i dememi salig Dyisas Krayst toomi kando. Too kenen gsalig di nimò dek Krayst kenen di ktabengan gami.

Kolosas 3:16

Tooyu fkah di nawayu i kdee tdò Krayst, na satdò na safngewe gamu fagu di kfulung blé Dwata gamu. Mlingag gamu lingag i dmayen Dwata, i dad salmo, na i dad lingag fgadè Tulus Dwata di gamu, na mlé bong fye di kenen mdà di klehew i nawayu.

1 Timoti 3:6

Na là fakay ku falami kenen faglut di Dwata, du ken fdatahan i kton, na fanlayam kenen Dwata salngad i kaflayaman ku Satanas.

Titus 1:9

Na lê fye ku mgal i kafaglutan di tdò too gsalig salngad i tagatdò di kenen, du fye gafgalan i kafaglut i dad to fagu di katdoan i glut tdò, na gafgadean gugsalà i dad to dmuen i kaglut.