Matyu 12:35 - Blaan Sarangani

³⁵ I fye to, fye lamwà di baan du mdà di dad fye busekan di lam i nawan. I sasè to, sasè lamwà di baan du mdà di sasè busekan di nawan.

Matyu 12:35 Iomraidhean Croise

Dad Fngewe 12:6

I talù i dad to sasè gafalmo i demen to, bay i talù i dad to matlu gafalwà i dad to fanla falmo.

Dad Fngewe 15:23

Lehew i to ku fye i ktimelan di bangan tmimel dun.

Dad Fngewe 15:28

I to matlu funan too faldam di laan fa tmimel, bay i to sasè mlal timelan, bay sasè i manan.

Dad Fngewe 15:4

I fye talù gamlé klawil na ktanak nawa i dad to, bay i sasè talù gamlé tduk di nawa i dad to.

Matyu 12:34

E gamu, gambet gamu ulad du alò sasè i mnè di nawayu. Landè kibòyu talù fye du sasè gamu! Hae, du ku tan i mnè di nawa i satu to, én i lamwà di baan.

Matyu 13:52

Taman manan, “Ku glabatyu, glabatyu i kagkah i to tagnè gmadè i flalò blé Dwata fagu di ku Mosis, na ku lê kenen mlalò i kagot Dwata salngad kenen di satu to too nun knunan di gumnean. Nun labi na nun falami knunan fakayan gumwè ku nun gukmamun dun.”

Matyu 7:17

Salngad én, i fye kayu, munge fye, na i sasè kayu, munge sasè.

I Fye Tulen gablà ku Dyisas Krayst i Sulat Luk 6:45

Na salngad én i dad to. I fye to, fye lamwà di baan du mdà di fye busekan di nawan, bay i sasè to, sasè lamwà di baan du mdà di sasè busekan di nawan. Na ku tan mnè di nawa i satu to, én i lamwà di baan.”

Ifisus 4:29

Nang gamu talù sasè, bay én alò manyu i too gamtabeng i kafaglut i demeyu to nun klidù, du fye nun gukmamula dun na nun gufyela.

Kolosas 3:16

Tooyu fkah di nawayu i kdee tdò Krayst, na satdò na safngewe gamu fagu di kfulung blé Dwata gamu. Mlingag gamu lingag i dmayen Dwata, i dad salmo, na i dad lingag fgadè Tulus Dwata di gamu, na mlé bong fye di kenen mdà di klehew i nawayu.

Kolosas 4:6

Na di kdee manyu di dad to là faglut, tooyu fanse i kastulenyu, du fye i ktalùyu gamlé ayè di dad to mlinge dun, du fye gtimelyu balù simto to smalek gablà di kafaglutyu.