Matyu 10:7 - Blaan Sarangani

⁷ Na di kaguyu, tamdò gamu, manyu, ‘Tamdadong nan i kagot Dwata.’

Matyu 10:7 Iomraidhean Croise

Matyu 10:8

Na fangulêyu i dad to nun tduk, ntékyu i dad to mati, fangulêyu dad tanfig na falwàyu dad busaw. Nangyu fbayad i tabengyu dad to du i kdee gdawatyu mdà di Dwata laan fbayad gamu.

Matyu 11:1

Kafnge Dyisas tamdò i dad sfalò lwe to gal mlalò kenen, mdà kenen du tamdò di dademe banwe mdadong déén.

Matyu 21:31

Na di lwe dad ngà ani, simto i mimen knayè i màla?” Na tmimel ale, manla, “I twege.” Na man Dyisas, “Hae, na tulengu gamu i kaglutan, i dad to sasè, gambet i dad to mwè bayad buhis na i dad libun mkat lagi, muna fa di gamu fusuk di kagot Dwata.

Matyu 21:43

“Taman tulengu gamu, i kagot Dwata nawì mdà di gamu na blé di dad to mimò knayean.

Matyu 23:13

“Magakdo gamu dad tamdò i flalò blé Dwata na gamu dad Farisi! Fanlayam gamu kadang du tatì gamu flingu gamu fye to, bay nsangyu i dalan dad to fusuk di kagot Dwata. Là gamu mayè fusuk na balù i dad to mayè, làyu faloh dun. (

Matyu 3:2

Na manan, “Msal gamu na tnagakyu dad sasè nimòyu, du tamdadong i kagot Dwata.”

Matyu 4:17

Na mdà di bang én, tambù Dyisas tamdò, manan, “Msal gamu, na tnagakyu i dad sasè nimòyu du tamdadong i kagot Dwata.”

Mark 6:12

Taman kafnge én, mdà ale, na én tdòla, dunan fye msal i dad to na tmagak dad sasè nimòla.

I Fye Tulen gablà ku Dyisas Krayst i Sulat Luk 16:16

“Kel di bang Dyan Gal Munyag, én alò gal tdò, dunan i dad flalò blé Dwata fagu di ku Mosis na i sulat dad tugadan di muna fa. Kabay tambù Dyan tamdò i Fye Tulen gablà di kagot Dwata, na mdà di kaklinge dad to dun, too ale fgal du fye gfusuk ale.

I Fye Tulen gablà ku Dyisas Krayst i Sulat Luk 9:2

Na dekan ale lamngab tmulen gablà di kagot Dwata na fgulê i dad to fandas.

I Fye Tulen gablà ku Dyisas Krayst i Sulat Luk 9:6

Na kafnge én, mdà ale magu lamngab di dad banwe du tamdò i Fye Tulen na fgulê i dad to nun tduk.

I Fye Tulen gablà ku Dyisas Krayst i Sulat Luk 9:60

Kabay man Dyisas, “Bayaam i tamati. Én lambang dun i dad mati, dunan i dad là gamfun nawa landè sen. Kabay i nimoam ge, mdà ge tmulen i dad to gablà di kagot Dwata.”

Dyan 3:2

Di satu butang, salu Nikodimus di ku Dyisas, na manan di kenen, “Rabay, gadèmi ge i satu to tamdò dek Dwata, du landè to gmagan mimò i tnikeng nimoam ku là déén di kenen Dwata.”

Dad Nimò 10:25

Na di kfusuk Fiter di gumnean, smitong Kornilyus kenen, na lkuad di dad blian, du fiten i afean ku Fiter.

Dad Nimò 28:31

Na too nun klabè i nawan na landè gablabal di katdoan gablà di kagot Dwata na i kaglut gablà di Amuito Dyisas Krayst.

Dad Nimò 4:2

Too ale flabè, du Fiter na Dyan tamdò di dad to gablà di kték Dyisas mdà di fati, na du mték Dyisas fakay mték i dad to.