Matyu 10:25 - Blaan Sarangani

²⁵ Taman nang gamu tikeng ku sasè kibòla gamu salngad deg. Gablà ku salngad kibòla i dad to tdò di to tamdò dale na ku salngad kibòla i dad lifan di amula. Ku én katlola deg Bélsébul, dunan Satanas, tan fa ksasè katlola gamu dad togu.

Matyu 10:25 Iomraidhean Croise

Matyu 12:24

Kabay di kaklinge dad Farisi ani, manla, “Ise! Gaganan falwà dad busaw fagu alò di tulus Bélsébul, i gumdatah dad busaw.”

Matyu 12:27

Na ku glut, Bélsébul i gumdà tulusgu falwà dad busaw, simto kè gumdà tulus i dad mlalò gamu gal falwà dad busaw? Gadèyu i tulusla mdà di Dwata, na én sa gugmadèyu gsalà i manyu gablà di deg.

Matyu 9:34

Kabay én baling man i dad Farisi, “Én mlé kenen gnagan falwà i dad busaw dunan Satanas i gumdatah i dad busaw.”

Mark 10:39

Manla, “Hae, gaganmi.” Na man Dyisas di dale, “Too glut, i kaflayam gnaguyu, salngad di kaflayam gnagugu.

Mark 3:22

Na nun dad tamdò flalò blé Dwata fagu di ku Mosis mdà di syudad Dyérusalém mite kafalwà Dyisas dad busaw. Na manla, “Bélsébul, gumdatah dad busaw mnè di kenen, na én sa mlé kenen tulus falwà dad busaw di dad to.”

I Fye Tulen gablà ku Dyisas Krayst i Sulat Luk 11:15

Kabay man i dademe, “Falwaan i dad busaw, du Bélsébul i gumdatah dad busaw, mlé di kenen gnagan.”

I Fye Tulen gablà ku Dyisas Krayst i Sulat Luk 11:18

Na ku sanfati Satanas i dademen, là kè malmo kagotan? Taman kan ku manyu kun, falwàgu dad busaw fagu di ku Bélsébul?

I Fye Tulen gablà ku Dyisas Krayst i Sulat Luk 11:19

Ku glut, Bélsébul i gumdà tulusgu falwà i dad busaw, simto gumdà tulus i dad mlalò gamu gal falwà dad busaw? Gadèyu i tulusla mdà di Dwata na én sa gugmadèyu gsalà i manyu gablà di deg.

Dyan 10:20

Dee di dale talù, na manla, “Book kenen du nun busawan! Kan ku fanlingeyu kenen?”

Dyan 7:20

Na tmimel i dad to, manla, “Tabnusaw ge! Simto mayè mati ge?”

Dyan 8:48

Na tmimel i dad Dyu, manla, “Too glut i manmi, én gumdaam di Samériya, na nun busawam!”

Dyan 8:52

Na man i dad Dyu, “Toomi nan gadè nun busawam! Du balù Abraham na i dad tugad Dwata di muna fa, i kdeela tamati, bay balingam man, ‘Ku nun to mimen i tdògu là kenen mati.’