Mark 9:9 - Blaan Sarangani

⁹ Na di kasolla mdà di bulul too ale nfang Dyisas, manan, “Nangyu tulen di balù simto to i teenyu ditù gine. Silangyu tulen ku mték agu, i dnagit Tingà To, mdà di fati.”

Mark 9:9 Iomraidhean Croise

Matyu 12:19

Na là kenen samdal dad dmuen kenen ku demen faltê, na laan falbong i taluan di dalan.

Matyu 12:40

Tlu duh na tlu butang klon di lam tien i bong nalaf na salngad én mkel di deg i dnagit Tingà To, du tlu duh na tlu butang mnè agu kadang di lam i tanà.

Matyu 16:21

Mdà di bang én, tambù Dyisas fgadè di dad gal mlalò kenen gablà di fan mkel di kenen, manan, “Là fakay ku là agu salu di syudad Dyérusalém, na magu di dee kaflayam ditù mdà di dad tua gal mebe i dad to Dyu na i dad ulu i dad bà di Dwata na i dad tamdò i flalò blé Dwata fagu di ku Mosis. Fnatila agu, bay nték agu mdà di fati di gatlun duh.”

Matyu 27:63

Na manla, “Gafaldammi nun man i to gal mgaw atù di là fa mati, manan, ‘Nték agu di gatlun duh.’

Matyu 8:4

Na man Dyisas di kenen, “Nangam tulen ani di balù simto to, bay én nimoam mdà ge, na fitem laweham di bà di Dwata na nebem di kenen i dsù di Dwata fgadè ku Mosis, du én i gugmadè i dad to too glut tamgulê ge.”

Mark 5:43

Na fnang ale Dyisas fgadè di dad to, na dekan dad tuan mlé knaan di tingà.

Mark 7:36

Na fnang Dyisas i dad to mite, tmulen i mgimoan, bay balù lêan fnang, baling midul fa i ktulenla dun.

Mark 9:10

Na nimenla man Dyisas di dale, bay santulenla ku alò ale, i gumtatek i manan mték mdà di fati.

Mark 9:8

Na gasil ale meye di glibutla, bay landè dademe to teenla di safédla, alò Dyisas.

I Fye Tulen gablà ku Dyisas Krayst i Sulat Luk 24:46

Na manan di dale, “Nun tagsulat di Tnalù Dwata i gman, too maflayam i Mgalék Dwata, na fles mati, na lêman mték di gatlun duh,

I Fye Tulen gablà ku Dyisas Krayst i Sulat Luk 9:36

Di katlag i talù, teenla alò Dyisas mtagak di safédla. Na fkahla di fandamla, bay làla tulen i teenla di balù simto to di bang én.