Mark 5:29 - Blaan Sarangani

²⁹ Na di kagotan dun, tlag kaloh tienan, na lyalon tamgulê i tdukan.

Mark 5:29 Iomraidhean Croise

Salmo 103:3

Mlifet kenen i kdee salàgu, na fanguléan i kdee tdukgu.

Salmo 107:20

Na fagu alò di taluan fanguléan ale mdà di dad fdasla, na falwaan ale mdà di fati.

Éksodus 15:26

Na manan di dale, “Ku tooyu agu nimen, na i nimòyu too matlu di kitegu, na làyu fbayà bay nimenyu i dad flalògu gamu, làta gamu fanlayam di balù tan i tduk i taflayamgu aye i dad to Idyif. Agu sa Dwata i Amu, i fgulê gamu.”

Matyu 9:20

Na di kagula nun satu libun déén too maflayam mdà di tdukan, tatì maloh i tienan. Sfalò lwe fali klon lamyalo dun. Na fdadong kenen di kagol Dyisas, na nagotan i kilil klawehan,

Mark 3:10

Tadee dad to fanguléan mdà di tdukla, taman saglad dademe nun tduk fdadong, fye begla gagot kenen du fye mgulê ale.

Mark 5:28

du manan di kton, “Ku gagotgu alò i klaweh Dyisas mgulê agu.”

Mark 5:34

Na man Dyisas di kenen, “Tingàgu, mdà di kafaglutam tamgulê ge. Mulê ge na i ktanak nawa mnè di ge, du talandè nan tdukam.”

I Fye Tulen gablà ku Dyisas Krayst i Sulat Luk 7:21

Na di bang ksalula déén, too dee dad to fangulê Dyisas di dee bung tduk, na falwaan i dad busaw di dademe dad to, na fanguléan dee dad to butè, fye mite ale.