Mark 12:1 - Blaan Sarangani

¹ Na tambù Dyisas tamdò dad to lêman fagu di fléd, manan, “Nun satu to mule dad walad dnagit grép di tanaan, na nlabatan. Na makol kenen sol di bong batu du gumisà bunge grép. Na fdakan satu too mdatah gumnè du gumunung dad fulen. Na kafnge én, fagotan dad fulen di dademe to, du salu kenen di satu banwe.

Mark 12:1 Iomraidhean Croise

Matyu 13:3

Na too dee tulenan dale fagu di fléd, manan, “Nun to salu di nligon du smabul bnê.

Matyu 21:28

Na fadlug Dyisas talù di dad ganlal i dad Dyu, manan, “Tan i fandamyu gablà ani? Nun satu to lwe tingaan lagi. Na salu kenen di twege, na manan, ‘Tò, mdà ge du mimò ge di fule grép duh ani.’

Matyu 21:33

Na man Dyisas, “Flinge gamu di satu fléd ani. Nun satu to mule i walad dnagit grép di tanaan na nlabatan. Na makol kenen sol di bong batu du gumisà i bunge grép. Na fdakan satu mdatah gumnè i to munung dad fulen. Na kafnge én, fagotan i dad fulen di dademe to, du salu kenen di satu banwe.

Matyu 21:34

Na di bang ktaga dad bungen, nun dekan dad saligan salu di dad to magot dun, du fwean kenen alel.

Matyu 25:14

Na man Dyisas, “Nun fa guflingengu i kagot Dwata di satu to fan mdà magu, na tlon i dad saligan na fagotan dale dad knunan.

Mark 11:33

Taman tmimel ale ku Dyisas, manla, “Làmi gadè.” Taman man Dyisas di dale, “Na, làgu tulen gamu ku nè gumdà glalgu mimò i nimògu.”

Mark 13:34

I guflingengu dun di satu to magu di mawag banwe. Di laan fa mdà funan fagot dad saligan i gumnean, na nun fimoan kat to. Na manan di to gal munung di bà takab, ‘Too ge fgeye.’

Mark 3:23

Na taman tlo ale Dyisas di kenen du talù di dale fagu di fléd, manan, “Tan kibò Satanas falwà i kton? Landè sa,

Mark 4:2

Na too dee tdoan dale fagu di fléd, na manan di dale,

I Fye Tulen gablà ku Dyisas Krayst i Sulat Luk 15:13

“Di là file duh, fabli i twali kenen alel, na neben i kdee gwean di mawag banwe, na falmon di dee sasè nimò i landè gukmamu.

I Fye Tulen gablà ku Dyisas Krayst i Sulat Luk 19:12

Man Dyisas, “Nun mdatah to salu di satu mawag banwe du fye mgimò kenen harì ditù, na kafngen mgimò harì, samfulê.

I Fye Tulen gablà ku Dyisas Krayst i Sulat Luk 22:9

Na snalekla kenen, manla, “Nè kayeam gufatlagadmi dun?”

I Fye Tulen gablà ku Dyisas Krayst i Sulat Luk 8:10

Na man Dyisas, “Faglabatgu gamu i dad gbuni gablà di kagot Dwata. Kabay di dademe dad to, fagu di fléd i dad tdògu dale, du fye ‘balù ku meye ale, là ale mite, na balù ku mlinge ale, là ale gamlabat.’

Dad Nimò 7:38

Na déén sa Mosis di kastifun i dad to di banwe gulandè to di saféd i dad gutambulito na balù i kasaligan Dwata i talù di kenen di Bulul Sinay. Na gamdawat kenen i talù mdà di Dwata mlé nawa na tugadan di gito.