I Fye Tulen gablà ku Dyisas Krayst i Sulat Luk 9:51 - Blaan Sarangani

⁵¹ Na tafan kel nan i duh kagket Dyisas salu di langit, na toon fkah di fandaman i ksalun di syudad Dyérusalém.

I Fye Tulen gablà ku Dyisas Krayst i Sulat Luk 9:51 Iomraidhean Croise

Mark 16:19

Na i Amuito Dyisas, kafnge i manan dale ani, magket kenen di langit, na sudeng kenen gsen di kwanan Dwata.

I Fye Tulen gablà ku Dyisas Krayst i Sulat Luk 12:50

Kabay nun bunyag dnawatgu, dunan i kaflayam fangu nagu. Na là manak i nawagu kel di kagdohò dun.

I Fye Tulen gablà ku Dyisas Krayst i Sulat Luk 13:22

Na fles Dyisas magu salu di Dyérusalém, na slob kenen tamdò di dad malbang na dad malnak banwe di dalanan.

I Fye Tulen gablà ku Dyisas Krayst i Sulat Luk 17:11

Na di kagu Dyisas salu di Dyérusalém magu kenen di bleng i dad banwe Samériya na Galili.

I Fye Tulen gablà ku Dyisas Krayst i Sulat Luk 18:31

Na santifun Dyisas i sfalò lwe to gal mlalò kenen, du manan di dale, “Flinge gamu, du ani salu ito di Dyérusalém, na ditù gugdohò i kdee tagsulat i dad tugad Dwata gablà di deg, agu i dnagit Tingà To.

I Fye Tulen gablà ku Dyisas Krayst i Sulat Luk 19:11

Na fadlug flinge i dad to ku Dyisas, taman tnulenan ale satu fléd, du too mdadong kenen di Dyérusalém, na man nawa i dad to, i kakella déén i katbù kagot Dwata.

I Fye Tulen gablà ku Dyisas Krayst i Sulat Luk 19:28

Na kafnge Dyisas tmulen i fléd ani, fadlug ale salu di Dyérusalém, na Dyisas i muna.

I Fye Tulen gablà ku Dyisas Krayst i Sulat Luk 24:51

Di slengan mlé dale kafye, mdà kenen, na magket kenen di langit.

I Fye Tulen gablà ku Dyisas Krayst i Sulat Luk 9:57

Di slengla magu di dalan, nun lagi talù di ku Dyisas, manan, “Magin agu ge balù nè gusalum.”

Dyan 13:1

Alò sbutang gdè klo kel i fista Duh Kaglius. Na gadè Dyisas takel i bangan tmagak i banwe du samfulê ditù di Maan. Mdà di katbuan too bong nawan i dad ton dini di tah tanà, na di gusenan ani toon fite i kalbong nawan dale.

Dyan 16:28

Én gumdàgu di Mà, na tasalu agu dini di tah tanà, bay di là mlo lêmangu tagak tanà ani du samfulê agu di Mà.”

Dyan 16:5

“Kabay ani, tafan agu mdà salu ditù di mdek deg, na landè di gamu smalek i gusalugu.

Dyan 17:11

Na ani, tafan agu samfulê di ge, na talà agu mlo mnè di tah tanà. Kabay i dad to nfunta, dini ale flo di tah tanà. Taman Màgu Too Mtiu, nifatam ale fagu di bong tulus i dagitam, i gablém di deg. Nifatam ale du fye sasatu ale salngad i gite ksasatu.

Dyan 6:62

Ku én fandamyu, tan i fandamyu ku teenyu agu, i dnagit Tingà To, magket samfulê di gumdàgu di langit?

Dad Nimò 1:2

kel di duh kagketan samfulê ditù di langit. Na silang magket di takafngen mngewe fagu di Mtiu Tulus i dad galan dek, dunan i dad tamgalékan.

Dad Nimò 1:9

Na kafngen mangman ani, magket kenen, na slengla meye lana kenen di matala du maglidung kenen i labun.

Ifisus 1:20

na di kablén glal di kenen di kafsudengan kenen di kwananan ditù di langit.

Filifos 3:14

Too agu fadlug, du fye gwègu i untung blé Dwata, du én duenan malék gito, du fye gfusuk ito di langit di gumnean, fagu di ksasatuito di ku Dyisas Krayst.

1 Timoti 3:16

Too glut, landè fakay fkéng ku tan kdatah i kaglut tafgadè Dwata di gito dunan: Dyisas fbaling kenen to, tafite i Tulus Dwata glut kenen too tlu, teen kenen i dad kasaligan Dwata, nun tamdò gablà di kenen di dad to di dad banwe, nun faglut di kenen di tah tanà ani, na nket kenen ditù di banwe Dwata di langit.

Hibru 12:2

Na too ito meye di ku Dyisas i gumlaloito, du kenen i gumdà na smikof i kafaglutito. Du too kenen tmayud i kaflayaman déén di krus, na landè kyaan di fatin, du én baling fandaman i bong klehew i gdawatan di kakubu i kaflayaman. Na sadni sudeng kenen gsen di kwanan Dwata, du én gufdatah Dwata kenen.

1 Fiter 3:22

Tasalu kenen di langit, na mnè di gsen kwanan Dwata, du kenen magot i kdee dad kasaligan, i kdee nun glal di langit, na kdee dad mtulus.